السلام عليكم
حبيت في أول مشاركة لي أني أعطيكم طريقة هذي الكيكة مرررة لذيذة وفخمة لو عندك ضيوف أو رحتي زيارة شكلها حلو
اسمها بالعربي (الكيكة المدبقة)
المقادير:
كأس تمر مقطع قطع صغيرة أضيفي عليه ملعقة كبيرة بيكنج صودا وكأس ماء ساخن
(أ)
أصبع زبدة بحرارة الغرفة
نصف كأس سكر
بيضتين
ملعقة نسكافية كبيرة مذوبة بملعقة ماء
(ب)
كأس طحين منخول
ملعقة صغيرة بيكنج بودر
ملعقة صغيرة بيكنج صودا (بيكربونات الصودا)
ملعقة صغيرة قرفة
رشة ملح
(ج)
ثلاث ملاعق لبن زبادي
التغطية:
حليب نستله توضع العلبة في قدر ماء ثلاث أرباعه تقريباً على النار إلى أن تغلي الماء
بعدين نقصره على نار هادئة لمدة ثلاث ساعات
في نصف الوقت نقلب العلبة علشان تستوي من فوق ومن تحت
ولما تفتحي العلبة تلقيها صارت كراميل أو توفي طعمه يجننننننن
الطريقة:
أولاً نخلط الزبدة مع السكر بالمضرب الكهربائي ثم نضيف باقي مقادير (أ) ونخلطها
ننخل مقادير (ب) مع بعض ونضيفها على مقادير (أ)
ثم نضيف التمر مع نصف كمية الماء ونخلط وآخر شي نضيف الزبادي ونخلط
ندهن الصينية ونحط الخليط في الصينية
نكون حمينا الفرن على 350 أو 375 درجة للفرن الكهربائي وأتوقع 170أو180 لأفران الغاز بس انتبهوا مو متأكدة
لمدة 30 دقيقة أوحتى تستوي
لما نطلعها من الفرن نصب عليها التوفي
ونزينها بالفراولة
ملاحظة/إذا كان التوفي مرة جامد ممكن تخففيه بشوية حليب سايل أوكريمة خفق سايلة أو تحطيه في حمام مائي ساخن
وعلى فكرة ماتاخذ كل علبة التوفي ممكن تحفظي الباقي في الثلاجة بس في علبة بلاستيك غطيه زين وإذا تبغي تستعمليه مرة ثانية طلعيه من بدري من الثلاجة
وآسفة على الإطالة
وإن شاء الله تجربوها وتعجبكم
وأي سؤال أنا حاضرة
بنت أم رياض @bnt_am_ryad
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
رووووووووووووووووعه وشغل مرتب :)