سجنت زوجي بعد صبري عليه

قلت خلاص ماابغاك تعلمني وجبت مدربه تعلمني السواقه والحمد لله اتعلمت وقدرت اعتمد ع نفسي كنت اخذ سيارة زوجي من غير مايدري لما يكون نايم وفيوم عرف وضربني ضرب فخرجت عشان اشتكيه للشرطه لانه ماورايا اهل يوقفوه عند حده بس افتكرت فين اروح بعدين لانه راح يطلقني وانا لسى شقتي مااثثتها وماعندي سياره، فبينتله انه اقدر اعيش من غيرك ومن غير اهلي اخدت فندق وهو لما هدي اتصل عليا بيشوفني انا فين قلتله خرجت عشان بشتكيك للشرطة بس لاخر لحظه غيرت راي عشان بحبك ورحت اخدت غرفه بالفندق الفلاني قلي تمام ارتاحي كم يوم بعدين ارجعي البيت وفي الليل اتصل عليا بيسال رقم الغرفه كم جا على بالي انه جايب هديه او عشان بيراضيني الا لقيته جايب بناتي الاثنين قال طفشوني قلته هذولا بناتك خذهم معاك انا بجلس لوحدي عشان بهدا وقلت لبناتي تعالو بكره وجيبو معاكم ملابس قلي بطولي قلت امكن اسبوع قلي حجزتي اسبوع قلتله لا حجزت حق ٣ ايام قلي طيب، واخذهم واليوم الثاني الصباح جابهم قلي ان شاء الله تكوني هديتي ولما تبغي ترجعي البيت كلميني عشان ارجعك واسبوع مره كثير الحسابه بتحسب قصده فلوسك بتخلص وخرج جلست اسبوع بالفندق وكنت اخرج واروح واصور سنابات عشان بس اقهرو وافهمو اني بعيش لوحدي ونفس الشي اهلي عرفو اني استاجرت ماقلتلهم اني اتخاصمت مع زوجي بس قلتلهم تغيير جو وقالولي فين زوجك قلتلهم بالبيت..

ورجعت لحياتي الطبيعيه والحمد لله قدرت اطلع رخصه بس باقي سياره عشان انفذ قراري اللي هو الطلاق، وكان من حضي الحجر اللي جانا عشان مااصرف فلوسي وجمعت فلوس سياره وشفت ايش افضل نوع وكل مااكلم زوجي يقولي ماافهم مااعرف بسيارات انت ابحثي وشوفي وكل سياره اقرر عليها يطلعلي عيوب الدنيا فعرفت انه مايبغاني اشتري سياره، فكلمت وحده اعرفه بعملي عندها سياره فنصحتني بسياره اخدها وقالتلي صباح السبت اعدي عليك وتروحي تشوفيها ورحت شفتها وعجبتني لانه من قبل بحثت وشفت اراء ناس، ودفعت الفلوس والحمد لله اتسهلت ولما رجعت قولتله اشتريت سياره خلاص قلي ليه ماقولتيلي انا طرطور عندك قلتله كل مااسالك تقولي مااعرف ماافهم انت شوفي خلاص انا شفت وعجبتني واشتريتها عصب عليا شويه واندمت اني قلتله كان سكت لحدت ماشافها واقفه عند العماره،، لما رحت استلمها راح معايا وماادى راي بس قلي ضحكو عليك بسعر قيمتها اقل😂😂 قولتله الاسعار ثابته وهذي شركة ماتحط اسعار من راسها،، المهم سرت اروح واخرج وبدات اثث شقتي صح اثاث بسيط ع قد راتبي وتجميعي لانه نقصت الفلوس بعد مااشتريت سياره، بدات المشاكل ترجع بحكاية ماتخرجي ماتروحي لهدا المكان وغير طلباته ودي امي للمكان الفلاني، انت الوحيده من حريم العيله تسوقي فبعض الاحيان اسمع كلامه وبعض الاحيان لا، في شهر شوال اتخاصمنا خصام قوي العماره كلهت سمعت اصواتنا وضربه ليا انا هنا كنت بخرج اشتكيه للشرطه اخذ مني الجوال وقفل باب الشقه وقلي خرجه منتي خارجه وتهديد وعيد طبعا كلمه مني وكلمه منه الموضوع مرره كبر ،، فكانت في اثار ضرب بجسمي ولما هدينا بعدها كم ساعه رجعلي جوالي ومفتاح سيارتي قولتله هذي اخر مرره تمد يدك عليا المره الثانيه ابلغ الشرطه عليك لو افتح الطاقه واصرخ اخلي سمعتك الكل يتكلم فيها قلي وع بالك ماراح اطلقك قلت هذا اللي ابغاه لو فيك رجوله تطلقني قلي بعد مستغنيتي قلت اكيييد ليش اعيش معاك بضرب والخصام هذي حياه،، المهم اخدت جوالي وصورت يديني وكل مكان فيه ضرب ونديت بنتي تصور ليا ظهري بغرض بشوفها وكلها حفظتها بجوالي ورسلتها ع ايميلي والتلجرام،،في محرم كنت منسدحه وع جوالي وبنتي الكبيره نايمه والثانيه جالسه تلعب بالعابها هو كان بره الا جاي معصب وقلي اليوم فين خرجتي بعد مارجعتي من الدوام قلتله ماخرجت قلي الا ولد اخويا شافك وانت بره قلتله كذاب ماخرجت قلي مايكذب الا بنتي قالت ماما ماخرجت ، راح اتهجم عليا ضرب قلي الا شافك وانت مشغله صوت الاغاني ع اخر صوت، قلتله المفروض من اول ماقلك مشغله اغاني عرفت انه يكذب عليك انا من متى اشغل اغاني في سياره ، فكلمه مني وكلمه منه وانا حاولت كثير اني ماارد عليه عشان مااغلط وفي القسم يركبني الغلط، فكنت منسدحه وقام اتهجم عليا ضرب وخنق بعدها تفلت عليه هنا اتجنن وقام قطع شعري وغير البوكسات اللي بوجهي وبجسمي وقتها سكت متكلمت لانه ابغ هذا الضرب عشان اقدر اشتكيه،،ابداً مادافعت ولا سويت شي بعد ماتركني وقف بيشوف ايش اسوي سويت زي لما كنت اسوي زمان اتغطى باللحاف واجلس ابكي لحدت ماانامهنا شافني وراح الصاله جلس يستناني اهدده بالشرطه والكلام اللي دائماً اقوله جا ع باله انه بس تهديد او انه الوقت متاخر اخاف اخرج بالليل،لما هدي وحس بالامان راح اخذله شور انا هنا اخدت عبايتي واخدت شنطتي وجري ع باب الشقه فتحته وخرجت من غير مااقفل الباب عشان مايسمعني وبالدرج لبست عباتي وركبت سيارتي وع قسم الشرطه، وقتها عند باب القسم وقفت العسكري خاف يحسبني بفجر😂😂قلتله خدها اي مكان قبل مايعرفو مكاني، طبعاً العساكر اغلبهم جو عند الباب وحكيتهم انه زوجي ضربني وريتهم قلي لازم كشف من المستشفى اخذني العسكري للمستشفى واخذت تقرير بعدين بلغت طبعاً هو جن جنونه لما خرج ومالقاني كسر جوالي اتصالات وانا ماكنت ارد عليه بامر من الممرضه والعسكري اللي معايا،،جات الشكوى ونادوه وهنا كلم اخوانه وابوه عشان يكفلوه واتنازل انا عن القضيه ،، انا رفضت اتنازل نهائي كلمو اخواني جو وانفجعو من شكلي بس حكاية ابو بناتك اتنازلي فرفضت اتنازل ابوه كلمني وقلي طلبتك ي بنتي تتنازلين عشاني قلتله تفتكر زمان لما جيتك اشتكي منه ايش قلتلي مشاكلكم حلوه بنفسكم لا تدخلوني ليه دحين جيت تدخل بحلها قلي هذا ابو بناتك وقلتله ويعني تنازل ماراح اتنازل الا بشرط قلي اشروطي وانا انفذه لك هنا واحد من عياله قله لا يبويا لاتقول كذا لحدت ماتقول الشرط، قلي قولي شرطك قلتله كل املاكم تكتبوها باسمي املاكك واملاك عيالك، طبعاً ومتاكده انهم راح يرفضو قلتله تبغوني اتنازل هذا شرطي...تنازل متنازلت طلقني وعوضني عن الضرب ٢٥ الف ريال صح قليله بس هدا حكم القاضي وحكمو عليه بسجن سنتين حق عام وخاص..الحمد لله حالياً بشقتي جالسه معززه مكرمه .. اهلي مدخلو بحياتي لانهم مادخلو قبل..حبيت افضفض لكم واقولكم لاي وحده تبغ تطلق قبل ماتتخذي القرار فكري وضبطي وضعك المالي والسكن والنفسي عشانك وعشان عيالك، واي وحده عندك وظيفه وسكن اطلقي من زوجك افضل لك ولاطفالك عشان نفسيتهم واستقرارهم..

وعليكم السلام ورحمة الله وبركاته
الف مليون ترليون مبروووووووك
هذي المواضيع اللي تبرد القلب وتطيب الخاطر وتحسسك انك شربتي مشروب بارد معه ثلج يروي العطش من بعد ضمأ
هنيئاً لك حريتك وكرامتك وانتصارك والله يعوضك ايام اجمل من اللي مضت انتي واطفالك
على كثر ماشفت هنا مواضيع تلوع الكبد وتسد النفس كلها تشكي وضعف إلا ان موضوعك جاء مثل المطر وحبات البرد على القلب

😂😂😂
حذفت النقطة ام عنتر
خفت ينقلب الموضوع للبحث عن العضوه مين ويتنسي موضوعي..
الله يسعدها ام عنتر.


هو عشان اشياء ثانيه كمان يعني محبيت اقولها في قصتي لانها ماتخدم القصه
بس كنت سبب من الاسباب انه يتسجن

الله يسعدك ي اخت عواطف
كلامك شجعني وحسيت انه فعلا ماغلطت اني كتبت قصتي