ستصل رسالتي رغم انوفهم

بسم الله الرحمن الرحيم
...اخواتي لم اكتب هذا الموضوع للتسليه او لسد وقت الفراغ كتبته من القهر اللي حسيت فيه...والتجربه المريره اللي مريت فيها..انا بنت لي طموح ابي ادرس الجامعه ابي يكون معاي شهاده تنفعني مو احطها بالدرج ولاكن
اللي حصلي كسر مجاديفي..لا جامعات تقبل رفض رفض رفض...لماذا لان مامعاي واسطه؟؟؟ انا انسانه نسبتي 82 ما تأهلني أني اتكلم او ازعل واقول ليش ماقبلوني
المفروض اسكت واقول فيه بنات يستحقون اماكن في الجامعه بسبب نسبتهم المرتفعه..ولاكن اكتشفت حقيقه مره ان فلانه الي نسبتها60 دخلت الجامعه والقسم اللي هي تبغاه والثانيه والثالثه اعداد هائله...انصدمت..اين العدل انا اسكت وارضى لو كل الجامعه داخلينها بنات متفوقات والله ما ازعل بس ليش الضلم؟؟على الأقل وفروا دراسات أخرى لنا مجالات اوسع دراسات مسائيه راضين المهم نستطيع اكمال الدراسه الجامعيه..او وفرو لنا جامعات اهليه مستعدين ندرس برسوم ماليه بس جامعات تدرس مناهج صح وتجعل طالبتها يستفيدون مو جامعات تجاريه...جامعات للتعليم..معاهد كمبيوتر وانجليزي بالهبل في الجرايد ليش..لأنهم عارفين كثرت العالم إللي قاعده لاشغل ولامشغله تبي تستفيد من وراهم واللمشكله شهادات ماتنفع الا في الحالات النادره...حاولت اسجل في معهد الإداره ولا انقبلت وشفت اسامي المقبولات من قوة الواسطه ثلاث اخوات مقبولات في نفس القسم ومعهم بنت عمهم؟؟؟
وجامعة سعود رحت اقدم قالت لي الموظفه بلسانها عندك واسطه تعالي ماعندك اسفين.. وهذه الحاله عند الغالب وان حصل لها فرصه ودخلت جامعه او معهد دخلت قسم لاهي فالحه في ولاهو من رغبتها دخلته لأنه يقبل بدون واسطه((قسم غير مرغوب فيه وماعليه زحمه))..... فقررت ان اكون ربة منزل واتعلم الطبخ والنفخ....
وطني الحبيب....متى تعطينا لكي نعطيك؟؟