femal :

السلام عليكم ورحمة الله وبركاتة عاملين اية يا بنات يا رب تكونو فى احسن حال ام البنات الف سلامة على اية ربنا يتمم شفاها ويحفظها هى واخواتها انا امبارح بردة اتنين عندى تعبة كحة وسخونة وفى الاخر مضاد حيوى بس الحمد للة الحالة احسن النهاردة رشا ام خالد حمدللة على السلامة وربنا يشفى جوزك ويقوم بالسلامة ام سوسو ماش اء **** عليكى حلو المنهج ربنا يجعلة فى ميزان حسناتك عروس النيل و**** فكرة حلوة بتاعة الجاز دى بس لو سالتى علية فى محل بيكون اسمة كيروسين صح كدة ماما اغلب ايام الصيف بالذات تمسح على طول بجاز علشان النمل ونتيجتة حلوة قوى ومعلش الريحة بعد كدة تمشى مش مهم ام البنات ماما بتجيب المشمش وتغسلة وتفصصة وبعدين تغلى مية وتحطة على البتوجاز غلوتين بس مش كتير وتطلعة تصفية وتحطة فى اكياس على الفريزر ممكن بعد كدة تطلعة تعملة كمبوت او تعملة عصير اى حاجة يا بنات انا جيت اكتب جدول بالتفصيل الممل هاعمل اية بالظيط ومن الساعة كام لكام ماعرفتش اخدت وقت طويل وقمت من غير ما اخلصة حتى الاكل لغاية دلوقتى مش عارفة اعمل قايمة اكل محدد لاسبوع حتى مع ان النت عندى مليان بس مش عارفة احدد وكمان عندى الكميات ضاربة انا لغاية دلوقتى ماعرفش الصينية دى ممكن تكفينا يوم ولا يومين واذا عملتو جدول لالاكل بتكتبو بردة الفطار والعشاء ولا دول بتسبوهم بالبركة سؤال على الماشى بتحطو العيش اللى بتاكلوة فين فى درج ولا بيبقى ظاهر فى المطبخ والعيش الناشف المتحمص ممكن احطة برة ولا لازم فى الفريزر علشان عندى الفريزر صغير بتفرشو حاجة تحت الحوض فى ارض المطبخ فى الحمام بتحطو فرش الاسنان على الحوض ولا شكلها مش حلو وبردة بتنشفو قاعدة الحمام باية لو بمناديل هاتترمى لكن لو بتنشفيها بفوطة صغيرة كدة بتحطيها فين بعد كدة الجزم بتحطوها فين والجزم الشتوية دلوقتى بتخزنيها فين والشباشب البيتى بتحطيها فين كفاية عليكو الاسئلة دى ولو احتجت حاجة تانى هادخل على طول مش هاتكسف ماتخافوش قبل ما امشى لميا عاملة اية اوعى تكونى ضربتى العيال النهاردة انجى ممكن تجيبى لحماتك كرت بمبلغ معين من المال من محل انتى عارفة انها بتشترى حاجتها منة ومع كرت فى ظرف شيك وخلاص سلااااااااام

السلام عليكم ورحمة الله وبركاتة عاملين اية يا بنات يا رب تكونو فى احسن حال ام البنات الف سلامة...