دى اول مشاركه لي فى هذا القسم يارب تعجبكم
عملت السبرينج رولز بحشوه رائعه وكانت بجانب طبق من الدجاج بالخضروات صينى المفضل عند زوجى وأرز أبيض
وعجبت جوزى إعجاب شديد بالرغم إنه ناقد من الطراز الأول
والطريقه
فى طاسه على النار حطيت شوية زيت وبعدين حطيت مشروم مقطع وبصل أنصاص حلقات وتشوحيهم لحد ما تلاقى المشروم استوى وهوه ما بياخد وقت وبعدين حطيت كرنب مقطع رفيع وصويا صوص وملح ورشة زنجبيل وفلفل أصفر متقطع رفيع ( الأصفر كان طعمه روعه عشان طعمه كإن فيه سكر )
تقليبه سريعه بس زى الصوره
وبعدين تضعى ورقة جلاش مربعه وتضعى فى احد الاركان من الحشوه وتقفلى عليها من الجانبين زى المحشى كده وتلفيه وبعدين تقليهم فى زيت
جربوها هتلاقوها جميله جدا وممكن تغيرى فى الحشوات وبالهناوالشفا