السلام عليكم جايبه لكم موقف يضحك يفشل ماادري وش نسميه المهم وانا احب المهم دائما وماله داعي كثرت البربره يالله انجزي..............:angry2:
مره انا واختي حجزنا في عيادات امج الي بالتخصصي وجا الموعد وكان موعدنا مع فشياه وفهاوه المهم ركبنا مع السواق وقعدنا نحور وندور وكل وحده مبققه عيونه:32: في هالسياره ندوره والله لايعمينا مرينا ولاشفناه ونروح ونرجع ونقز لك ذيك اللوحه الي وشكبرها وكل وحده تقول هذاهو هذاهو بس بس وقف:hahaha: ونوقف قدام محل اثاث وننزل وترجع لنا الفهاوه والعمى مره ثانبه ولاشفنا بوابة العماره الي وش كبرها وقعدنا قدام ذا المحل ونلتفت يمين يسار ونشوف ذاك الرجال قلنا بس خلنا نساله وقلنا لو سمحت وين عيادات امج واشر على محل الاثاث:hahaha: وقلنا بس يمكن انه داخل جوا وانا سمعت بالنت عن فخامة امج قلت بس هاذي الفخامه ومن زود الفخامه حاطين كراسي وطاولات وكنبات في كل مكان يقطع ام بليس ا لغباء .........:16:
وانا واختي شكلنا وانا داخلين يذكرني بسبيكه ورقيه وهم داخلين البنك هههههههههههههههههههههه
واقول لاختي معقوله كل ذي فخامه شكله محل اثاث ونشوف قدامنا الدرج قلنا بس شكل العياده فوق ونرقى الدرج ونلقى ربعه صغيره فيها اثاث ورجالين قاعدين على الكنب ومعهم بايع من المحل ونقعد ناظر فيهم مصدومين:eek: وين العياده مافيه شي وهم قعدو يناظرونا :oانهبلو قالو وش ذا الخبلتين الي جايات لنا ونرجع والا فيه عامل لاحقنا على الدرج تلقاه يقول وش ذا المهبل خلني الحقهم لايسون شي الا ونساله وين عيادات امج وياشر على القزازه:hahaha: صار باب العماره بعد المحل بس من الفهاوه والخيال الزايد في الفخامه خلانا مانشوف باب العماره الاونطلع نضحك على انفسنا ونقول يقطع ام بليس الفهاوه ونروح وندخل ونركب المصعد ويفتح الدور الاول ولانلقاه صارت العياده الضائعه ويفتح الدور الثاني والاهاعيادت بشره وندخل ويفتح الدور الثالث ويجي الفرج ونلقاه وندخل وصرنا متاخرين على موعدنا اكثر من نص ساعه مع هاالحوسه وندخل ونكشف وخلصنا وطلعنا وحنا كاشخين كنا سبيكه ورقيه وهم كاشخين الي بالورده والي بالنظرات ونرجع للبيت وحنا نضحك:p وبس واتمنى السالفه تعجبكم
الكورة الصفراء @alkor_alsfraaa
عضوة فعالة
يلزم عليك تسجيل الدخول أولًا لكتابة تعليق.
HAMSET HOBE
•
هههههههههههههههههههه ياحليلك انتي واختك
الصفحة الأخيرة