ام يوسف وام سوسو ماشاء الله وفيتو موضوع النفاق
وفضفضة ام يوسف جميله جدا
لكن فى ناس تخاف انها تكون منافقه فتكون علاقتها سيئه
بكل المحيطين بحجة انها تحب تقول للاعور انت اعور
فى وشه لا ده عيب مش ميزه
لو كرهنا حد نعامله بالحسنى ولو ما عنديش كلمه حلوه
يبقى الصمت افضل من الايذاء باللسان
عشان ما اعملش مشاركه جديده
ايناس صح كده والجمعيه تفطر كل يوم صائم
طالما انك ما تعرفيش حد
وربنا يتقبل منك ويعينك على القضاء
واتجنب من اكره لكن بدون مشاكل ولا خصام
الرفق واللين مطلوب ممكن نكره لاننا بشر
والحب والكره خارج عن ارادتنا لكن يجب ان نعامل
من نكره بالاحترام خصوصا لو كانو من الاقارب
او اهل الزوج لانها صلة رحم
موضوع اختلاف الطباع بين الزوجين
ماشاء الله عليكو كفيتو ووفيتو
الاختلاف فى الطباع نعمه من ربنا على العبد
لاننا لو متطابقين تماما الحياه لا تستقيم
ولو مختلفين فى كل شىء ايضا الحياه لا تستقيم
لكن من نعمة ربنا على الزوجين انهم يعملو خليط
من طباعه وطباعها ويصلوا لمرحله وسط
تناسب الطرفين
ويمكن كثيرا بنجد الخلافات كثيره خصوصا فى بداية
الزواج لان كل طرف متمسك برايه وعايز التانى
يلتزم بيه لكن العاقل يخلط طباعه مع طباع زوجه
ويصل لمرحلةالوسط وده بيكون توفيق من ربنا
أم آدم هنيئا لك ترحيب ماما زوزو مين قدك
جانى تليفون جميل بس مش قايله من مين
صوتها جميل ومشاغب عكس ما كنت معتقده
انها هاديه جدا طلعت مشاغبه يا ترى مين
سامحونى غلست عليكو بحكم المنصب
تقربا هى عدوى الرئيس لازم يكون مفترى

مى الف سلامه على جوزك شافاه الله وعافاه
وردتى الحمد لله انا بالف خيرورحت عملت تحاليل وكشفت تانى وطلعت التحاليل تمام والحمد لله وكتبلى الدكتور على فيتامينات ومقويات
وانا دلوقتى احسن بكتير صحيا ونفسيا ولله الحمد فتره وعدت والحمد لله وربنا يرحمنا برحمته ويلطف بينا فعلا البنى ادم مفيش اضعف منه
توأم اسمى امانى وام ادهم اهلا بيكم معانا اخوات فى الله
عروس ساعات الصمت بيعتبره الكتير ضعف تعملى ايه ساعتها تستمرى فيه ولا تخرجى من صمتك واللى يحصل يحصل
ويا بختها الى كلمتك يا عروس
اللهم اسالك خير هذا اليوم وخير ما بعده ونعوذ بك من شر هذا اليوم وشر مابعده

مسااااااااااااااء الخيييييييييييييير

بشكر كل اللي سال على يوسف بجد كلكم اكتر من اخواااااااات
هو الحمد لله السخونيه مطلعتش تاني بس لسه في اسهال و رجع مره النهارده
غالبا فيروس من ميه البيسين اصل ابني بيحب يشربها كانه بيشرب عصير منجه
لا و بينصح اللي معاه في التمرين انهم يشربوا هههههههههههههه
لاااااااااااااااسع بس اعتقد انه حرم بعد الدور المحترم ده


عرووووووووس
اعتقد اللي كلمتك بنفس المواصفات دي هي دموع ...صح ولا اخمن تاني؟؟


طبعا انا قررت مشاركش ال لما اكون مفيده و بما اني قاعده في البيت بقى لي يومين
فحبيت ابتكر كم حاجه جديده .....جديده بالنسبه لي ....عشان في ناس بتحب اوي
الهجوم عليا !!!!


اولا:::امبارح عملت نظافه شخصيه بالسيلك ابيل
و كان في طريقه جربتها للمنطقه الحساسه من شهرين و الصارحه مريحه جدااااااااا
و 5 دقائق اكون تمام....

الطريقه هي القرفصه في الارض سواء للي بيستعمل حلاوه او الماكينه زي حالاتي
طبعا عارفين القرفصه؟؟؟
و الميزه انك بتكوني مشدوده جدااا فابالتال يتقدري توصلي لكل الاتجاهات
و اللي عايز تفاصيل يسال


ثانياا::::::::::
عملت ماسك تحفه علييييييييييييييه شويه و بجد نتيجته فتاااااااكه و بيشد البشره جداااااااااا
و بيشيل اي اثااااااااار للحبوب او بقع قديمه

الاول عملت سكراب :::سكر+ليمون+زيت زيتون
و فضلت ادعك و ادعككككككك و ادعك
و يادوب شطفت وشي بمايه و كان طبعا اثار الزيت زيتون موجوده
نشفت بمنديل بالتربيت الخفيف و بسسس


محتويات الماسك:
بن+كاكاو+لبن بودره+ليمون+ماء ورد

و طبعا المقادير حسب الكميه اللي انت عايزاها
بس اهم حاجه تعملي بيه عجينه متماسكه مش سايله اوي
و متستغربوووش من الريحه لانها مش لطيفه

تفردوه على الوش و تسيبوه نص سااااااااااااااعه و هو بينشف و يتقشر
و في خلال النص ساعه قطعت شريحتين بطاطس رفيعين و حطيتهم على عيني

و استلقيييييت على الكنبه و انتعااااااااااااااااش بجد
حسيت ان بشرتي بتشرب المكونات

بعد النص ساعه قشرته و غسلته بمايه بس
و جبت تلجايه حطيتها على وشي و مشيتها علي كل حته شويه

نشفت بالتربيت برضه و بعدين جبت قطنه بماء ورد و مسحت وشي

طبعا كان احساس فظيييييييييييييع بالانتعاش

و بعدين جبت نقتطين جلسرين +نقطتين زيت لوز
و دعتكهم في راحه يدي جاااااااامد جدااااااااا و دلكت بيهم وشي

و بجد ماشاء الله النتيجه روعه روعه

بسسسسسسسس

عملت بقى غداء خفيف جداا

كلوب ساندويتش مكوناته بيض مسلوق و تونه و جبنه رومي
و معاه سلاطه
بس بجد كان حلو اويييييي و ماخدش مني ربع ساعه


طبعا في خلال اليوم بشرب شاي اخضر و مايه كتيييييير و في خلطه كنت عاملاها
للتنظيف وقت البريود بس شكلها جايبه نتيجه في تخسيس البطن
النهارده قست كذا حاجه حاسه البطن نازله كتير الحمد لله

بس هتاكد لكم الاول اذا هو من الخلطه ولا من المجهود


كل البنات بحبكم جداااااااااا و مش عايزه اتقل عليكم

سلااااااااام

ايناس

حلو رابط الجداول وطمنينا على ابنك عامل ايه؟؟

امانى

ازيك وازى ياسمينتك

احنا بخير الحمدلله

السلام عليكم و رحمة الله و بركاتة

اهلا يا اجمل بنوتات فى الدنيااااا
من غيركم بحس انى غرقانة بجد
بس و الله ما بنساكم ابداا و بدعى لكل واحدة فيكم و ان شاء الله ما بنساش حد
مى
سلامة جوزك الف سلامة
اينا
معقول يا جميل شاى رويال بيعمل كدا يا خرررررررراشى دا انا بقالى 8 شهولر شغالة فية الله ينور لا طبعا هحاول ابطلة بس مشكلتى ان عندى امساك عالطول
ام البنات
وحشانى قوى قوى يا هدى سلامة اية الف سلامة ما تشوف شر ابداااااااا يا حبيبتى

عطر (أنجى)
ايوة يا عم يا بتاع المسكات و الحركات انت تصدقى شجعتينى اقوم اعمل ماسك على بشرتى

منى (دموع تائبة )
ازيك يا جميل
كنزى
اخبارك اية يا عمرى روقى كدا و تعالى مصر و انتى هتنبسطى ان شاء الله
ام يوسف
ما شاء الله كلامك عن النفاق رائع

ام يوسف لو قعدت ادعيلك من هنا لبكرة مش هوافيكى حقك ربنا يباركلك يا رب و الملف ررررروعة بجد

كل البناااااااات بحبكم فى الله

يومياتى
من امبارح و انا مبتدية تنظيف عميق للشقة مسكت امبارح اوضتى و تنظيف عميق العميق و عطرتها و نشرت و عملت الغداء فراخ و بطاطس و ارز
و كنت صايمة فطرت و اترميت على السرير

انهاردة
قمت صليت الفجر و رجعت نمت تانى
قمت الساعة 10 روقت الشقة كلها و لميت الغسيل و طيران على قوضة العيال تنظيف عميق و و نشرت غسيل تانى(حاسة انى مش ببطل لا غسيل و لا نشير ) كنت بردوا صايمة الحمد لله و كان عندى اكل من اليوم اللى فات يا دوب سخن و بسسس
المهم الحمد لله اوقات الترتيب و التنضيف ما بطلتش استغفار
نفسيتى اتحسنت جداااا من الاستغفار و حسيت انى قريبة جدا من الله عز و جل