بصوا انا بصراحة مخنوقة ومتضايقة من نفسي

وعندى احباط من ابنى

مش بيستجيب لاى حاجة اعلمها له
ساعات يبقى كويس ويسمع الكلام وساعات ولا كانى بكلمه يعني بيتجاهلنى ودة بيستفزنى جدا لكن بمسك نفسي وبحاول ما ازعقش :angry2:
دة حتى الحدوتة لما اجي احكيها يقولى لا يا ماما ويحط ايده على بقى

ولما اغلس وافضل احكى يدينى ضهره شفتوا الواد :angry2:
ومش بس في الحدوتة دة حتى لو قريت قران او اذكار او قلت كلام عادى تقريبا مش عايزنى اكلمه الاستاذ

انا بقاوم ومش هاستسلم بس بصراحة التربية صعبة اوى وانا بتمر على مواقف مش بعرف اتعامل معاه ازاى فيها
او يعني اتصرف ازاى لما الموقف يحصل ودة اللى بيضايقنى

معلش قرفتكم بس انا متضايقة :angry2:

هو عنده سنتين و7 شهور بقول يمكن انا مكبرة الموضوع وهو لسة صغير مش عارفة بصراحة

انا عايزة اعرف هو كل السن دة كدة ولا انا لوحدى

ازيك يا رونى

صباح الخير

صاحية بدرى ولا مانمتيش زيي؟؟

شيماء أم سجى....حمدلله على السلامة وازى سجى عاملة ايه ربنا يباركلك فيها

rawanyo....أزيك يا جميل اصل المدارس كلها هنا فى السعودية بدأت بعد العيد فعشان كده كله لسة ما خلص

دموع التائبة...ربنا يهديلك الجزرة بتاعتك وتظبط نومها

ام عبدالله....جزاكى الله خيرا
اللهم اجمعنا على منابر من نور تحت ظل عرشك لاننااحببنا بعض فيك يوم لاظل الا ظلك

كهرمانة12ربنا يحفظ مافي رحمك ويقر عينك وعين زوجك بيه
وان شاء الله توصوا بالسلامة

تسلم ايديكم...ماشاء الله تسلم ايدك على الصور الرائعة ومعبرة

عرووس ...اللهم أشفى ابن عرووس شفا لا يغادر سقما

صباح الفل
ازيك يا مى انا مبقيتش اعرف انام ساعتين وتلاقينى صاحية
على فكرة انا ابنى بيعملى كده بس برده مش بستسلم دورى على حاجة تانية بيحبها وكلميه فيها
ازيك يا رشا اخبارك ايه

صباح الخير يا بنات
مى متزعليش نفسك كل الاطفال كده
اسماء محتاجة للدعاء كنتى قلتى اروى هتعمل عملية
ازيها دلوقتى عاملة ايه
رنا يشفيهالك يارب
حبيبةاوسو ربنا يشفيلك مؤمن يارب ويقومه بالسلامة
عروس الف سلامة على ابنك وشوفى كده ممكن يكون اكل حاجة تعبتله معدته

انا سمعت دكتور بيقول انه مينفعش نعطى اسبرين للاطفال اقل من 18 سنة لانه بعد االشر ممكن يؤدى الى مشاكل فى الكبد
وان اللى عنه التهاب فى الزور يعمل كوباية ميه وعليها م ص ملح ويعملها غرغرة طول اليوم
ان شاء الله بتقل الالم

يا بنات انا كنت عند العطار ولقيت عنده بودرة لازالة الشعر فقلت اسألكوا عنها الاول حد جربها وبتتعمل ازاى
فياريت اللى تعرف تقولنا

انا امبارح بقى لميت غسيل وطبقته ونشرت غيره وغسلت ومسحت الحمام بس ارضية وحوض بس عايزة النهاردة ان شاء الله اعمل البانيو والتواليت ومسحت السيراميك اللى باين بس وحميت محمد وبنتى الحمد لله عجبتها الفطايرودى طريقتها
2ك دقيق
2ك سمن
م ص ب ب
نبسهم مع بعض مثل فتات العيش
وبعدين نعجنهم بلبن
ونسيبها ترتاح شوية
وبعدين نقطعها كور صغيرة
ونفردها على دقيق ونحشيها ونلفها رول
انا حشيتها كبد وقوانص متعصجة وجبنة رومى وبيض مسلوق
كانت جميلة الحمد لله