الله يكفينا ويكفي المسلمين شرهم ويحفظنا ويحفظ المسلمين منهم ومن بلاويهم

الاخت الي تقول من حقهم يحموا انفسهم بالسحر...بصراحة منطق غريب!!!!

ظبيانية يا قلبى انا ما قلت معن حق يعملوا سحر لكن انتى بتعرفى المعاملات يلى عم يتلقوها الخدم اولا ، بيتعاملو كالحيوانات مو كالبشر طبعا فى بعض الاسر ، انا شفت بعينى وسمعت باذنى
بعرف عيلة كانت تاخد الخدامة معها على المطعم وهنن ياكلوا جنبها وهى قاعدة عم تتفرج طيب هى مو بشر ما بتشتهى مثلا مو يا ترى بكل لقمة بقلبها عم تقلن السم الهارى ؟
وبعدين ما بنادولها غير يا حمارة يا دبة يا حيواانة ، وهاد غير الرفس بالرجلين اذا عملت شى غلط متل كسرة كاسة او اتاخرت عن تلبية طلب ست البيت ، وكمان فى ناس ما بتعطى معاش الخدامة الى بعد انتهاء خدمتها او كل اشهر مرة
متل هيك قصص انتى برايك ما رح تدفع الخدم الى السحر، صاحب المكتب يلى قدمت عنده قلى من يومين اجت شغالة حارقتلها ست البيت ايدها ليش لانه حرقت القميص طيب يعنى يلى صار صار معقول تقلها هاتى ايدك وتحرقها عقابا والله كانه فى سجن ابو غريب تعذيب .
بصراحة انا سمعت انه هنن بيجوا حاطين ببالن اذا كانوا اهل البيت كويسين خلص واذا عاملوهم معاملة سيئة وخاصة فى موضوع الراتب ممكن يعملوا هالشى هاد.
انا براييى الشخصى يلى بعامل الخدامة هيك بيستاهل سحر واكتر
انا هلق عم انتظر خادمتى على الطريق ومجهزتلها كل شى بتحلم فيه واكتر ، وانا متاكدة انه هالشى رح رعطيها دافع للتفانى فى خدمتنا .