ستايل مريح ☹️

بنات تعبت من ستايلي الي كنت اداوم فيه
لان جامعتنا بعيييييده كأنها سفر ومع الصيف 😭😭
المهم ابي تساعدوني وابي نصايح عشان اشتري ملابس وحذيان مريحة
عشان احس بالراحه وألخفه وكأني بالبيت فهمتو


الحين انا اعتمدت السنه ذي جزمات يوميا وأحس ضايقتني هي والجوارب وأفكر السنه الجايه البس حذيان عاديه مفتوحه او شبشب مريح
واللبس برضو أحسه ثقيل ويضايق وحاولت ألاقي ملابس حلوه ومريحه بس مالقيت ولاعرفت
انا البس اكثر شي جاكيتات وتنورة شوي ضيقه وماسكه من بطني
وأفكر أغير ستايلي على بلايز قطعه واحده وخفيفه افضل والبس تنوره واسعه ومن عند الخصر مطاط
وبرضو شعري كنت استشوره كل يوم من قدام والنتيجة جاني فراغات 😭 والحين يعالجها بزيت ثوم مركز جاهز وعشان كذا السنه الجايه مارح استشور ابدا ومارح اخليه مفتوح عشان مايضايق
برضو المكياج مارح اسوي اللهم كحل ومسكره وواقي
والشنطه بأخذ كبيره أحط فيها كل احتياجاتي وبأخذ بوك صغير لجوالي والفلوس أتنقل فيه عشان مااقدر أشيل الشنطه معايا اذا تنقلت بين المباني
ليش انا قلت كذا ؟ عشان بما ان اغلب وقت يومي بالجامعه قلت لازم اخلي ستايلي مريح وقريب من ستايل البيت وعشان مااتعب واتضايق من الدراسه وأركز تركيزي على المذاكره وكذا
وللاسف انا طبيعتي مااحب الكشخه كثير واتضايق منها جدا أحب أكون على طبيعتي 😊وش رأيكم اذا عندكم نصايح اكثر ساعدوني
عشان اشتري كل شي واجهز قبل مايجي التوم الصيفي وسلامتكم
🌷🌷🌷🌷🌷