سراميك بيتي ابغى مساهده ومشوره

قبل كم يوم خلص السراميك حق بيتي وبكره راح يبدون الاصباغ على خير

السراميك حلو ولله الحمد بس فيه شغلتين طفشوني

اولاً القيشاني اللي تعبت الين اختاروه رافعه العامل فوق يعني تقريب متر ونص لون بيج وبعدين القيشاني وبعدين لون رمادي

يعني لو ركبت المطبخ ما حتبان القيشاني :( ومرا ضاق خلقي زوجي انا فهمته بس يوم جيت لقيت العامل عامل كدا للامانه شغله حلو بس رفع القيشاني فوق


الحاجه الثانيه سراميك البيت ما حط له حواف ماني عارفه ليه :(

هو سافر دحين اقصد العامل


ايش رايكم ايش اسوي

انا دقيقه جداً وكل شوي واقفه على راس زوجي المسكين
هو ما صدق انو السراميك خلص
بس انا برايكم اخليه يحط الحواف والا ما يمدي

لانو بكرا راح يبدوا بويا << والله يستر من الالوان