لكن طريقة الاخت كريكره هي اكثر طريقه اعجبت اهلي .. مع بعض التعديلات عليها ..
استخدمت لنقع قطع الستيك ..
2 م ك خل أبيض + 1 م ك خل تفاح + 1 م ك عصير ليمون
3 م ك صويا صوص او صلصة الصويا + 3 م ك زيت زيتون
رشة ملح .. فلفل اسود و ابيض + كزبره ناشفه + ورق الروزماري
ما ادري وش اسم الروزماري بالعربي .. بس اتوقع هو نفسه حصى البان
شرائح ليمون و برتقال رفيعه ..
اخلط جميع المقادير .. وانقع شرايح الستيك فيها
انا استخدمت الريب آي و ممكن استخدام السيريليون ..
نقعتها حوالي 6 ساعات ..
وهنا حضرت خبز بالثوم ..
حضروا اي عجينه مضبوطه ..
كوروا العجينه كور صغيره في صينية الفرن ..
وخلوها بعيد عن بعض عشان تنتفخ ..
وبالشوكه من فوقها .. سووا فيها فتحات .. وادهنوها بالزبده المخلوط بالثوم وقليل من البقدونس والكزبره الناشفه والمفرومه
ضعوها في الفرن لحد ما تنتفخ و تتحمر .. واتركها على جنب تبرد ..
وبعدين ..
حضرت خضار عشان اطبخها عالبخار
عباره عن جزر و كوسا و بطاطس و بروكولي ( زهره لونها اخضر )
غسلتها زين .. و قشرت الجزر .. و باقي الخضار ماقشرتها
قطعتها مربعات متوسطه اقرب للصغيره ..
و حطيتها في سله على قدر فيه ماي مغلي عالنار .. و غطيت القدر
لحد ماتستوي .. مانخلي الخضار تلامس الماي .. بس بالبخار ..
احنا ماعندنا قدر بخار .. فحطيت المصفاه فيها الخضار فوق قدر فيه ماي مغلي ..
واهم شي تغطون القدر عشان يتجمع البخار ..
و ماله وقت محدد عشان يستوي .. يعني على حسب حجم الخضار ..
لمن تستوي نطفي عنها النار ..
ملاحظه .. مو كل الخضار تستوي في نفس الوقت ..
الجزر والبطاطس .. تاخذ وقت اطول من الكوسا ..
فنحط الجزر و البطاطس اول .. وبعد شوي نضيف له الكوسى .. ولمن ينضجون نحط البروكولي ونصك النار مباشره
لان البروكولي مايحتاج اي وقت عشان ينطبخ
و تقدم مع الزبده والملح و الفلفل و عصرة ليمون :)
اما بالنسبه للستيك ..
احط شوي زيت في مقلاه ..
اقلي قطع الستيك على الجهتين لحد ماتتحمر .. بعدين اسكر عليها غطا المقلاه
واخفف النار لاقل شي .. و اخلي اللحم ينزل مويته وينطبخ فيها ..
بعدين افتح الغطا و اعلي النار عشان تتبخر المويه ..
اشيل شرايح الستيك من المقلاه .. واخلي عصارة اللحم فيها
اضيف شرائح البصل للمقلاه واتركه شوي لحد مايستوي ..
اضيف بعدين مكعب ماجي .. و شرائح الفطر ..
لمن ينضج الفطر اضيف للخليط نص كاس كريمة خفق ..
اخلطه زين و اخليه لحد مايغلي واطفي عليه النار ..
وللتقديم ..
اضيف على الستيك في الصحن صوص المشروم و خبز بالثوم على جنب
وبالعافيه على الجميع
وقدمت معها باي التفاح ..
]
تسلم الاياااااااااااادي..
الله يعطيكي العافيه..
لكـ من مـــ90ـــشاعـــركل الحب والود..