سب الازواج واختلاق القصص

السلام عليكم
الوحده من تدخل المنتدى وتقرأ من ذا القصص تقول الازواج شياطين الإنس الازواج خونه الازواج انذال
وفي الغالب اتوقع اغلب القصص توليف
.......
اعتقد فيه عضوات كثير في ذا المنتدى سعيده مع زوجها ومرتاحه وماتحب تتكلم عن حياتها الزوجية
وانا وخواتي واعرف بنات كثير سعيده وتحب زوجها ويحبها
....
في ذا المنتدى وحده تمدح زوجها طارو فيها قالو لها زوجك نادر وكانهم داخلين البيوت
...
نعم هناك مشاكل بس اكيد الاغلب فهي قصص توليف الي تخلي كثير من البنات تعيف شي اسمه زواج
...
توقعو لو فيه منتدى خاص لرجال والاغلب راح يشتكي من زوجته ايش كان رايح يصير
....
انا متزوجه للمره الثانيه وعندي بنت وادعي لزوجي الله يرحمه اخذت معاه خمس سنوات وكنت سعيده معاه ولاكن اضروفي اجبرتني على الزواج لأن ماعندي غير اب كبير بالسن واخو ماهو بمنطقتنا
.
وتزوجت من مطلق وليا ست سنوات معاه وسعيده معاه الله يسعده دنيا واخره ومحترمني وقلبه طيب
وحثه يزور ولده من طليقته ويصرفه والحمدلله
ويجي عندي ولده ويلعب مع اخوانه واعتبره مثل ولدي
..
ومره هو قالي عن سبب طلاقه ان عند اي خلاف تستفزني بهلها واحيانا اجي للبيت وحصلها متغديه وتخليني وحدي ع الصحن واذا تزاعلنا تستفزني وسبب طلاقها إذا اختلفنا ارسلت رساله لخوانها وجونا ويتدخلون بصغيره والكبيره وجي احيانا وماحصلها بالبيت متى ماطرت عليها الروحه راحت
من دون ماتقولي
....
واقول لكل زوجه ليش يسوي زوجك فيك كذا ممكن استفزيتيه ممكن قهرتيه ممكن زعلتيه وكانت هذه ردة فعله انا معك ممكن الزوج يكون نفسيه بس ماهو كل المشاكل الي تذكر بالمنتدى يبقى الغلط من الزوج فقط والزوجه من الملائكه ماسوت شي
وحنا هينا مانسمع إلا من طرف واحد ولو سمعنا من الطرف الآخر لكان العجب




اكيد كلامي مابيعجب كثير الي يحاولن يكرهون البنات بالرجال لاكن هذا الواقع