هلا بالجميع :d9:
واخيرا رجعت للطبخ بعده فترة غياب وسببه الكسل ... طبختنا اليوم هي
ستيك بالمشرووم
المكونات:
كيلو لحم ستيك خفيف
3حبات فليلفه الالوان ع راحتك
2علبه مشروم
4حبات بصل
كوب كاتشب
كوب صوص اتش بي ماء
البهارات ملح+فلفل اسود+بهارات مشكله+شويه ليمون+خل+زيت زيتون شويه كزبره وبقدونس وشبت
الطريقه :
نخلط البهارات مع بعض ونتبل فيهم اللحم ونحطه بوعاء ونتركه يوم كامل بالثلاجة
واليوم الثاني نقص الفليفله والبصل
ونقلي الفليفله وحدها والبصل لوحده والمشروم لوحده
واخر شئ نقلي اللحم ع نار هادئه وزيت وسط
الحين نجهز الصينيه نخلط الكاتشب والصوص مع الماء اول شئ نحط المشروم واللحم والفليلفه والبصل والكزبره والبقدونس والشبت ف الصينيه ونحط فوقهم الصوص
وندخلهن بالفرن لمده 30/40 دقيقه
وعليكم بالعافيه دعواتكم لي