اليوم جايبه لكم صور غدانا ستيك ديك رومي مع بطاطس مقرمشه بطريقة دلوعه مع صوص مشروم وسلطه خضراء بصلصه الماسترد
اوكي يالله نبدء بالستيك وصلصله الماشروم
نحتاج ستيك ديك رومي مدقوقين شرايح رفيعه
بيضه+بصله صغيره مفرومه او ياليت تضربيها بالخلاط مع 3فصوص ثوم +ملح +فلفل اسود+وملعقه صغيرة ماسترد تخلطي العناصر كلها وتخليها اطول فترة تقدري عليها
انا تركتهم ساعتين بعدين تغطيهم ببقسماط وتدخليهم ثلاجه شوية يعني الين تجهزي البطاطس والسلطه وتبدي تقليهم بزيت غزير
نجي لصلصه الماشروم وهده احبها موت لاني ادهن بيها السندوتشات تطلع لديده مع ستيك لحم
نحتاج فطر طازج او معلب + فصين ثوم مفرومين +بقدونس مفروم+كريم فريش او روب +ملعقه صغيرة ماسترد+ملعقة طعام زبده+ملعقة نشاء
ملح فلفل ورشة جوز الطيب
نقلي قطع الفطر في الزبدة مع الثوم والبقدونس,نرش عليها ملح والفلفل الاسود وجوز الطيب ونحركها شوي .
نفرغ عليها الكريم فريش 200 غ او علبة روب ,نضيف النشا ونحرك 4دقايق ثم نضيف ملعقة الخردل
لما نقلي الستيك مع بطاطس نكون مجهزين سلطه خضراء ونحط عليها صوص عبارة عن
ملعقه صغيرة ماسترد+ملعقه كبيرة خل +ملح وفلفل اسود+فنجان قهوة تركية زيت
خلطي بالملعقه المقادير عدا الزيت لازم تضيفيه شوي شوي الين تحصلي على صوص مثل الكريمة وتسكبيها على السلطه وبالف صحه وهنا
طريقة البطاطس المقرمشه اللديده بطريقتي راح احطها بالمقبلات واضيف الرابيط هنا
للتقديم عندك خيارين
تدهني خبز صامولي او همبرجر بصلصه الماشروم وتضيفي خس وتقطعي ستيك الديك الرومي وتحشي سندوشاتك
وتقدري تحطيه بصحن تقديم زي الصورة
يارب تعجبكم الوصفه وتراني باحاول احمل صور من المنتدى ويارب تظبط لاني مليت من المرفقات
بالف صحه وهنا
