لازم نغير انفسنا بالعيد ولا ما نحس بطم العيد
عن نفسي ...........
لون العدسة عشبي >>>> اخضر على رمادي
بلوزة ماسكة واحاول يكون اللون فريحييييي >>>> لسة ماحددت الاخت
التنورة قصيرة يكون الموديل منفوش >>> امزح عاد بس والله مادري ويش تسمون الموديل
وطبعا السلاسل ما ننساها وخاصة الطويلة ترها موضة هذي الايام
الصندل الله يكرمكم يكون ابو حبال >>>> احلى على الوصف
وشعري مقصوص مدرجات قصير >>> من فوق الكتف
وطبعا المكياج هاديء
عطر هوقو >>> قديم بس رهيب
بس اللي قاهرني نفسي اصبغ شعري بس ما اقدر لاني حاطة حناء فرد الشعر ولونه مررة اسود
ابي صبغة لو انشاء الله لون مؤقت احطة واغسلة وويروح في شيء زي كذا>>>> تراة من خيالي

يلا نشوف البقية ولا ماتبون تعيدون

موضوع حلو

بس عندي سؤال للاخت طيف
عن قصة الشعر
كيف تلفينها بالطريقة اللي قلتيها
انا ياكله على فوق او كله على تحت
ولامرة ضبط معي زي ماقلت
فالله يرضى عليك الغلا
إذا كنت تقدرين تشرحين لي
هذا من ذوقك,, الله يسلمك



ومشكورة اختي

انا كل سنة اشتري 3 اطقم
لان العيد عندنا 3 ايام
الأول:( بلوزة )= تايقرباكمام حيرانة فيها حركة بس ما اعرف اوصفها
الحركة في الرقبة ماهي عادية زي التي شيرت لا تجي طبقات زي فساتين السهرةالايطاليةوقماشتها ماسكة استرتش ومن تحت الصدر شريطة سودا
(تنورة)= طبعا اسود على لون الشريطة قصير غجري وقما شتها ساتان
عجبني فيها انة طبقة فيها تطريز ورود وطبقة سادة مكرمشة
بما انها قصير البس تحتها برمودا تايقر استريتش
(اكسسوارت)= 1- الحذاء= "وانتم بكرامة" تايقر فلات
2-الشنطة = جاري البحث عنها
3- مجوهرات= طقم ذهب ذهبي <سلسلة وحلق وخاتم > هدية عمتي
الثاني:(بلوزة)= كروهات كبيرة احمر واسود وتفاحي كت موديلها امبير بس من تحت الصدر مو عريضة كلوش لا عادية نازلة على ضيق غالب عليها اللون التفاحي قميص يعني بأزارير من الامام
(تنورة )= جينز من الثقيل جدا أزرق الاصلي ماهو كحلي ولا سماوي طريلة موديلها السمكة
(الاكسسوارت)=1-الحذاء= صندل احمر مثل صندل الاطفال
2- الشنطة= مربعة احمر جلد
3- مجوهرات= ساعة حمراء/ وحلق مربع احمر وتفاحي كبير/ اسور مشكلة احمر
واسود وتفاحي
الثالث لسى ما اشتريت بس افكر في
بدي سادة قطع بدون حمالات والف على صدري اسكارف منقش مثل ربطة الحزام على الخصر بس يكون في زيادة من الطرفين حتى ارجعها لورا كانها حمالات وادبسه بدباسة الدفاتر<<<< لااحد يضحك علي دايم اسويها ولا احد ينتبة بس يحتارون كيف اثبت الملابس بطرقي العجيبة والسر دايما في الدباسة

مشكوريييييييييييييييييين عالردووووووووود

وان شالله بنت الحفر ترجع لنا بأفكار مثل العام الماضي





سيدة أعمال مشكوره اختي ،، وفعلا لاحظت ان خامة البلايز لاهي صيفي ولا شتوي
مع ان الجو حررررر

ناني الحلوه مشكوره على مرورك وان شالله تروحين هاليومين




بنت الحفر
اهلين وسهلين ،،، وننتظر أفكااااااااااااااااااااااار وياليت تكثررررررررررررين


(*راعيتها*)


الله حلي أيامك يا عسل
اذا رحتي السوق جمعي لنا من الاشياء الزينه

بالنسبه للصبغه تحصلينا عند محلات المكياج والتجميل ،، انتي بس قولي أبي صبغه مؤقته للشعر
بتحصلين شكلين شي يكون بخاخ وشي بيكون كأنه كريم يعصر
أنا جربت اللي يعصر ماعجبني ابددددددد واشتريت البخاخ

مالها ضرر عالشعر لأنك بتحطينها ساعات مؤقته وبتغسلينها


واحات

هذولي هم الامهات أخر شي أنفسهم ،، الله يكون بعونك ويخلي لك عيالك

mooon_14

ماشالله ،، مبروك وعسى الله يتمم عليك حملك
توك بالشهر الثالث يعني مو مبين ابد ،،، واتوقع حتى لو لبستي ضيق ماراح يبين
وش رايك تلبسين نبجابي من البنجابيات الكشخه اللي طالعه
اختي اشترت واحد بصراحه روووووووووووووووووووووووووعه وفيه حركات من عند الصدر والاكتاف
لان البنجابي مايبين البطن ابددددددددددددد
اذا لبستي واسع بيقولون أيه مبسوطه لانها حامل وبتبين لنا
خخخخخخخخخخخخخخخ صدقيني هذي افكار الحريم والا بيقولون من الحين بتهمل باللبس اجل بالتاسع وش بتسوي
انا بصراحه تعجبني الحامل اللي تلبس ولااحد يدري انها حامل ابدددد



زهرة قرنفل 223

مشكوره ياحياتي عالمعلومات ،،، البلايز الطويله طالعه بكثره بس للحين مالبستها
نفسي بتيور كشخخخخخخخخخه



طيوورر

ماشالله عليك مختار كل شي من الحين ،،ان شالله البنات بيزودونا بأفكار جديده وبتاخذين منها
عجبتني عدساتك ( عشبي برمادي) ،، بس انا للحين ماخترت لبسي عشان احدد لون العدسات

تصدقين ذكرتيني بالعطر ،، كنت ناسيته مره
وبالنسبه لشعرك نفس حكاية شعري اسود مره ،، ونفسي اسوي له خصلتين ونصحتني وحده بالبيج
بس مدري يصلح عالاسود والا لا


رسهان

الله يحلي أيامك

بالنسبه لطريقة لفي لشعري ،، نفس السؤال انطرح علي قبل كم يوم من احد زميلاتي
شوفي ياعسل ،، تستشورين شعرك بعدين تاخذين الجزء الأمامي من الشعر
انا اقسم شعري بالبنسه حقت الشعر ،،اخذ الشعر اللي قدام (بس مو كله) لا بس شوي ،، تقريبا من قدام الأذن بمقدار أصبع ،،هذا قسم والقسم الاكبر بيكون ورا

اللي ورا امشطه وامسكه بمغاط او مطاط واربطه عشان مايطير
بيطلع عندك بعد الربط ذيل صح؟ امسك خصله خصله (براحتك إذا بغيتي الخصله كبيره او صغيره بس انا احبها صغيره عشان يكثف التدريج) وبعد ما امسك الخصله ابللها بشوي ماء واللفها على اصبعي لفوووووق

بعدين اسحب اصبعي واثبت اللفه ببنسه واسوي كل الخصل نفس الطريقه

نرجع للجزء ألامامي طبعا تركناه مسدول عشان نرجعه له ،، والقسم هذا من الشعر بيكون اصغر من القسم اللي ورا (بدايته من قدام الاذن )

امشط الشعر على تحت وااللفه بالرولات الكبار على تحت واثبته (طبعا يكون شوي مبلول)
انتبهي اللفه من قدام بيكون على تحت مو على فوق

اتركي شعرك يجف واذا مستعجله شغلي المجفف وجففيه
فكي شعرك من ورا بيكون كله على فوووق وفكي الرولات اللي من قدام بيكوت شعرك على تحت
بعدها أدخل اصابيعي بشعري من قدام وأسحبه على ورا او فووق بيطلع روعه

ونفس الطريقه ادخل اصابعي بشعري من ورا وانفشه حتى يتوزع الشعر ويكثر التدريج

بعدها بيطلع شكل شعرك رووووووووعه ،،وخاصه اذا كان توه مغسول بيطلع ملفوف لمدة طويله

اتمنى يكون شرحي وافي ومفهوووم ،،




غيثاء

ماشالله لبسك حلووووووو ،، عساه ملبوس العافيه

وعجبتني فكرة البدي والاسكارف عالصدر ،،، بس هذي تصلح للي صدورهم صغار
وحلوه فكرة الدباااااااااااااسه من جد حلوووووووووه ،، بس ياليت تقولين لي من وين تثبتينه بالدباسه
وكيف ماتبين الدبابيس؟؟
شكلي بسرق من افكارك لاختي

أحس من لبسك انك بنوته صغيره


وان شالله لي عووووووووووده بعد السووق

موضوعك يجننننننننن تسلم يدك :)
حتى انا والله ودي اطلع بشكل جدييييييييييد

اول شي بأذن الله راح اكون نااحفه كم كيلوو يعني بيغير شكلي
ثاني شي راح اشتري عدسات لونها ماااااائي يجنن على البيضااء
ثالث شي شعري صارلي سنه تقريبا ماصبغته بروح واصبغ اشقققر زي صبغة المريكيات
رابع شي السوق والممثلات وكل البنات طاايحين بالبلايز الطويله والبرمو ده الضييق والصندل الربط رووعه او بدي وتنوره قصيره وتحته البرموده بس التنوره تكون نص الفخذ
روحو بيرشكل منزل بضااعه جنااااااااااااااااااااان والناس زحمه من الحين يعني لو ماشريتو من الحين ماراح تلحقون شي ابد!!
يعني انا لسا مااشريت بس بروح هالايام ان شاءلله
خامس شي واول مره بحاتي اسويها اني بحط مكياج بمشغل :)
سادس شي عطري وعباتي والبخور وكل شي يتعلق بريحتي بغييييره خير شر
سابع شي واول مره بسويها انا اظافري طويله ومرتبه وكل من شافني يسئلني هي تركيبه!!
ولا مره سويت فيهم حركة الرسم:) مره عاجبتني بسويها بس ب2 اظاافر وبرجلي بعد..
ثامن شي انا مااحب الاكسسوارات كثير بحاول احط هالسنه
وبعد بسوي شي عمري ماسويته اني بشري لأمي وابوي واخواني وخطيبي هدية العيد:)
بتكون مفااجئه لهم بالمره,,وبغلفها بلون لبسي

واممممممممممممممم بس هذا الي فبالي الحين وبشوف افكاركم واكيد بتعجبني وبسوي زيها :)