سذاجتي في سوالف الحريم

نعععم كنت ساذجة في علوم الحريم خخخ
لكم ان تتخيلوا ماكنت اعرف اسولف مع الحريم في اتفه الاشياء وكنت اتأمل طريقة حديثهم وسوالفهم عشان ماصير زي الهبله جالسه بدون ولا كلمة وكنت اتعجب من ام الهذرة اذا جلست تسولف (عن يومياتها كيف راحت كيف قامت تتقهوى وكيف ولدها سوى في يومه )يدخلون ويفتحون مواضيع كذا لكن كانت بمنظوري تفاهه كنت استحي افتح سوالف زي كذا طيب هم مايهمهم يسمعون روتينك اليومي ،
وكل ماحضر جلسة حريم اتأمل محور حديثهم تفاهات عادية بلا قيمة وينظرون لي نظرة انتي مملة ماعندك سوالف تافهة؟
..
حالياً خذيت دبلوم في سوالف الحريم ابشركم اقدر اجلس ابتسم اتحفى وانشد عن الاحوال وافتش عن مواضيع تافهة نسولف فيها ناس مجالهم سوالف اسواق وناس مجالهم سوالف اثاث وطبخ وناس مجالهم سوالفهم بزران واللي حش طبعاً
..
ودورات مكثفة في طريقة تفكير المرأة ،خبركم فيه نساء يحبون يدورون الزلة والعيوب في البداية كان يزعجوني بس صرت حديد وادور الزلة عليهم ولاادور عذر لاحد ،وفيه نساء مايقدرونك حق قدرك ومالهم الا نفس الجزاء اطيح قدرهم ،وفيه نساء مايوزنون الكلمة قبل يقولونها ويدارون خاطر اللي قدامهم وصراحه هذا خلاني اتخطى واتجاوز فكرة اني اداري الكلمة واحسب لها الف حساب اللي يطلع معك من كلام خليه يطلع الكل يهدر بما لايفقه ولايعرف ولايوزن