ست شهور وانا مادري ان فيها هذا المرض (متلازمه دون ) الله يعفيكم ادخلو وعلموني

اسلام عليكم

انا على طول ابدخل في الموضوع . بنتي عمرها ست شهور هي كانت طبيعيه لكن قبل شهر صارت تطلع لسانها بشكل ملحوظ وباستمرار اليومين هذي شكيت وخفت وصرت ابحث في الانترنت ولقيت ان هذا من اعراض متلازمه داون انا ماقدرت اصدق ولا استوعبت .. معقوله فيهل هذا المرض وانا مدريت الاالحين رحت للمستشفى والدكتور يقول لازم تحليل علشان نتاكد قلت طيب شكلها ميبين ماعطاني جواب ... هي ملامحها عاديه جدا ومملوحه

المشكله
بكره بنسوي التحليل وبياخذ اسبوعين علشان تظهر النتيجه انا ما اقدر استحمل اسبوعين دايم افكر وبالى مشغول وحالتي مايعلم فيها الا الله احس اني بموت من الخوف قبل لاتطلع النتيجه حتى اهلي ماعلمتهم .

يعني مالي الا الله ثم انتم يبنات حواء .ابغى تدعون لها ان ميكون فيها هذا المرض... والامهات الي عيالهم فيهم هذاء المرض كيف عرفو ان المرض فيهم هل فيه اعراض واضحه غير التحليل الله يشفي عيالكم وجميع المسلمين
الله يعافيكم الي ماعندها رد ترفع الموضوع وتدعي لبنتي
اعذروني اذا كان كلامي ملخبط لاني اول مره اكتب موضوع