موضوع راااائع
لي عودة

السلام عليكم
عيالي يقومني الصبح غصب والا انا ماودي يعني مو الصبح بصراحه الظهر الساعة 11 اقوم واغسلهم وافطرهم وهم يفطرون ارتب شوي اذا خلصوا غيرت بامبرز الصغير مدري صح اخليها لبعد الفطور والا لا؟؟؟؟
وبعدين نتفرج على بارني
ونعلق عليه بعدين ابدى اجهز الغداء
وهم يلعبون ( بالصح يتضاربون )وكل شوي واحد يصيح
بعد شوي اعطيهم الي يتسهل فاكهه عصير اي شئ
واتفرج على مسلسل وهم معي بس نصفه ما اشوفه من المضاربات
اذا جاء ابوهم يطردنا مايبي ازعاج ممكن اطلعهم الحوش يلعبون شوي وطول الوقت متزاعلين يبوني غصب اركض وانا دبه ما اقدر
بعدين ادخلهم واخليه يتفرجون على التلفزيون واطبخ الغداء الي جهزته الظهر هو تقريبا عشاء ناكله المغرب احيانا اصير ام سنعه ونلون ونلعب صلصال بس صاروا يلونون الجدران والابواب وعصب ابوهم وبطلنا وصرنا نقرا قصه وتقريبا كلها تشقشقت من كثر التسحيب
واذا صار ابوهم راضي عليهم وداهم حيقه يلعبون والا ملاهي والارحنا سوق والا قضينا حاجة
وطبعا نكدنا عليهم مساكين بس نهاوشهم خلاص لاتلمس لاتلعبين لا تركضين
ثلاث مرات في الاسبوع احممهم قبل النوم اذا كثرت احيانا مرتين واذا صرت مكسله والله مره وحده في الاسبوع اعبي البانيو واحط فقاقيع والعاب واخليهم يلعبون الين يملون
وبعدين يصير عراك الدعك والفرك والتشطيف ومناقشات وتسحيب الين تنظف الشعور وتلق الركب
بعدين ينامون احاول فيهم من 11 بس مافيه امل احيانا ماينامون الا وحده
وهذا جدولي هاليومين لاني في اجازة وجدول الدوام غير تبون اقوله ؟؟
احس هذرتي كثرت

بس نسيت اقول اعمار عيالي 3 سنين وشوي وسنتين

السلام عليكم
بنتي عمرها سنه الله يحفظهه تصحى الصبح الساعة تسع وافطرهه وبعدين أقعد معاهه تلعب أو نشاهد تفزيون وبعض أيام الأسبوع أطلعهه الحديقة اللي جنب البيت أو نتسوق ونشتري ملابس أو فواكة بعد جنب البيت لأني حاليا مقيمة في بريطانيا والجو يساعد على الطلعة.
ولما نرجع أعطيهه روب أو فاكهه وترضع وتنام الظهر أكون في هالأثناء صليت ورتبت في البيت أو أحط الملابس في الغسالة.
لما تصحة أنزل تحت وأغديهه وأخليهه في أرض المطبخ تلعب وأنا أطبخ الغداء ولما يرجع أبوهه من الجامعة ناكل الوجبة متأخر على الساعة ست ويكون هذا عشاها لأنهه تاكل معانه وبعدين نركب فوق نصلي المغرب وأرضعهه وتنام على الساعة تسع. والاستحمام كل جمعة لأن الجو بارد عندنا والله يحفظها من كل شر ويحفظ عيالكم.

شوفو حكاية اني اقول جدولي يبغالي وقت طويل اكتب يومنا بعدين يومنا طويل زي كل الامهات الي بالبيت بس جدولي قريب من جدول ام انووونه اذا ماكان نفسه
بس خلوني اقولكم اشياءانا احس اني مقصره فيها واتمني اني اسويها يوميا
اولا حكاية الحمام اليومي للاولاد يعني تحميمه يوميا ابني الاول والثاني يوميا احممهم بس بعدين لما جبت الثالث خلاص صار صعب علي استمر في هذي العاده واتمنى ارجعلها وبالفعل باليل قبل النوم افضل وقت عشان يناموا براحه بس اولادي بسهوله ممكن يمرضوا
بعدين انا ما استمتع بوقت تدريس اولادي احس انه صراع وهذي غلطه ارتكبها في حقهم وفي نفس الوقت صار وقت الدراسه ثقيل عليهم

مالي مثيل ... نقطة التدريس هذي مثلي تمام ..

احيانا اتمنى اهتم في دراستهم وادرسهم بهدوء واجهز لهم انشطة مع انهم في الروضة

الا ان اختهم الصغيرة ما تسكت ولا اعرف اسوي منها شي ..

اولادي بنت 5 سنوات ولد 4 سنوات والصغيرة 10 شهور