وضعك يبكي الحجر اختي مدري كيف متحمله يوم سوا حركته في المطعم ليش ماقعدتي تصارخين في السياره وقلتي بنزل بيت اهلي وتركتي الولد بالسياره لاتسوين نفسك متعلقه فيه اذا الرجال حس ان المراه بايعه عيالها بيسوي العكس يحاول يرميهم عليها عشان تشيل مسؤليتهم . ابي افهم ليش ماشريتي كرامتك ونزلتي بيت اهلك هذا زوجك مايطيقك وعادك لعبه يتسلى فيه أرجو ماتزعلين من كلامي وهو إنسان عديم الرجوله قال ايش قال احبك ومااطيق بعدك فتحي عقلك هذا شخص يبي يسلب كل شي جميل عندك لاوظيفه لادراسه لامصروف لا سواق لا شغاله لا ولا لا انا مابي اخرب بيتك بس أنصحك خل تكون عندك رده فعل قويه رتبي عفشك في شنطه وجهزي الولد واذا جا طلبي تروحين بيت اهلك وقولي له بس أولد راح ارمي بنتك عليك وولدك ماني  عيشه معاك خلاص طفح الكيل مافي كلن يروح في نصيبه والله بعد هالكلام بيتنافض وخليكي جديه واتركي هالولد اللي حاطته شماعه تتحملين كل ذل واهانه عشان لاياخذه يابنت الحلال ماراح ياخذه ياخذه ايش يسوي فيه مرده يرميه عليك تقومين بمسؤلياته واكله وشربه ،. أسفه اذا ضايقتك بس وضعك لازم تعرفين مأسااااااوي خليتي واحد زي زوجك يدير حياتك ويدوس عليك وكله كوم ياخذ جوالك هذا عادك بزر اول مره اشوف جوال ينوخذ من وحده قسم بالله لو تصير لي لاعطيه ذاك الكف واللي يصير يصير وارجع البيت اصارخ عليه لين يندم انه كلمني وارجع بيت اهلي لو بتكسي واسوي قصه وأرمي عليه الولد الزبده تحركي سوي رده فعل كله ساكته وتترجين فيه ابي وابي وهو لا لا لا والله طلاقك من هالتافه عيييييد عند الناس انا ترا متزوج ثنتين وهو دايس عليكم ياختي افضحيه وطيري بيت اهلك ارحم  . 

انا ما بعرف ليش تزوج التانية ما دام حسيت من كلامك انو بيحبها في خيارين يا لانو بدو يتحكم بمراة تانية يا حب يغير و يجدد

بيتعامل معك هيك لانو اكيد براسو انك مطلقة و انك راح تصبري على كل شي مشان ما تطلقي للمرة التانية اسفة بس هيك عقلية نوع الرجال يلي متل زوجك و انت تسرعتي و حملتي كان استنيتي فترة مشان تتاكدي من اخلاقو

مشان الاكل روحي كلي حبيبتي يلي بدك اياه مذان نفسك اولا و مشان البنوتة يلي ببطنك تانيا و هو طنشيه اصلا من واجبو يجيب اكل

والله ما بعرف بشو انصحك بس داومي عالاستغفار و الله يفرج همك

فعلا هو يبي يحس بفرض شخصيته عندي بالبيت لان زوجته الاولى شخصيتها قويه لان البيت بيتها والمال مالها واخوانها وامها ساندينها ماشاء الله وسبق واشتكته بالمحكمه بسبب زواجه من اجنبيه كانت قبلي وطلقها

رغم ان زوجي بعد له هيبه وكلا يضرب له حساب بس احس شخصيته من جوى مهزوزه وطفولته حرمان وقسوه من ابوه بسبب التعدد

والان هو ال نصير للتعدد ماقلنا شي التعدد شرع الله بس وين العدل

انا من الاولى ظالمنتي كيف لو ياخذ ثانيه

ماني طالعه من مشاكل تقتيره وعناده اقوله يمين يقول يسار جنني

وساعات احسه يحبني بس جايزتله طيبتي وتسامحي عشان كذا مستسهلني لاني اسامحه كثي ماابي مشاكل ولاابي اخرب حياتي
واراقب الله فيه

بس هو رغم ماشاء الله يصرف بالاف على مواشيه وطلعاته ويحسن للمحتاجين وكريم مع ضيوفه بس مدري ليش يقتر علي انا بالذات

توددتله بكل شي هدايا حفلات مايبي دلع مايبي رومانسيه مايبي طفششششششت

زوجته الاولى كل شي تسويه وتلبس زلاطي وانا قاعدلي لاتلبسين نص كم ولاضيق قلت انا اخاف الله ماراح البس شي يغضب ربي مو عشان احد

واذا قلت بس انا الي قاعدلي يقول ذيك مالي شغل فيها تسوي الي تبي

ظلممممم

انا ولدي توه تعين بشركة الكهرباء من فضل الله لاني تزوجت طليقي الاول صغيره مره الحمدلله على كل حال

الحمدلله عيالي الان كبار بس حبيبي ولدي مررره مبسوط من زوجي وانه تطمن علي وماودي اصدمه بطلاقي واحمله فوق طاقته

مكافئته محدوده ويقسط سياره توه شراها كنت مخططه اني اتطلق واعيش مع ولدي واخذ اخوانه الباقين بس شايله هموم من كل النواحي ماديا ومعنويا وكلام الناس طلاق مرتين صعبه

وخايفه على ولدي الصغير والي ببطني

والله محتاره

وانا الحمدلله مو ناقصني لاجمال ولا نظافه ولا ثقافه ومتهتمه ببيتي وولدي وطلبات زوجي كلها مجابه بس مدري وشفيه علي

لاحس بيفقدني تمسك فيني واذا سامحته رجع لعناده واهماله وسيرة الجيزه والتجريح

تعببببببببت

ياقلبي الي تقولين سوي ردت فعل يووووه والله ماخليت شي الا سويته

كم مره رتبت اغراضي بالشنطه وياخذ الجوال بالقوة مايخليني اتصل على اهلي ويقعد يردد احبتس ومدري وشو

ومره لبست عباتي وجيت ابطلع مع باب اللبيت جن جنونه وسحبني بقوه وخفت منه يمد يده احسه متهور

وقبل كذا انا رميت عيالي لطليقي الاول من باب اخوفه وليتي ماسويتها والله مارجعولي الين اليوم من تسع سنوات اخذهم وسافرفيهم وللحين عايشين عنده ومتبهذلين

اهلي ضدي جدا في مسألة الطلاق وهذا الي كاسرني زيادة

ضرتي تبي طلاقي وتبي تزوجه باي شكل ماودي افرحها بالي تبي

ترى الكلام سهل لكن وقع الطلاق وفوقه ياخذ ضناي هذا يقتل لاتقولين والله ماياخذه ورب البيت الي عندي بايعه واعرفه كل الاساليب جربتها معه مجنون يسوي أي شي عشان عياله

وماهمه احد رغم انه ملتزم ولاحول ولاقوة الابالله

وانا يوم حملت ترى كان غييييير معي ببداية زواجنا كان طاير فيني

كان فيه مشاكل صغيره بس كنت اغض النظر عنها

الادمي تغير فجأة وانا الكوابيس ماتفارقني وكذا حلم فسرته انه فيه سحر

تعبت ارقي فتره ثم ارجع اوقف قبل فتره حلمت بمن يردد هذي عين وحسد وفعلا تأكدت ان فينا مرض روحي هذا الي مخليني مااستعجل بالطلاق بغض النظر عن كل شي اقول ابتعالج بس الحمل اشغلني لان سبق ولي قصص مع الامراض الروحيه مع طليقي الاول الله المستعان

بالنسبة لبيته الثاني كنا مثل الخوات بس هي تغيرت علي فجأة وفهمت انها خبيثه فقلت البعد عن جحا غنيمه وارتحت منها من مراقبتها لي

اللهم اكفني من ارادني بسوء بما شئت