اوعدكم دي آخر مشاركة لليوم بلاش تطردوني من السرب

إنفلونزا الذنوب


معلومات عن هذا المرض ؟؟؟؟؟

هذا المرض اشد خطراً,واكثر فتكاً,لانه لايضر الجسد فقط,بل يضر
الجسد والروح والعقل والقلب,ولانه لا يتعلق باالدنيا فقط بل يتعلق
باالدنيا والاخره !!!



مصير صاحب هذا المرض ؟؟؟؟؟

الهلاك وموت القلب معنويا !!!

رأيت الذنوب تميت القلوب , , , ويورث الذل ادمانها
وترك الذنوب حياة القلوب , , , وخير لنفسك عصيانها



مكان المرض ؟؟؟؟؟

القلب ثم ينتقل الى الجوارح !!!
قال رسول الله صلى الله عليه وسلم " ألا وانه في الجسد مضغه..
اذا صلحت صلح الجسد كله..واذا فسدت فسد الجسد كله
ألا وهي القلب "






اسباب المرض ؟؟؟؟؟

1: مجالسة او مصادقة اصحاب هذا المرض
قال رسول الله صلى الله عليه وسلم ( المرء على دين خليله )
2: نقص في جهاز المناعه الروحيه للانسان ,,القلب
3: البعد عن طاعة الله وذكره
4: اتباع الهوى والنفس والشيطان
5: الانغماس في الدنيا وملذاتها وشهواتها
6: سماع الاغاني, والاعراض عن سماع وتلاوة القرآن



اعراض المرض ؟؟؟؟؟

ظلمه في الوجه, وهن في البدن، قسوه في القلب وضيق في الصدر,
ضيق في الرزق, شتات الامر, هم لاينقطع, انصراف عن التفكير في
الاخره, وقوف على متاع الحياة الدنيا.



طرق الوقايه والعلاج من هذا المرض ؟؟؟؟؟

1: التوبه والاقلاع عن كل ذنب
2: اخذ جرعات منتظمه في مواعيد محدده خمس مرات يوميا بإتقان
وخشوع وتدبر ..الصلوات الخمس
3: اخذ جرعات منشطه من كتاب الله يوميا
4: الصيام في حدود السنه
5: الاتعاظ بموت السابقين




التحصينات ؟؟؟؟؟

1: جرعه منتظمه يوميا( اذكار الصباح والمساء )
2: مصل واقي، قراءة آية الكرسي والمعوذتين يوميا،وحبذا
قراءة (قل هو الله احد) كثيرا
3: الاستغفار والتوبه النصوح



اثار انفلونزا الذنوب على المجتمع ؟؟؟؟؟

1: هدم الافراد
2: هدم الاسره
3: هدم المجتمع
4: القضاء على القيم والاخلاق

واخيراً اسأل الله ان يقينا جميعا انفلونزا الذنوب..

المفتــــاح السحري للخشوع في الصلاة
ها قد حان الوقت لنكشف عن المفتاح السحري للصلاة .. الذي قد غيَّر صلاة الكثيريــن ..
وهو ليس بمفتاح صعب أو شاق، وإذا ما عرفته تلذذت به .. وهذا المفتاح يتلخص في ثلاث كلمات ..
كلِّم ربّك .. خاطِّب ربّك .. تحدث إليه ..
عندها ستشعر أنك تخاطب الله عز وجل وتنتظر منه الإجابة، مما يُحرِّك قلبك ويُثير إنتباهك .. وحضور القلب هو الذي يوجب الخشوع واللذة،،
قال النبي صلى الله عليه وسلم "إن أحدكم إذا قام يصلي إنما يناجي ربه فلينظر كيف يناجيه" 1538)]
يقول الشيخ ابن عثيمين رحمة الله "إذا كان يصلي فإنه يناجي الله يعني يخاطبه، والله عزّ وجلّ يرد عليه" .. فإذا دخل فى الصلاة، فقد وقف بين يدي الله عز وجل .. فليستشعر أنه يخاطب الله عز وجل بكامل صفاته.
اجعل صلاتك كلها مناجاة .. ستستمتع بها وتخشع فيها مثلما تفعل في دعاء القنوت في رمضان ..
كان أحد السلف إذا صلى قيام الليل، وقف بين يدي الله وأخذ يهز لحيته ويقول:
"يــــــــا ربِ عبدك هذا في الجنة أم في النار ؟؟ عبدك هذا في الجنة أم في النار ؟؟"
انكسر بين يدي الله تعالى،،
خاطبه في ركوعك وسجودك .. وادعّ بهذا الدعاء الجميل الذي يعجب منه الله تبارك وتعالى، قال النبي صلى الله عليه وسلم "إن الله ليعجب من العبد إذا قال لا إله إلا أنت إني قد ظلمت نفسي فاغفر لي ذنوبي إنه لا يغفر الذنوب إلا أنت قال عبدي عرف أن له ربا يغفر ويعاقب" 1821)]
أجل يارب، قد عرفنا أنك ربنا وليس لنا غيرك .. آمنا بكتابك وأنخنا مطايانا ببابك، فلا تطردنا عن جنابك .. فإنك إن طردتنا، فإنه لا حول لنا ولا قوة إلا بك،،
إخواني، خاطبوا ربكم في الصلاة فإنه يخاطبكم ..
قال رسول الله صلى الله عليه وسلم
"قال الله تعالى: قسمت الصلاة بيني وبين عبدي نصفين ولعبدي ما سأل ..
فإذا قال العبد (الْحَمْدُ لِلَّهِ رَبِّ الْعَالَمِينَ)، قال الله حمدني عبدي ..
فإذا قال (الرَّحْمَنِ الرَّحِيمِ)، قال أثنى عليّ عبدي ..
فإذا قال (مَالِكِ يَوْمِ الدِّينِ)، قال مجدّني عبدي ..
فإذا قال (إِيَّاكَ نَعْبُدُ وَإِيَّاكَ نَسْتَعِينُ)، قال هذا بيني وبين عبدي ولعبدي ما سأل ..
فإذا قال (اهْدِنَا الصِّرَاطَ الْمُسْتَقِيمَ، صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ)، قال هذا لعبدي ولعبدي ما سأل"]
إذا ناجيت ربك هكذا طوال صلاتك، فسوف ترى عجبًا .. لأن الله سبحانه وتعالى كريـــــــم .. فإذا خاطبته يستجيب لك ويعطيك، قال تعالى {وَقَالَ رَبُّكُمُ ادْعُونِي أَسْتَجِبْ لَكُمْ ..}
وأنت طوال الصلاة تعيش فى مناجاة كاملة مع ربك عز وجل، وما أحلاها من مناجاة ..
أرجوك طبِّق المفتاح السحري، وإستمتع بالصلاة ...
اللهم أرزقنا الخشوع فى الصلاة،،

الف سلامة على كل حبايبنا الحلوين ومبقتش عارفة كام طفل من كترهم اللهم اشفهم جمعيا شفاء عاجل غير اجل اللهم امين يارب العلمين:44:
امانى61 ياترى مين نرمو اللى فى بالك؟
النهاردة روحنا النتر فيو بتاع المدرستين اللى قدمت لجنة فيهم عايزين الاب والام والطفل للامتحان واحنا لحد اخر لخظة البنت سخنة مولعة نار وقالت لى خايفةاروح المدرسة ملقيش حمام اكمنها يا روحى عندها اسهال وكنا موش هنروح راح جوزى قال لها الله يسمحاه بلكدب لو شديتى حيلك يا جنونة هنروح الانترفيو وبعدين اوديكى كارفور هو كان ناوى فعلا لكن ميعاد المضاد مينفعش هيروح عليها استعنت بلله واديتها لبوسة ودعيت لها ادعية المريض ورحنا المدارس ما شاء الله عليها الله اكبر قالوا لى ممتازة والحمد لله عدت على خير فى المدرستين وانا كمان عديت اصلى خريجة حقوق ومادراكم ماكلية حقوق ملهمش دعوة باى لغة بس ربنا سهلها وجوبت الانجلش وجوزى كان بيلاحق عليا فى الكلام وعدت بس قعد يضحك عليا لما مشينا بيقول ايه ياعم اللغات الحية دى؟ انتى بتتكلمى صعيدى موش انجليزى وقعد يطريق على نطقى قعد يقول لى كان نفسى اسجلك علشان اذلك بيها وانا بصراحة ضحكت على نفسى ويقول لى انجليزى ده يامرسى؟. عملنى تسلية طول الطريق عقدنى:06: خلانى بفكر اخد كورسات وكمان علشان مذاكرة البنت جينا للجد بقا خلصنا وهى اساساموش قادرة تمشى بتقول لبابها اناع كنت كويسة فى الانتر فيو يلا بقا ودينى كارفور ودى طبعا متعتها
قلت لهم بقول كوا ايه انا اللى عايزة اروح موش قادرة اروح فى اى مكان تعباااانة ايزة انام بعدين ميعد المضاد قعدت تعيط وبهدلت الدنيا ومسكتتش الالما اشترى لها لعبة وانا اللى عايزة انام لسة صحية وباقى على الفجر 10 دقايق والحمدلله على كل حال لسة الحرارة طالعة نازلة هتاخد وقتها طولت عليكوا

السلام عليكم ورحمة الله وبركاته

كنت بتكلم مع ام سوسو من شويه وسألتني فين موضوع الاسبوع ده قلتلها مش عارفه مافيش نفاعل
قالتلي مش مهم لو انتي ماستمرتيش ياتوأمي هكمل انا
طبعا اتكسفت من نفسي لأننا في الاول قلنا نعمل كده حبا في رسول الله واتباع لسنته وهداه
وعشان لو سألنا عملتوا ايه علشاني نلاقي حاجه ندافع بيها عن نفسنا ويارب يكون خالص من الرياء
ويكون في ميزان حسناتنا بأذن الله
بس انا زي ما قولتلكم واخده جنب شويه مع نفسي كنت خايفه من النفاق وتقريبا حسيت بيه .........
عشان كده هنكمل مع بعض ونتكلم النهارده عن موضوع النفاق
وان شاء الله يكون صحوه وتذكره لينا كلنا وانا اولكم طبعا

عروس
بمناسبة السواخنلاف الطباع
طبعا الاعتدال هو احسن حاجه يعني لازم يكون فيه صفات مشتركه واهمها الاهتمامات واسلوب التفكير
والقيم والمبادئ الي نتمسك بيها
وفي نفس الوقت يكون فيه اختلاف في طباع تانيه يكون طرف سلبي والتاني ايجابي
يعني لو واحد مبذر لازمله واحده مقتصده ولو واحد حاد الطباع وقاسي لازمله واحده حنينه وعطوف تعوض الولاد وتحنن قلبه

لكن ماينفعش واحد مرح وبشوش ياخد واحده نكديه وبوذ ههههههههه اصلي لسه متمسكه بالشعار علي فكره رغم الحاله الي انا فيها

رشا يا حبيبة قلبي حمدالله علي السلامه يارب ماتغيبي ابدا

انوج الف سلامه ياروحي ان شاء الله خير طيب كنت طمنتينا بعد مارجعتي ياربي انا قلقانه اوي ربنا يستر
اللهم انت الشافي لا شفاء الا شفاءك شفاء لا يغادر سقما اللهم اشفيه يارب

عروس يا حبيبتنا مستنيه سهرتنا بفارغ الصبر ربنا ييسر الامتحانات يارب وينجحهم باعلي الدرجات

ام البنات ربنا يكرمك فكرتيني بماما بتعشق الويكه وبتعملها بنفس الطريقه بالظبط مانتي عارفه ماما وبابا من الصعيد وطبعا دي الاكله الاساسيه وفعلا لازم تكون مشطشطه
يارب ايه تكون اتحسنت النهارده

اماني ربنا يكرمك يا جميل بس فعلا تحسي الموضوع ده بقي كتير وتقريبا الناس كلها بتتعامل كده

نانسي معلش يا حبيبتي انا مش كنت اقصد اضايق حد متغرب زي حالاتي بس اكيد انتي عارفه الغربه وعمايلها فينا تعرفي انا بقول لجوزي مش عايزين نستهتر بأي قرش بنكسبه هنا لأن تمنه غااااااااااالي اوي مش كده بردو

في ناس كتير غايبه
هايا ومي وايجيبتي ومادو وام نادين وبوتا وناس تانيه كتير ان شاء الله يكون خير
سبحانك اللهم وبحمدك اشهد ان لا اله الا انت استغفرك واتوب اليك

عروس النيل... مشكورة يا حبيبتى على التنبيه بخصوص المشاكات المتكررة و اسفة اذا كنت قد اطلت عليكم فى مشاركة من مشاركاتى..و عندك حق يا جميل فى كل اللى قولتيه
هدى أم البنات ..اخبار آيه ايه يا رب تكون بخير
اسماء تسلم ايديكم... مستنية المفاجات الجديدة و بفكرك انا مشتركه معاكى فى الدورة اللى اعلنتى عنها و بطلب منك طلب مثل الاخوات و هوه انك تقسمى المنهاج بتاع ام سوسو على خطوات و نعمل لكل كام خطوة مثل اسبوع و نتفق على يوم معين نتجمع فيه نحكى عن تطبيقنا للخطوات السابقة و نقول ايه اللى قدرنا نعمله و ايه اللى مش عرفنا نعمله و اللى عرف حاجة يشرح لغيره بحيث لما ناخد خطوات جديدة فى المنهاج نكون اغلبيتنا ان مكنش كلنا عرفنا طريقة تنفيذ كل خطوة و ممكن بدل ما نخلى مراجعه الخطوات يوم واحد لا نخليها مثلا ثلاث ايام بحيث اللى ميقدرش يشارك اول يوم يشارك فى اليوم التانى او الثالثو نحدده بالتواريخ نبتدى مثلا يوم 2 فى الشهر و مراجعه الخطوات مثلا ايام 10& 11 & 12 مثلا يعنى بحيث ندى فرصة للكل انه يكون جرب الخطوات و عرف ينفذها.اتمنى ان الاقتراح يعجبكم

فيميل... بصى يا حبيبتى لو بنتك فعلا مش عايزة سوايل شوفى حتى لو عصير جاهز تكون بتحبه زى جهينه بالمانجو او بالتفاح اهو احسن من مفيش و هيكون تغيير بالنسبه ليها .. ربنا يحميهالك و يشفيها بأذن الله

ايناس enn ... طريقتك بتاعة تنزيل الحراره فى البانيو حلوة اوى و كلامك صح لانه لو نزلنا الطفل مرة واحده تحت المياه هيرتعش زى ما حصل مع ابنى من يومين. جزاكى الله كل خير

نيرمو ... حبيبتى المغص اكيد من الصديد ..الميكروب نزل المعده و عمل المغص و ممكن يعمل اسهال و على فكرة الميجا موكس فعلا طعمه مش حلو حاولى لما الدكتور يكتب ليكى على دوا للطفل تساليه بطعم ايه لانك ممكن تشتريه و تلاقيكى كل ما تيجى تدى منه لطفلك يرفضه او يرجعه فى الحال... فيه مضاد اسالى عليه طعمه مقبول شويه اسمه سيفيزيل حلو مش وحش الدكتور دايما يكتبه لولادى فى النزلات و هوه تركيزين على فكره و برضه اسالى الدكتور بتاعك و على فكرة انتى اكلمتى عن الدولفين للسخونه حلو بس لو فيه اسهال مش هينفع لانه هيزود الاسهال و فيه دوا تانى طعمه برضه حلو خافض للحرارة اسمه نيمالوكس و المطهر بتاع المعده انتينال شراب بس و النبى ابقى اسالى برضه الدكتور هيمشى مع ولادك و لا لا كل حالة مختلفة عن التانية..و ربنا يشفيلك بنتك

وردة مفتحه... طريقة الرز بالبن حلوة اوى بس هيه مفيهاش نشا مش كده هجربها و اقولك على النتيجه
و بالنسبة للجاز انا بنظف بيه سيراميك المطبخ حلو اوى لانه بيدوب الدهون و كمان بنظف بيه الشفاط بتاع المطبخ لاذابه الدهون و بالنسبة للارضيات بمسح الاول بكلوركس بالرغوة مع ماء خفيف و بعدين احط شوية جاز على الارض فى المسحه الاخيرة يخلى السيراميك يلمع و ربمجرد انك تهوى الغرفة الريحه بتطير علطول
سلامى لباقى الاخوات كل واحده باسمها...معلش طولت عليكم