حلم ,, @hlm_88

عضوة نشيطة

ست شهور في بيت اهلي .........

من سنه ومشاكل بيننا في رمضان تطلقت في لحظه غضب .. ورجعني لذمته.. تدخلوا ا اهلنا واتفق مع ابوي انه مارا ح يستاجر بيت الابعد عيد الاضحى قرينا عند شيخ وصار بيننا حسد وتعالجنا منه الحمدلله
جا عيد الاضحى وكل ماجا يستاجر يجي ظرف يعطله مره سفره عمل مرا احداث الاثيوبيين مرا مرابطه اخر شي طارت الفلوس اللي كان موفرها للاجار في اقساط سيارته وقعد على الحديده :(

تهاوشت معه وقلت وين وعدك لابوي عصب وقاطعني ماكلمني كم يوم بعدها طنشششت عرفت انه خايف يكلمني عشان ماكلمه في البيت او الفلوس او الطلعات

صرت اتحاشا اجيب طاري هالاشيا في مكالماتنا رجع الوضع طبيعي صار هو من نفسه يكلمني يحاول يكسب رضاي يطلعنا يمشينا ويشتكي يعلمني انه يجمع من هنا من هنا بس الفلوس اللي يجمعها ضيئيييله من الليموزين يدخل 50 ريال يوميا حاولت اقنعه يشوف وظيفه ثانيه ا ويكمل دراسته مامعه الا متوسط لكن راااافض نهائيا
هو تقريبا وصل مرحله الافلاس كل اللي معه يروح اقساط استغفر الله كانه مقطوع من شجره اخوانه عددهم 11 ولا واحد فيهم قال يساعده الحين
يقول انتظر الين تنزل راتبين هالشهر ا والشهر اللي بعده عسى ربي يسهلها مع اني عارفه انه يخدرني بالكلام كالعاده

ابوي كل ماسألني قلت اني طنشت هالموضوع ماصرت اجيب طاريه و اعلمه اخر الاحداث وابوي راح يتدخل بس انا اهديه لاني مابي طلاق الحين
احس نفسي مو متمسكه في زوجي وماتفرق معي رغم انه الان يحاول يتعدل و يرضيني ورجع زي اول الزواج لكن نفسي عايفه واحس انه خايب ظني فيه وما انتظر منه اي شي الان كل املي اني اتخرج الاقي وظيفه مناسبه تكفيني لاني ما اضمن ان زوجي يقدر على مسؤليتنا في الوقت الحالي ابدا

يلزم عليك تسجيل الدخول أولًا لكتابة تعليق.

تسجيل دخول

ماااادري • 10 سنوات

الله يعينك

ما انا الا بشر .. • 10 سنوات

من كلامك حسيت انه متمسك فيكي اذا تحسينه جاد اوقفي معاه لاتصيري انتي والظروف ضده

$$شيهانة الخير$$ • 10 سنوات

الله يرزقه ويغنيه
دامه يحاول يعمل ففيه الخير واصبري عليه وعاونيه
خليه يتاجر بالنت وانتي ديري الشغل بالنت بيكون عندكم دخل كويس وبتتحسن اموركم

اشتقت لكـ ياخـــوي • 10 سنوات

((:

دورا وقردها • 10 سنوات

بصراحة الحرمة اللي ماتوفق مع زوجها وقت الشدة ترا هو مايحتاجها وقت الر خاء بالذات هو مايقصر معاك يابنت الحلال أدعي الله يوسع برزقه ورفعي يديك بالدعاء في أخر الليل ترا ربي مايرد أحد
وحتي إذا أبوك تكلم عن الموضوع قولي فلان جالس يجمع مبلغ ولاتتكلمي عن زوجك ولا تكسري نفسه لمايدري إنك تتكلمي بكل شي عن حياتكم للناس
صدقيني أكلمك من خبرة 11سنة زواج