سحر واعمال الزوجات

اليوم جلست افكر وافكر بعد صلاة الفجر واتذكر كم حكايه مرت عليه من زمان تختص بالسحر والعياذ بالله وقلت اكتب موضوع عن السحر والزوجات
بصراحه بداية اقول شي المفروض مايغيب عن بالنا لحظه وحده
وهو ان السحر حرااااااااااااام وفاعله كافر كافر كافر
بس الشي الثاني ولأن عقول النساء فعلا صغيره واحيانا تافهه مافكرتو ان السحر غباء ؟
فعلا غباء
يعني الزوجه اللي تروح تسوي لزوجها سحر او لواحد من جيرانهم او من اقاربهم علشان يحبها او يخطبها او يتزوجها وخاااااااااااااااااااااااااصه المتزوجات اللي يعملو اعمال سحر لازواجهم علشان قال ايه؟ مايشوف غيرها ومايتزوج غيرها ومايفكر ابدا في غيرها
كيف مافكرت انه بكذا هي مارا تستمتع وراح يدي يوم وتندم عارفين ليه؟ لأنه حب اغتصاب مغتصب مو بارادة الزوج
محلاه لو بارادته وبعقله وقلبه
محلاه لو هو جاي بطبيعته بدون سحر وغصب
يااختي لو فكرتي بس شويه بعقل لوجدتي انه السحر ماراح يرضيك ولا يرضي غرورك مهما فعلتي
فقط ارتكبتي محرم راح تندمين عليه ندم في آخرتك ويمكن في دنياك كمان
اتركي زوجك يشوف ويميز ويعرف ويعطي المشاعر من نفسه
والله يااخوات اعرف كم وحده من الواضح للجميع وايضا على حسب كلامهم وبكل تفاخر ( سبحان الله يتفاخرو بايش ماادري ) وبكل جرأه وبكل ثقه تقول لاااااااااااااااااا انا رابطته عن حريم الكون كلكهم والله مايشوف غيري مطمئنه
مطمئنه طل وجهنم قدامك
ولا وحده زوجها تزوج عليها تروح تسويله سحر والى الآن مسكين مربوط عن زوجته الثانيه وهي بس تحش فيه في المجالس والتجمعات يعني ياليت تحبه الا بس مقهوره لأنه اهانها وبعد ماسوت فيه اللي سوت تركته يتعذب ويدور من مستشفى لمستشفى يدور علاج لنفسه ومازالت زوجته الثانيه معاه طيب هذا ايش معناه؟
ولا وحده تقول انا سويت سحر علشان ماعاد انجب لأنه الحمل تعبني والحمدلله انا مرتاحه وهي كذابه في عينها واقولكم انها لهذي اللحظه ماتجيها الدوره زي حريم العالم وهذا موضوع خطير
عشر سنوات ماجاتها الدوره وتعاني من الام شديده جدا ومافي لها دوى او علاج
والله انها خبله يارب لاتكتبها عليه غيبه وانما ابغى النصح والاستشهاد بقصتها
والثانيه تقول سويت له عمل ميلمس وحده غيري في الكون ومطمئنه وين ماراح وين ماجا
يااخوات والله عيب هالحركات واساسا مافيها اي ارضاء للنفس وانما ضعيفة الايمان والغبيه هي اللي تسويها لأنها انسانه جهلت واستعصت عليها الحلول وماعرفت تسوي الا السحر
مع المرأه الذكيه عندها عقلها اللي يفكر يتوازن ورؤيه صحيحه وثقه وتخلي كل الناس تحبها مو بس زوجها
اقول لكل زوجه تفكر في هذا الشي اولا اتقي الله وخافي يوم لاينفع فيه مال ولا بنون ولا ازواج الا من أتى الله بقلب سليم
وثاني شي اتركي الغباء والسخافه ترى منتي ماخذه غير مشاعر مغصوبه غير طبيعيه يعني ماكأنك سويتي شي
وصلى الله على سيدنا محمد