معلش يا جماعه عايزه اسألكوا على كام حاجه.. واحده سعوديه سالتني عليهم وانا بصراحه مش عارفه

هو دبلوم التجاره كام سنه؟؟ وبيبقى بعد اعدادي؟؟؟
والدراسه فيه بفلوس؟؟؟
وازاي ممكن الواحد يكمل منه للكليه؟؟
وكمان سألتني انها عايزه تعرف مدرسه ابتدائي واعدادي وثانوي تكون في اكتوبر او قريبه من اكتوبر والمدرسه تكون قديمه ليها عشرين سنه مثلا.. هي اللي بتقول كده
هي عايزه اسامي المدرسه وعناوينها..
انا اسفه اني بزعجكم بس انا عايزه افيدها ومتأكده ان شاء الله اني هلاقي الجواب هنا..

يابناويت انا عايزه اعمل حفله ليوسف ابني.وهاعزم طبعا ناس..
ممكن تقولولي حلويات اعملها وطريقتها
وافكار للحفله لو سمحتوا

شكرا يا بنات على الافاده بس الظاهر انكم مش فهمتونى ؟؟؟
ريرى تسلميلى يا قمر كلامك جميل زيك ربنا يباركلك فى محمد يارب
رونى ازيك وازى عموره وحشتينى يا رنرون ووحشنى كلامك الجميل
ام شهاب الغاليه ازيك يا قمر انا الحمد لله بخير وفضل من ربنا
الفكره يا بنات ان ساعات الواحد بيتعرض للحظات بيمتحن فيها مدى حبه ورضاه بقضاء الله وعلى اد ايمانه بيكافاءه ربنا وبيخرجه من اصعب المحن والحمد لله ومن يتوكل على الله فهو حسبه ويجعل له مخرجا بس حبيت اسمع رايكم وكلامكم فى الموضوع ده وكلنا نستفيد
ياترى فين باقى البنات بجد وحشونى اوى ربنا يطمنا عليهم

حبيبتى يوكى بصى بالنسبه للدبلوم التجاره على حد علمى انها 3سنين بعد الاعداديه وممكن اى حد يكمل بعديها او يدخل كليه لو جاب مجموع حلو واعتقد انه مش بفلوس لأ دا الجزء الاول اللى ممكن افيدك بيه اما الجزء التانى بالنسبه للحفله هو يوسف ابنك كام سنه ؟؟ والحفله عيد ميلاد ولا ايه ؟؟؟المهم ممكن تعملى تورتايه مع سويسرول بالشيكولاته وبيتزااو مينى بيتزا احلى فى الحفلات وبعجينة العشر دقائق تعملى تشكيلة فطائر بالتونه اوبالجبنه والزعتر مع سليزونات او كلوب ساندويتش اممممم دا اللى جه فى بالى دلوقتى ولو افتكرت حاجه تانيه هاقولك عليها

السلام عليكم
انا لسه مش قريت .....يدوب الصفحة الاخيرة...بس قولت اطمنكم على الاستاذ سموسى...ايه بنت هدى تعبانة ....الف سلامة عليها ...يا رب يشفيها هى وابنى
الاستاذ سخن جدا بقى معدى 39 وطبعا فى الظروف اللى احنا فيها دى الواحد لازم يقلق...المهم اخدته وطرت بيه على الدكتور...الحمد لله انه بيفتح الصبح...وكتبلى طبعا مضاد حيوى وخافض للحرارة على اساس انه التهاب فى الحلق.....الحمد لله على كل حال بس الباشا لسه بيسخن حتى بعد ماياخد الدوا ...كلمت الدكتور قالى عادى فى اول يومين....وربنا يسترها معانا جميعا
اقولكو بقى على فاصل كوميدى فى وسط البهدلة دى ...وانا راجعة من عند الدكتور وبجيب الدوا من الصيدلية...دخلت السوبر ماركت اللى جنبها علشان اجيب شوية حاجات....امبارح كان الجو عندنا الصبح درجة الحرارة داخلة على 40 وطبعا السوبر ماركت مكيف......واختكو عندها حساسية جيوب انفية....اول ما دخلت فى التكييف .....هاتك يا عطس ....طبعا لقيت الناس كلها بتبص على ومتوجسة منى خيفة..ههههههههههه
انا بيتهيالى الراجل اللى انا اديته الفلوس ...راح غسل ايديه بالديتول بعد ما مشيت ...مع انى كنت حاطة منديل على بقى
قولت اضحكو شوية ...مع ان مافيش حالات فى السويس لسه...وربنا يستر
سلام حروح ..اشوف اللى وراي لا البيت شكله حقيقى مخيف...وكمان لسه مش طبخت
ارجع ان شاء الله لما اخلص ...اقرا اللى فاتنى واجيلكو