ما عمري شفت احد يغسل ستايره كل اسبوعين !

صحتك لا تخسرينها بسبب الحماس الزايد .. البنت جسمها ضعيف ولا يصلح تشيل شي ثقيل ابدا

.. كل ثلاث شهور وديها المغسلة

وش المبالغات ذي كل اسبوعين ؟
الجو هالفتره كله غبار حتى لاغسلتيها اصبري بنهاية شهر8
والستاير ماتغسل الا كل ست شهور والباقي نفض فقط
صحتك لايجيك حساسية
ولاتنسين تنفضيها وانتي لابسه كمامه انفضيها بعصاء
ولاخلصتي تسبحي هههههه لانه بتعتبرين كشتي من نفود

كل أسبوعين؟ ما له داعي.. غسليهم كل 6 شهور في مغسلة متخصصة.. وباقي الأيام كنسيهم بالمكنسة الكهربائية عشان الغبار الي يتجمع عليهم وبس.

افرشيها بالحوش طبعن الحوش يكون نظيف او بغرفه الغسيل اذا عندك وابدي تحطي عليها الصابون وكذا وافركي واهي مفروشه بالارض وبعده صبي عليها الماء ونشفيها وبس

يابنات عشان الجو كله غبار ماينفع يتركب ستاير ثقيلة لآن لازم لازم غسيل ونظافه تاااامه من الغبار
اصلا شوفو جو الغرفه لو مسحتيها من حيطان وستاير كيف يصير تحسين انك تتنفسين هوا نظيف
لذلك اقترح للستاير غسيل تكون خفيفه وعملية ماتكون طبقات وقماش لا تكون بسيطة بس اهم شي تنغسل
مو تخبطينها بمكنسة اصلا كيذا ينتشر الغبار اللي فيها
وعشان تضمنين ان الستارة مايروح تعبك فيها هباء لازم الشباك نفسة يصير نظيف من الغبار
استغرب من بعض النسوان بحياتها مافكت هالشباك وغسلتة ونظفته من الغبار

لو خوف من التعب تجيب احد يفك ويغسل ويركب بس اهم شي الغبار هذا تتخلصون منه هو ابو الآمراض


ستاير زي كيذا سهلة بالفك والتركيب والنظافه