حي الله معلمه .. ياختي اسمتس جاب لي التكه ذكرت الدراسه غيريه تكفين عشان ماتضيقين صدورنا في العطل .. راعي مشاعرنا ياهوووه >> سطريها تكفين


لا والله نبي عطله بعافيه عشان نتهنى فيها.. لانبي نسخن ولا نمرض ولا نتحرول وبقريح العطله عسى عمرنا ماعطلنا >> وحده تموت بنفسها
والله يخلي لنا بابا عبد الله وابوتس عبد الله:biggrin: >>فهمي امتس اخاف تسطرني
والله يبارك بايامك يارب ويطول بعمرك ياخاله .. والله ياانا ذاك اليوم اختبيت خبه يوم بشروني!! ماادري وش اسوي ؟! حسيت كني بزر في ليله العيد وباقي له شراب ماشراهن :biggrin: >> الله يعزكم والله من زين التشبيه!!
بس انا اقول مفروض المدرسات ماعطلوا.. ايه وش فيكم تناظروني؟! بصراحه مفروض يداومون لين ليله العيد منها يحللون رواتبهم ومنها يمسحون الطاولات والكراسي عشان اذا رجع اعزائنا الطلبه والطالبات الى كل شي نظيف.. مب يجون اول يوم يهلهلون من ذا التراب كنهم متدربين بالنفود لمين قالوا بس >> والله لو انك انتي اللي بتغسلين لهم


عاد كشته بذا الحر!! عز الله تفحموا
بس مااظن احد يكشت بعيد الفطر؟؟ الاضحى ممكن .. يعني الجو على الاقل يساعد اما الحين !!
بس والله عاد اللي بيكشت كيفه محنب قايلن له لاء >> وهم مشاورينك الحين انتي ووجهك!

بس ترى من جد فيه مهبل مايدرون وش الطبخه ولو يحصل لهم يلبسون فستان سهره بالبر ماخالفوا!!
تحلف لي ذيك اليوم وحده انها رايحه للبر مع خوالها والبنات اللي هناك شكل عليهم قل صح!! اجل بالله احد يلبس قبعات وبرمودات بالبر؟؟ تقول انهم ياما فتحوا هالشناط وياما سكروها وكل ساعه مطلعين لهم غيار جديد يرزونه ومكياج ودنيا .. ويييييين الله يصلح قليبكم ترانا ببر!! من جد كل وقتهم رايح بالتكشخ !! يبيلهم من يرسل لهم صورنا ذيك الكشته يالله من فضلك خلاقين توسع الصدر :biggrin: كل ماشفتها الحين تذكرت شهبتي واستعيدد طعم التراب:biggrin:
اقترح اللي مب صابره عن الكشخه ومقابل المرايه تنطق بغرفتها اريح وتوسع على العالم >> وش عليتس منها

والمشكله ترى ذا مب بالعيد!! لا الله يسلمك تراه باجازه الصيف



الحين بالله احد يروح بريطانيا ويكشت ببر؟؟ صدق شهبان لهبان :biggrin:


طيب السؤال هنا .. هل كنتم متخلقنين؟؟:biggrin: يعني دولايبكم كانت شبه فاضيه؟


ياشيخه لو اروح بذا السياره كان اكشت بها ماعاد انزل:o

خخخخخخخخخخخخخخخخخ ههههههههههههههههههههه اما كشتتكم ببريطانيا تهبل .....
تدرين عاد انا اول كشته مع زوجي تدرين وش اخذت (طفايه)خخخخخخخخخخ وحده خكريه لا ولابسه كعب هذا طوله تصدقين يمكن ماكان عندي بوت وقتهاخخخخخخخخخخخخخخخخ
بس موضوع صراحه حلو يطير العقل..............تحياتي منااااااااير

عذبــــــــة الروح
الله يحييتس ويبقيتس

ومن قالنا نبغاك تنسين الدراسة أنا قاصدة أختار هالاسم عشان أنكد عليكم ولو بغيره سميت نفسي مواد ( المناهج) عشان صدق تغتثون


على قولتك الله لايحرمنا من العافيه


ياااااااااااااويلك من أمي هذاه فوق راسي تقول ارسلي له على الخاص صورة عقال بترسرف جلدتس فيه عاد أمي ياويل اللي يقرب ابوي حنا مانقربه نخاف منه


لو سمحتي منيب خالتن لحد خل الله وريدتس<<<بسم الله عليتس


قولي للبزر لايشتري شراب مايحتاج من تالي يلبسون الشراريب اللي ماتعدى كعب الرجل يعني لا لبسوا لجزمة مايبان الشراب مدري وشوله يشترونهن لا وبعض الناس يشترون غالي يرحم حالهم ماله داعي
ومير لاراحوا للبيت ناس أهون يمكن تنفصخ الجزمة وينشاف البلا لاراحوا لملاهي والا حديقه والا بر مافيه أمل يسنشاف الشراب <<<<<ماصار تشبيه سويته سالفه


يرحم حالنا أي راتب الظاهر تحسبينن من المعلمات اللي رواتبهم عشرة آلاف لا تراي بمدرسه أهليه وراتبي شوي مايسوى كني عصفور منتف<<< تشبيه غير لائق كل هالحجم وعصفور قصدي بقره منتفه بس البقرة تتنتف!!!؟؟
بس على فكرة قومتي الصبح بس من الفراش تحلل راتبي



ماعاد حناب معلمات يالشيخة صرنا عمال نظافه وبعدين هذا تقديرك للمعلم الله يرحم اللي قال:
قم للمعلم وفه التبجيلا ....كاد المعلم أن يكون رسولا<<<على فكرة من اللي قايله!؟


والله الأهل اللي بعززون عيالهم وبناتهم يدخلونهم مدارس أهليه يجون يلقون كل شي نظيف



يمكن هم خلقه فحم


والله بالليل الجو وش زينه ودتس تنامين بالسطح<<<<عاد سطوحنا وش نظفه مابها بعارصه ولا فيران


أشوا سمحتي لهم تراهم مركبينن عفشهم ويحترون موافقتك ياسموة الأميرة


كزي لي صورتس وانا أوريهم ايها وبعدين عسى طعم التراب زين عساه عجبتس


مير أنا والمراية تقل جارات مانيب أناظر خشتي إلا لبغيت اطس لشي والا منيب أواديه <<<دليل الثقه<<<الله العالم إنك راحمتن المراية


على بالنا عندنا وطنيه ونبغى نستعيد وطنيتنا بأي طريقه


لا ماخلقنا مخلين الخلاقين لكم بالسعوديتكم <<<ياحبي لها الله لايحرمنا من ترابها


صدقتي ذا السيارة بحاله رحله


منيره العنزي


والله يازينه ذيك الرجله هي والمواقف اللي فيها بس أيام وراحت


شكلك كنتي ناويه تعلقين به( يعني تحرقينه) !!!؟؟؟


ياعمري تلقينك ذيك الأيام طاقه الزين كله تلقينك كعب وذهب وفستان ليت من صورك وانتي كاشته كذا


الله يحلي ايامك يالغاليه

بسم الله الرحمن الرحيم
السلام عليكم ورحمة الله وبركاته <~~ ادري انتس ماسلمتي منب عميا
قبل ماابدأ افستق الموضوع = افصفص الموضوع
ابي اسال سؤال لو سمحتي او ماسمحتي
انت الحين حاطة كل هالموضوع علشان توريننا صورة السيارة ولا منحينتس تبي تكتبين عن الكشتات وبالصدفه لقيتي هالصورة ؟
لان العنوان بجهة والصورة بجهة
الصراحة انا يوم قريت العنوان توقعت اشوف صورة سحيلة شخصيا لاني من زمان وانا اتمنى اشوفها او اشوف صورتها وحسبتس تبي تحققين لي هالامنية
مادريت ان الصورة لسيارة كان مافتحت الموضوع ولااوجعت راسي بالقرق <<< ياسفابي مير

الحين نرجع لموضوعتس الله يعين على الاقتباسات

بغيت اقول الله يهنيتس بالايمان وطاعة الرحمن بس يوم قريت اللي عقبه هونت

اذا نغره من المعطلين اتركي المدرسه واقعدي عاطله مثلنا



الله المستعان


طيب تبين التهنئة بموضوع الحاله ولا نسدحها اهني بموضوعتس وكم سطر تبينه وهل يسد الكلام ولا لازم معه صور << وحده ماتعرف تنزل صور



الله يخليه لكم ويحفظه ويحفظ اميمتس ويخليه لكم



هو صدق

بس بخاطري سؤال
اسلي يابنيتي وطلعي اللي بخاطرتس لايردتس الا كيبوردتس


الحمد لله والشكر لله من اللي يبي يتعيد بالبر :hahaha:
لايمكن يبي يروحون لصلاة العيد اللي بالبر فذولا لازم يلبسون ملابس العيد هذا اللي اشوف
بس ان كانهم يبي يروحون للبر حق الكشته فهم مهب صاحين ولا احد يكشت هالوقت حتى بالليل احد يكشت يوم العيد قضت الايام مابقى الا هاليوم
ولا حتى اليوم اللي بعده علشان اللي وده يبدا بالقضى <<<الله يعين من هالحين متولمتن له



ياشين النغر
ياختي خلي ابوكم يمسك ايدتس مافيها شيء وراتس حاقده عليهم


مااقول الا تف عليتس حامضة << عساتس تعرفين هالمثل لاتحسبينن اتفل عليتس محشومه والله

بس الصراحة انا دخلت مزاجي هالسيارة وابيها بس مهب للبر مثلكم ابيها لرحلة الشتاء والصيف << طبعا عارفتها
يختي مشاورينا بين المناطق بعيده وحلو الواحد يتلين شوي ويمدد لما ياصل اللي يبي وممكن يسوي به ربوع بلادي علينا بتنادي بتقول تعالوا شوفوني ياولادي
بلادي بتنادي
بلادي بتنادي
ياولادي اووووووووه مسكت خط



ماقصرتي وجزاتس الله خير على الاختصار
وانا بعد تراي ماقدرت اعلق على كل كلمة ولا اتحقرص كلش ودي اعلق عليه بس متى اقضي من الرد




الله يسلمتس
وماوجهنا الا كل خير
وتسلمين على هالموضوع التحفة


كلمة على جنب للمعلمة ومداد

مهب هذي جمع لكلمة تريك = اللي هو مصباح بالعربي
حنا نقول جب التريك يعني احضر المصباح
وجب الاتاريك يعني احضر المصابيح
وبعدين وشوله ودتس تعرفين كم على البنات تبي تساعدينهم بالقضى اعلمتس كم علي :09:



برايفت عذوبة
سالفت البنات اللي رايحين للبر ذكرتني يوم نطلع للبر بنتي اخذت معه فرشه ومعجون وقامو يضحكون عليه بر وفرشة وين حنا قاعدين وينهم عن هاللي تقولين << عاد لاتعلمينه اني قلت لتس




ايه نسيت اهني بالعيد قبل الزحمة واقول عيدكم مبارك وعيد سعيد وكل عام وانتم بخير

الله على الكشتات شوقتيني لها ....

بس ماتلاحظين ان كشتاتنا بدت تطور الحين

لين كشتي دورات مياه اكرمكم الله ..ومغسلة على حصاة ..

وكشافات ماكنك بالليل ومطبخ ومجلى مريحين حتى الشغالات

وين اول كشتات والخيمة يسلفحها الهواء واحيانا تخبط على

الراس وياويله من طاح عليه العمود ..

تسلمين معلمة ومبروك علينا وعليك الاجازة اللي جت في وقتها

وشكرا على الموضوع الفلة

برايفت عذيب :

اقول الحمد لله انك منتب وزيرة التربية والتعليم ..

اجل المدرسات ..ياويلكم من الله فيهن ..