صراحه انا من عشاق تشيليز
و من زمان حابه اجربه في البيت
لحد ما جربت طريقة ريريتا و طلعت خطييييييييره و المهم انها عجبت زوجب جدا :o
رغم انه مش من عشاق اللحم
و هنعمل معاها كمان البطاطس المهرووسه الخطيره :32:
بسم الله و به نستعين
اول حاجه البطاطس المهرووسه على طريقة ريريتا
المقادير
4 حبات بطاطس متوسطة الحجم
زبده
البهارات المستخدمه ( فلفل اسود , ملح , زعتر بري , شطه سائله , مكعب ماجي)
الطريقه
اول حاجه نجيب البطاطس و نغسلها كويس جدا و ننظفها بفرشة الخضروات على اج ما نقدر عشان نشيل اي بواقي متعلقع و بعدين ننقعها شويه في مايه و ملح و خل
بعدين نحط قدر على النار كل التوابل و البهارات اللي زكرنهاها و مايه حاره الى ان تغلي بعدين نغطس البطاطس
نتركها نص ساعه و بعدين نرفعها من على النار و نحتفظ بماء الغلي (محدش يرميه)
نقشرالبطاطس
و بعدين عجنت البطاطس في الخلاط عشان تكون مهروسه كويس مش بحب فيها قطع كبيره
و اثناء الهرس في الخلاط اضفت معاها 4 معالق من ماء السلق بتعطي نكهه خطييره
بعد ما هرسناها نحط كميه من البطاطس في زبدية شوربه مدهونه زيت بسيط عشان البطاطس ما تلزقش
و بعدين نقلبها في صينية فرن انا استخدمت بايركس
بعدين نحضر الصلصه البيضاء اللي نحطها على البطاطس
( علبه صغيره كريمة خفق , زبده , نص فص ثوم مهروس , ملح , فلفل اسود , بابريكا اهم شيء) وانا اضفت شوية قشطه
نضع قليل من الزبده في قدر على النار الى ان تسيح و نضيف الثوم و نقلب سريعا بدون ان يحمر لونه و بعدين نضيف
كريمة الخفق و القشطه و نتركه الى ان يغلي شويه
و نضيف الملح و الفلفل و البابريكا و نتركه على جنب
بعدين نرجع للبطاطس و نعمل فيها حفره صغيره من النص زي كدا بدون ما توصل لاخر البطاطس
و بعدين نضع الصلصلصه البيضاء و نرش شوية جبنه اي نوع موزريلا او اي نوع تحبوه و نرش بابريكا شويه
و ندخل البطاطس الفرن بس تتحمر شويه و تتماسك الصلصه و نخرجها وهنا بعد ما خرجناها
و ناخد بالنا لما نيجي نشيل البطاطس لطبق التقديم نشيلها بااده كبيره زي اللي نشيل بيها المكرونه عشان ما تبوظش منا
يتـــــــــبع
المقادير : شريحتين استيك ريب اي و سكون بحجم الكف انا شريتها سمكها صابعين زي ما ريريتا كاتبه بس طلعت سميكه و اخدوت وقت في السوى فأعتقد اصبع و نص كفايه سمك
تتبيلة الاستيك
3 حبات ثوم مهروس ناعم
2 معلقه خل اسود
ملح
فلفل اسود
نص فنجان شاي عصير ليمون
صوص دس الرمان
صلصة الاستيك
زعتر بري مجفف
اكليل الجبل الطارزج ( روزميري ) يفرم و ويوضع مع المكونات : استغنيت عنه لاني ما لقيتوش وقتها
نخلط المكونات و ننقع الاستيك في التتبيله طول الليل
و عملت حركه تانيه خطيره من ريريتا
في اليوم اللي نقعت فيه الاستيك
سيحت على النار زبده بسيطه و قلبت معاها بسرعه شويه ثوم بدون ما يحمر و حطيت زعتر بري و قلبت كله بسرعه و حطيته في قوالب ثلج على عدد الاستيك و حطيته في الفريزر و قبل ما اسوي الاستيك على طول خرجته من الفريزي عشان يفك شويه و بعد ما يستوي الاستيك نحط عليه قوالب الزبده عشان تسيح و تعطي طعم يجنن
بس اختاروا اشكال قوالب حلوه لان الشكل اللي عندي وقتها ما كانش اوي و دا صورته بعد ما خرجته من الفريزر
نيجي لليوم التاني نطلع الاستيك من الثلاجه
و نحضر الشوايه و نحط عليها زيت بسيط
و نبدأ في شوي الاستيك مع التقليب المستمر و ندهنه بالخليط اللي كان منقوع فيه عشان ما ينشفش
نيجي للتقديم
انا قدمت الاستيك مع البطاطس المهروسه و بطاطس محمره في تقديم ودي صوره
ودي صوره اقرب
ودا رابط الموضوع الاصلي لريريتا
http://forum.hawaaworld.com/showthread.php?t=253123&page=1&pp=20
وما تنسوش الردود