والله يا مرمر تعبوا اوي انا شوفت الماتش بجد حاجه تشرف وكفايه انهم خلو البرازليين عمالقة الكوره في العالم تيجيلهم صدمه وذهول ان شعب عربي افريقي من دول العالم الثالث وبيلعبوا بالاصرار ده
تخيلي انا شوفت الجمهور البرازيلي والله بيعيط عشان مش قادرين ياخدوا مننا الكوره
ربنا يكرمهم يارب امتعونا وفرحوا قلبنا وادخلوا البهجه علي الملايين من العرب
انهارده واحد اردني في التيليفون بيقول لعمرو اديب
لو لم اكن اردنيا لوددت ان اكون مصريا
وهنا في السعوديه كل زمايل جوزي اتصلو بيه وقالولو رجاله ورفعوا راسنا وراس كل العرب
احنا اه اتغلبنا في اخر 10 دقايق بس يكفي ان الصحف البرازيليه قالت ان شباكهم مادخلش فيها 3 اجوان من في مباره واحده من سنة 2005 مع الارجنتين
ربنا يكرم كل الي تعبوا ويوفقهم يارب وينورلهم طريقهم :26:

مرمر البتول جزاك الله خيرا على الدعاء
نيرمين جزاك الله خيرا وربنا يشفى بنتك قبل يوم الجمعة ان شاء الله وحاولى ابعدى اخوها فى النوم يعنى نيمية حتى فى اوضة تانية والسخونة انا فيها والله دلوقتى امبارح كانت حرارتها فوق الاربعين حميتها وطلعتها بسرعة يا عينى علشان كانت بتترعش وكمادات وادوية والحرارة مابتنزلش رحت جبت خل فى طبق بدون مية ودهنت بية قورتها وجسمها هى اضايقت من الريحة بس و**** نفع بس مش قادرة اكرر الحكاية دى منها علشان ريحتة ضايقتها النهاردة بقة اللى نفعنى شوية انى باديهم اتنين دوا لليخونة واحد لبوس زى سيتال وبعد تلاتة ساعات دوا شراب زى ميجافين يعنى كل تلاتة ساعات ادى حاجة بالتناوب
اللى مضايقنى دلوقتى ان البنت لما وديناها للدكتور قال انها شبة حساسية صدر واداها بخاخة فنتولين انا ماكنتش عايزة اديها بخاخة علشان ماتتعودش عليها بس الكحة مستمرة على طول بطريقة وحشة رحت ادتلها من شوية وبردة الكحة شغالة مابطلتش مش عارفة اعمل معاها اية وبعدين حد يعرف صحيح كدة حبيبتى بعد الشر ممكن تتعود على البخاخة
ايناس الف سلامة على اسمعاعيل ربنا يتم شفاة يا رب
يا رب اشفى كل مريض ومتع الجميع بالصحة والعافية يا رب

يابنات ماشاء الله عليكم الواحد لازم يتابعكم اول باول عشان يقدر يركز ويكتب لكل واحده
بس بجد حاسه تهت
هدهود حبيبي الحمدلله اننا اتطمنا علي ايه يارب ما تشوفو شر ابدا وخليكي كده اوعي النكد والاكتئاب يتغلب عليكي

نرمين وفيميل وايناس سلامة ولادكم يا حبايبي اللهم اشفيهم شفاء لا يغادر سقما

مرمر البتول صلي استخاره وان شاء الله ربنا يقدم الي فيه الخير

روني يارب يهديلك عموره يا حبيبتي ويرزقك باخت او اخ ليه وتشوفيهم احسن ما تتمني

منمن الحبيبه بتفتكريني دايما يا عمري يارب يحفظلك روان وباباها ويحميكم من كل سوء يارب

ميوش بصي يا قمر ماما زوزو قصدها تطريز خفيف يعني الي بيتركب زي الزراير يعني بتجيبي الخرزه وترصيها وتسيبي مسافه بنفس الخيط وتركبي الي بعدها علي حسب الرسمه لكن طبعا انك تملي فراغات بطريقه عشوائيه بيكون اجمل
وممكن كمان بنفس الطريقه تعملي خطين ورا بعض من الخرز يكون واحد بني وواحد ازرق علي الاساور وبنفس الطريقه ترصيهم جنب بعض واحده ومسافه وواحده ومسافه او اتنين اتنين بجد بيغير شكل البلوزه تماما ومش بياخد وقت يارب اكون عرفت اشرحلك
اصلي اختك اخدت موضوع التطريز هوايه وبعدين قلب باحتراف والحمد لله بقيت شاطره فيه يعني الموضوع سهل جدا بس عايز طولة بال

ام سوسو فينك يا جميل عايزه تشوفي طبعا تفاعل ايجابي اوكي انا معاكي وبسجل التزامي من بكره ان شاء الله

انوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انتي فين بعد العيد ميلاد غطستي ربنا يستر ...................

اسماء تسلم ايديكم جزاكي الله خير ويالا ابدأي في المونتاج وهتلاقي تفاعل كتير ان شاء الله واحتسبي النيه يا جميل واكسبي فينا ثواب وعلمينا حاجه جديده
يالا انا مستنيه وياريت يا قمر الفيديو بتاع الاحتفال خلينا نتفرج ونسترجع معاكي الذكريات

باقي البنات بسلم عليكم كلكم طبعا وسامحوني لو نسيت حد

يابنات سمعت امبارح ان اكتشفوا علي حدود ليبيا 13 حاله عنده مرض الطاعون
دي تبقي كارثه والعياذ بالله الخبر اكيد تخيلوا عمرو اديب بيقول للناس هو ايه الي بيحصل يالا نبتهل لربنا وندعي يلطف بينا من الاوبئه دي تخيلوا قعدوا يتريقوا عليه كأنوا واحد جاهل ورجعي بيتكلم
حسبنا الله ونعم الوكيل طيب يقروا القرءان ويشوفوا ايات ربنا وابتلاءاته للعصاه طيب هم مستنين ايه عشان يرجعوا لربنا
قوم فرعون كان ربنا بينزلهم البلاء والعذاب وكانوا بيأمنوا بس كانوا يرجعوا تاني يكفروا وينزل عذاب تاني ويرحوا لسيدنا موسي ويقولوا ادعي ربك وهنأمن ويرجعوا
طيب دلوقتي الناس قلوبها اشد قسوه من قوم فرعون ؟؟؟؟؟؟؟؟؟؟؟؟؟؟؟؟؟؟؟
مش مصدقين ان كل ده غضب وتذكره من عند ربنا
يارب ارحمنا يارب ونجنا من الفتن والمعاصي ما ظهر منها وما بطن

فيميل وام يوسف جزاكم الله خيرا على الدعاء ربنا يخليكم ليا يارب وتنولوا كل الى تتمنوه