يا جماعه ارجوكم اقروا المقال ده كاااااااااملا لانه فعلااااااااا رائع و مهم جداااااااااا للحفاظ على جسمنا

خطوات لإنعــاش حيــاتـــك

*‏ بدلا من الخبز والزبد في الافطار تناولي البيض مع التوست المعد من القمح الكامل وسوف تشعرين بالشبع‏,‏ فالابحاث قد اظهرت ان الناس الذين يتناولون البروتينات في افطارهم مثل البيض يفقدون وزنا اكثر‏,‏ هذا بالاضافة الي أنه يحتوي علي الكولين الذي يرتبط بخفض احتمالات الاصابة بسرطان الثدي ويحتوي علي مضاد الأكسدة اللوتين‏,‏ اما إذا كنت قلقه بشأن الكوليسترول فتناولي بيضة واحدة في اليوم او بياض البيض‏.‏
‏
*‏ بدلا من تناول اللحوم الحمراء في الوجبة الاساسية كالاستيك مثلا تناولي وجبتين في الاسبوع بدون لحم علي الاطلاق لتقللي من عدد السعرات الحرارية التي تتناولينها‏,‏ كما انها وسيلة مناسبة لادخال وجبات البحر المتوسط لغذائك والتي تشمل كمية كبيرة من الخضراوات والفواكه والحبوب الكاملة والمكسرات والزيوت‏,‏ خاصة زيت الزيتون مع بعض منتجات الألبان والسمك والدواجن بعد ان اثبتت الابحاث العلمية فائدتها للجسم‏,‏ فالعلماء ينصحون بالبقول والألبان كبديل للحم ونسبة الالياف الغذائية فيها صفر وتتميز الالياف الغذائية بانها تقلل نسبة الاصابة بسرطان القولون وتخفض الكوليسترول وتحمي من الاصابة بأمراض القلب‏.‏
‏
*‏ بدلا من السهر لمشاهدة التليفزيون دردشي مع صديقة في التليفون فنتائج اكثر من‏35‏ دراسة حديثة اجريت علي نحو‏45‏ ألف شخص بالغ أكدت ان الاشخاص غير السعداء هم الذين ترتفع نسبة مشاهدتهم للتليفزيون‏20%‏ بالمقارنة باصدقائهم الذين يمضون وقت فراغهم في التواصل الاجتماعي‏.‏
‏
*‏ السمك بدلا من الدجاج‏..‏ الاشخاص الذين يتناولون السمك بدل الدجاج مرتين في الاسبوع اقل تعرضا بنسبة‏20%‏ للموت المبكر‏,‏ وذلك وفقا لدراسة واسعة اجريت حديثا باشراف د‏.‏ اريك ريم اخصائي علوم التغذية بجامعة هارفارد‏,‏ والذي يقول ان الاسماك الغنية بالاوميجا‏3‏ مثل سمك السالمون والتونة والماكاريل هي افضل الانواع‏..‏ فدراسة حديثة قد اوضحت ان الاشخاص الذين تناولوا اسماك غنية بالاوميجا‏3‏ كانوا‏45%‏ اقل تعرضا للاصابة بامراض الشرايين كالسكتة القلبية أو الذبحة‏,‏ ودراسات اخري اشارت الي أن تناول الأسماك بكثرة يساعد علي تباطؤ التدهور العقلي للاشخاص المصابين بالزهايمر‏.‏
‏
*‏ استبدلي مشروبات الدايت بالشاي الأخضر فهو مصدر للتغذية له فوائد عديدة لتخفيف نسبة الاصابة بأمراض القلب والسرطان‏,‏ كما يساعد علي فقد الوزن وهو ايضا مصدر للفلورايد الذي يقوي الاسنان‏.‏ اما الشاي الاسود فهو ايضا مصدر جيد لمضادات الأكسدة حيث يحارب الامراض‏,‏ ويأتي بعد ذلك مشروب الصويا وهو من المشروبات البديلة للألبان ولكنها تزيد الوزن بدلا من انقاصه وقد تكون السبب في تآكل الاسنان‏.‏
‏
*‏ استعملي قدميك لقضاء المشاوير القصيرة بدلا من السيارة‏,‏ لأنه اذا كان الجو مشمسا فانك لن تحرقي سعرات حرارية مضاعفة فقط ولكنك ستحصلين علي جرعة كبيرة من فيتامين‏(‏ د‏)‏ بسبب تعرضك للشمس‏,‏ فقد اثبتت الابحاث ان النساء اللاتي لديهن نقص في فيتامين‏(‏ د‏)‏ يكن اكثر عرضة للاصابة بالازمات القلبية والي مقاومة الانسولين الذي يؤدي الي الاصابة بمرض السكر‏,‏ كما كشف بحث حديث ان النساء المقبلات علي مرحلة انقطاع الطمث ولديهن نسب عالية من فيتامين‏(‏ د‏)‏ كن‏55%‏ اقل عرضة للاصابة بمرض سرطان الثدي بالمقارنة بغيرهن‏.‏
‏
*‏ استبدلي فنجان القهوة عصرا بالمشي لمدة عشر دقائق فإن القهوة قد تساعدك علي الافاقة وممارسة انشطتك ولكن مفعولها ينتهي سريعا‏,‏ بينما المشي لمدة عشر دقائق يرفع مستوي الطاقة لساعات طويلة ويحميك من السمنة ومن امراض القلب وضغط الدم المرتفع‏.‏
‏
*‏ تناولي الشيكولاتة الداكنة بدلا من الشيكولاتة باللبن‏,‏ لأنها تحتوي علي كميات من الفلافونيود التي تحسن حيوية القلب وتخفض ضغط الدم وترفع الكوليسترول الجيد وتقلل الكوليسترول الضار وابحثي عن الانواع التي تحتوي علي نسبة كاكاو كبيرة فكلما زادت كمية الكاكاو‏,‏ احتوت الشيكولاته علي مضادات اكسدة اكثر‏


على فكره انا مجربه موضوع الشيكولاته الغامقه ده و بجيبها 85%كاكاو
بجد هي دي الشيكولاته المفيده مش اللي مليانه لبن و زبده
و بجد دي باخد منها مكعبين في اليوم و بسيبهم يسيحوا بالراحه
و بجد تاثيرها في المزاج و النشاط وهمييييييييييي
غير التانيه اللي محتاجه تاكلي منها اتنين كبار عشان تاثر

ميوش ..الف سلامة على جوزك يا قمر..وابنى الحمد لله على كل حال ...يتعالج من اللوز وبعدين احاول اظبط نفسيته
عروس الف شكر يا قمر
انوجى ....يا سلام بقى لو اكلتى مكعب الشوكولاتة الدارك دى مع فنجان شاى اخضر بالنعناع ...
لما كنت بعمل رجيم كانت هى دى السناك بتاعتى بين الوجبات ...غير انها بتعدل المود بتدى كمية نشاط غير طبيعية

السلام عليكم ورحمة الله وبركاته

اللهم لك الحمد كماينبغي لجلال وجهك وعظيم سلطانك
يارب لك الحمد علي النعمه ألي انا وانتم فيها
عارفين يابنات نعمة الحب كبيره اوي وتستحق الحمد والشكر في كل ثانيه
احساس انك تحبي ناس من غير ما تشوفيهم وتحسي حبهم حتي من غير ما يكتبولك حاجه
احساس اني من بعد ما بعدت عن اهلي
وبعد ما سبت اصحابي وكل واحده مشيت في طريقها وبعد الغربه والوحده
اشوف احلي ناس واحلي صحبه قابلتها في حياتي
اه انا كاتبه اشوف لأني شوفتكم كلكم بقلبي
وفي ناس معينه بحبها اوي حتي من غير ما اكلمها بس بحبها من غير سبب سبحان الله
الارواح جنود مجنده ما تعارف منها ائتلف وما تنافر منها اختلف )) صدقت يا رسول الله (ص)
انهارده مثلا كنا بره في مول ولقيت تيلفوني رن
لقيت رقم حبيبتي هدهود ام البنات
اتفاجئت ماكنتش متوقعه ولما كلمتها والله وربنا يشهد حسيت اني فعلا اختي بتطمن عليه
والله حسيت احساس حلو اوي مش عارفه اوصفه لأن كل كلام الدنيا اكيد اصغر منه
ربنا ما يحرمني منك يا حبيبتي ولا منكم كلكم
ده غير أني الفتره الي فاتت بخطط اكلم كل الي نفسي اسمع صوتهم بس
وطبعا لما قريت كلام عروس وام سوسو ما قدرتش امسك نفسي
يارب اجعل حبنا كله في ميزان حسناتنا
يارب احشرنا مع بعض
يارب اجمعنا في الجنه مع بعض
يارب اجمعنا علي حوض الكوثر مع حبيبنا ونبينا محمد صلي الله عليه وسلم
يارب اجعلنا جيران كلنا في جنتك يااااااااااااارب

في السريع كده عشان حالتي ماتسمحش بأي قرايه تاني اصلي اختكم لما بتفتح في العياط .......... الحمدلله ان جوزي نايم ههههه

ليمو حمدلله علي السلامه وحشتينيييييييييي كتير عايزه اكلمك علي الماسينجر بجد المره دي طبعا انتي فاهمه
انوجي يا حبيبتي الف سلامه علي يويو حبيبي اللهم اشفيه شفاء لا يغادر سقما
ماية البسين يا جيجي ؟؟؟؟؟؟؟؟؟؟ ده كلام ايه يا بنتي الدماغ دي لا وايه بيحرض اصحابه :mad:

ام سوسو توأمي الجميل يا بختك يا عروس سمعتي صوتها ويا بختك انتي كمان سمعتي صوت عروس ما شاء الله عليكم عقبالي يارب بس ابعتي الرقم والف سلامه علي مينا يا حبيبتي اللهم اشفيها شفاء لا يغادر سقما ويارب يعينكم ويقويكم علي الحر يارب حاسه بيكي ومش عارفه اقولك ايه
وعلي فكره انا بردوا عايزه اعزم ابن عمتي بكره انا تبلت بفتيك وقلت لو جاي ممكن اعمل مقلوبه بالحمه وملوخيه وصينية رقاق جنبه لكن لو مش جاي يبقي غدانا بفتيك ومكرونه ودمتم

ام سهيله وحشتيني اخبارك ايه يا قمر واخبار ولادك ايه نفسي اعرف بتغطسي فين ؟؟؟؟؟؟؟؟؟

اه يا بنات ادعوا لأم عبدالله تعبانه شويه يارب تكون اتحسنت بجد انا بعد ما رجعت البيت حسيت أني وحشه اوي كنت ناويه اكلمها تاني من بره ونسيت بس ان شاء الله اكلمها بكره واطمن ساحيني يا حبيبتي انتي عارفه ولادي يدوشوا بلد

منمن حبيبتي انتي كمان نفسي اسمع صوتك اوي ممكن تبعتي الرقم يا جميل واحطه في الخطه ألي جايه ماانتوا عارفين جوزي بينقطني كارت نونه نونه ههههه عشان عارف رغيي

مي الف سلامه علي جوزك يا حبيبتي اللهم اشفيه شفاء لا يغادر سقما

رشا ام خالد تعالي طمنينا يارب خير ان شاء الله

باقي البنات بسلم عليكم واحده واحده بس سامحوني هروح انام عشان خلاااااااااااص هنجت
بس ياريت دعائنا بكره نخليه سهل ومحفوظ عشان كلنا نقوله بجد

اللهم انك عفو كريم تحب العفو فاعف عنا ونقوله بصيغة ونية الجمع عشان نكسب تأمين الملائكه

صباح الخير يابنات معليش فى السريع كده رايا مشوار هاخرج وارجع اشارك معاكم تانى بس عايزه منكم خدمه على بال ماارجع بصو حبايبى عندى لحمه مفرومه ناعمه اوى كنت جايباها علشان اعمل كبيبه وغيرت رايي تفتكرو ممكن اعمل بيها ايه غير الكبيبه خالو بالكم انها ناعمه اووووى يالا مستنيه تردو عليا وتيفدونى لحد ما رجع بحبكم كلكم فى الله

صباحو نادي لبن زبادي

وحشتوني وبتوحشوني وهتوحشوني علطوول

بجد الملف ده بقى ادمان يعني لو يوم اجازة ومفتحتوش بتلاقوني عماله اهرش وعايزة الحقنة هههههههههه

بقالي كتير مش بشارك غير بنكد زوجي وبس
النهاردة هكسر القاعدة
عايزة ارغي وارغي وارغي
مش عارفة ليه منتو عارفيني مجنونة وحبه فوق وحبة تحت
امبارح رجعت البيت لقيت تليفون من الجيران عايزين يتجمعوا عندي قلت اوك بس معنديش حاجة اقدمهالكوا هههههههههه (قلة ذوق)
قالولي لا احنا كل واحدة هتجيب اي حاجة
المهم دخلت على المطبخ سريع مكنتش مطلعة حاجة
طلعت فرخايه معصفرة كده حطيتها في مية ورحت غيرت هدومي ولفيت لفتين ورجعت لقيتها ابتدت تفك
رحت غسلاها كويس ومقطعاها اربع وفي صينية وعليها شوية كوسه وبسله وجزر وفاصوليا من الفريزر وتوابل وعلى النار وكان عندي حلة رز حطيتها تسخن وبعدين قلت اما اعمل حاجة للغلابة الي جيين بيتي دول
قمت عملت كيكة في السريع في الخلاط كده وبدل ما اعملها في القالب الكبير
قسمتها على صنيتين واحدة مدورة وواحدة قالب مستطيل صغير
وحطيت فيها جوز هند
المورة دخلتها الفرن والمستطيل حطيت شوية كاكاو عليها وقلبت
المهم طلعت المدورة وسقتها بشربات بقت زي الباباز كده
والقلب المستطيل دهنته من الوش بمربى ورشيت عليه جوز هند وقطعته ترنشات بقة تحفة
ولما البنات جم عجبهم اوي
وواحدة فيهم جايبه كوباية الشاي بتاعها معاها الجبانه فاكرة نفسها رايحة حارة اليهود ههههههههههههههه
الحمد لله الواحد لما نيته بتبقى حلوة ربنا بيساعدة وبيبقى الحاجة حلوة كمان
وكانت قاعدة لطيفة وعدت على خير منغير فضايح هههههههههههههههههههه
الكيكة سترت برضه


المهم دي من افكاري السريعة اللي حبيت تشاركوني فيها