مبروووووووووووووووووووووووك لمصر فازت على ايطاليا فوز تاريخى
اول فريق عربى و افريقى يفوز على ايطاليا

ازيكوا يا بنات كنت مؤدبه ومش بشارك بناء علي توجيهات السيد الرئيس اللي كان عايز يحيركوا شويه اه انا اللي فاجئتها وسمعت صوتها ماشاء الله فظيعه جدا جدا جدا هي اتفاجئت بيه لكن انا طبعا لا كنت متاكده انها انسانه صوتها حنين اوي ماشاء الله وربنا يخليلها بنوتتها كمان عسوله خالص

وطبعا مبروووووووووووووووووووووووووووووووووووك لمصر اكتر حد علي فكره يحس الفرحه كل اللي بره البلد تخيلوا ان احنا هنا مينفعش حد يعمل اي كلاكسات او علم مصر عالعربيه بس كلنا بنبقي فرحانين اوي طبعا بس في القلب وطبعا بنكون مفتقدين اوي الهيصه اللي في الشوارع دلوقتي

النهارده كنت عزمه واحده صحبتي وجوزها وطبعا هلكانه صاحيه من الساعه 8 وبكره ان شاء الله احتمال نطلع قريه كده والولاد ينزلوا البحر فطبعا بيكون يوم هده بس عندي موضوع نفسي اخد رايكوا فيه بس مش قادره اكتب دلوقتي

رشا حمد الله علي سلامة جوزك وربنا يطمنا عليه ان شاء الله ويكمل شفاه علي خير ان شاء الله

ennهو ليه الدكتور قالك يا حبيبتي انه محتاج دكتور نفسي

هدي ربنا ان شاء الله يسهلك الامور و يطمنا دايما علي باباكي

كل البنات بحبكوا وان شاء الله تكونوا كلكوا بخير

معلش ياايناس انا مخدش بالى الف سلامه منى اختى بحكم شغلها تعرف دكتور كويس قوات مسلحه هو مش مشهور قوى بس كويس ماشاء الله وفى واحد تانى فى ميدان روكس مخ واعصاب ونفسيه وعصبيه لو امامك ليوم الاحد اجبلك كل البيانات وكمان والله اروح معاكى ربنا يعفى عنه يارب وكل اطفال المسلمين

الرابط ده رااااااااااائع
و فيه فيديوهات ايروبيكس تحفه
http://www.forum.hawaaworld.com/showthread.php?t=1776626

السلام عليكم ورحمة الله وبركاته

ازيكم يا بنوتات

شايفة المعاكسات التليفونية شغالة طيب اختكم الغلبانة مفيش اى معاكسة كلمة حلوة كدة على الماشي

ولا لازم اطلع مدافع يعنى زى انوج ........ انوج سلفيني مدفعين من عندك:angry2:

ربنا يديم المحبة بينكم

اولا بشكر كل البنات اللى سالوا على زوجى ودعوا له ربنا يكرمكم يارب ويخليكم

هو الدور جايله جامد بس الحمدلله النهاردة بقى احسن كتير الحمدلله

وعمى كمان عمل العملية والحمدلله طلع وراح البيت ربنا يكمل شفاه على خير

ومبروك لمصر مع انى شفت الجول كدة على السريع ومااتفرجتش اساسا
وجوزى اتعصب عليهم في الاخر وعلى الحكم لانه ادى مصر كرتين اصفر لكن الحمدلله انه صفر وخلص الماتش وطلعنا كسبانين

نانسي
انتى بتحبي الكورة اوى انا مكنتش اعرف انه للدرجة دى

رشا ام خالد

طمنينا على زوجك اخباره ايه ربنا يكمل شفاه على خير

ام البنات

الحمدلله ان ربنا نصرك والمشكلة اتحلت وربنا يشفى والدك واختك شفاءا لا يغادر سقما
البقسماط لازم العيش يكون متحمص وناشف خالص

انوج

افكار تجميلية جميلة كانت مستخبية فين ؟؟

النهاردة عملت ماسك جاهز اخضر
زيزو جه يبص لى ويضحك وانا اللى قلت هيخافوا لقيت الاتنين بيبصوا لى ويضخكوا هو وياسمين كمان:icon28:


منى

ازيك يا جميل ورورو السهيرة عاملة ايه؟؟
لازم اطلع غلى في البقسماط والتنظيف ماهو مش هينفع في العيال ولا في جوزى يبقى اعمل ايه ؟

وماتياسيش من الموضوع اللى بتفكرى فيه وصلى استخارة ولو ربنا اراد انه يحصل هيحصل ويتسهل من غير ماتعملى حاجة وماتدايقيش نفسك واستغفرى

ام سوسو

انا راجعت الجدول وهامشي يوم بيوم واقولك حصل معاى ايه ان شاء الله

وضحكت اوى على قصتك مع التراب لما بتقولى زى اطفال الشوارع في الافلام لما بيحموهم هههههههههه

والقصة حلوة اوى وخصوصا النهاية لما بيوصف والدك الطفل انه استأنس بالرجل ورزوجته وبيوصف مشاعرهم واحتضانهم لبعض سبحان الله

على فكرة انا افتكرت قصة خالتى قعدت مدة طويلة مش يتخلف بتحمل لكن بعد 3 شهور تسقط وكذا مرة تكررت وطبعا راحت لدكاترة كتير وشافت كلام كتير من حماتها والناس اللى حواليها لغاية ما ربنا كرمها بعد مدة ببنت وبعدها ولد الحمدلله

المهم ان خالى الصغير كتب قصتها وبعتها لعبد الوهاب مطاوع واتنشرت في الجرنال ورد عليها لكن انا كنت صغيرة ومش فاكرة بالضبط هاسال ماما واحكى لكم القصة

وقصة باباك اللى هي بتاع عروس فكرتنى بيها

ايناس

الف سلامة على ابنك ربنا يشفيه وتطمنى عليه



النهاردة يومياتى

غسلت ونشرت وطبقت وكويت حاجات بسيطة
واشترينا حااجت البيت ورجعنا عملت الغدا وشلت الحاجة ونظفت المطبخ ومسحته ومواعين وغيرت الفويل للبوتجاز وترتيب ادراج بسيط

ومسحت الاجزاء الظاهرة في الصالة بس