شيماء يومياتك لطيفة اوى ....بس و النبى ابقى ناميلى معاكى شوية لحسن الولاد مجننى و حاسة انى هقع من قلة النوم واحد يصحى التانى ينام زى ما يكونوا بيسلموا بعض الدوريه ربنا يهديهم على كل حال
يومياتى بقى
النهارده رحت عند بابا و كنت عاملة الرز من قبل ما انزل و اتصلت بالراجل بتاع السمك حجزت سمك مشوى و قولتله على الميعاد علشان يجهزه و عملت السلطة و اتغدينا و كله مشى عادى و غسلت المواعين و نشرت و لميت غسيل و وديت المكوى و كله فى التمام .نفسى بقى انام بس عمر شبع نوم عند بابا و مش عايز ينام و يا حبيبى الاسهال مدوخه مش عارف اعمل معاه ايه.و كفايه كده علشان انا حاسه انى رغيت كتير

روشانا

الطريقة بتاعت الكنافة دي ظريفة في الشكل والتقديم بتاعها شيك انا عملتها السنة الي فاتت في رمضان وكنت حشياها

مكسرات

بصى لو دى اول مرة يكلمك بالطريقة دى يبقى التمسيله العذر ممكن يكون فيه حاجة مضايقاه و انتى جيتى له كده فى النص و مش قصده..اما لو كانت طريقته دى عادية و ده اسلوبه العادى فى الحوار لا.... حاولى يكون كلامك بحذر و جاف مش جاف اوى يعنى بس بطريقة تحسسه انك مضايقة منه حتى من غير ما تقولى ....و اتمنى انى مكنش شعللتها و الله انا جايه اهدى النفوس بس
:22:

بيبي ايمي

بالنسبة لابنك انا مش عارفة هو سنة كام بس حسب سنة ممكن تديلو معلقة نشا متدوبة في معلقة عصير ليمون

او شوية سفن من غير صوا وممكن تعملي مهلبية بالنشا بس ربنا يشفية

السلام عليكم
وحشتوني كلكم وطبعا انا مواحشتكمش مفيش حد سال عني
انا مدخلتش الفتره اللي فاتت لان ماما واختي كانوا عندي ولسا ماشين النهارده سافروا كنت بصراحه مفيش وقت عندي للدخول عالنت كنت اسهر مع اختي نقعد نرغي وطبعا كنت بستغلها في غسل المواعين:angry:ملهو مش معقوله هانكلم من غير مانعمل حاجه وانام متاخر اصحى اعمل الغداء ونرجع ننام تاني وبليل اسيب العيال لماما واخرج مع اختي قمة الاستغلال :42:اوعوا تفهموني غلط انا بهزر المشكله ان انا من المنصوره واتجوزت في القاهره مش بخرج غير يوم في الاسبوع الجمعه واحنا رايحين عند والدة جوزي بنتغدى عندهم وجوزي كل حين ومين يخرجنا اخرنا كدا كارفور المهم لما بيكون نفسي في حاجه مش بعرف اشتريها فانا لما سدات اسيب العيال مع مامتي واخود اختي
جبت ايه باءه كنت عايزه اعمل تغير لاوضة النوم عندي عشان كان عندي ملل فظيع وحالة اكتئاب وحاجات كدا المهم
اشتريت ملايه للسرير روووووووووعه نبيتي وفيها من اطرفها ورود مجسمه عليها طبقة اروجنزا ووردا كبيره قريبه من منتصف الملايه وغيرت سجاد الاوضه جبته سجاد مودرن اللي الوانه متداخله احمر واسود ورومادي وابيض وخيوط فضي فيه وابجورتين لونهم بني معتق في دهبي عشان ماكنش عندي ابجورات لاوضة النوم وجبت عارفين ستارة ورق الشجر اللي على لون بني شيلت الستاره بتاعت البلاكونه اللي في اوضة النوم وطيت الستاره دي بدلها ماتضحكوش عليه واللهي شكلها روعه جربوها
وفاوضة العيال جبتلهم ملايتين عليهم اشكال كرتونات اول مره اجبلهم ملايات كدا جميله جدا وعلى سرير بنتي جبت استيكر سندريلا ولزقتها فوق السرير بس حطيت على وشها ورده انتم عارفين طبعا ان حرام فلاغيت الوجه وحواليها الورود والشوز بتاعها والقصر بتاعها فوق سرير ابني بس ادوا للاوضه منظر رائع
على فكره انا والدة جوزي شافت السجاد فابيقولولي بكام قولتلهم قولوا كدا بنتها اللي هيه مرات اخويا في نفس الوقت قالت السجتين ب600 مامتها قالت لا 600 ايه 800 قولتلها بتتكلمي بجد قالت طب 1000 الاتنين
صدمتهم بالسعر الاتنين ب390من النساجون بس واللهي يابنات تحفه وباركولي باءه عقبال البقيه اصل انا لما دخلت كان جهازي متواضع مردتش اضغط على بابا برغم ان منصبه كويس بس احنا كتير وصارفنا اكتر ودى غير اللي يجيب نقوطك حاجه في الجهاز وتطلع مش اوي فانا جاني الملايات والفوط والمفرش بتاع السرير نقوططبعا الملايات كانت مش بتثبت خالص واللي توبر والمفرش من ايام الفراعنه والفوط دابت فاجبت غيره فوط عرايسي كدا عملت نفسي عروسه ونضفت الشقه وطلع عيني :angry2:كنست ومسحت ونضفت الشبابيك بس من الداخل والمطبخ نضيف بس مسحته من تحت الدواليب وكان عندي دولاب نضافه في المطبخ طويل وهايف كدا طلعته برد المطبخ لقيته وسع ونور هاعمله دولاب للعيال هاحط فيه ارفف ساعدوني باءه باقتراحتكم اقلبه دولاب هدوم ازايهوه فاضي خالص مفهوش ارفف
وعملت حركات في المطبخ جبت زجاجات زيت الزيتون ووضعت فيها الزيت العادي وعندي حامل استنلس وحطتهم عليه وفوسطهم ورده طبعا مش هاتتخيلوها واكياس الروز البسمتي القماش الفاضيه عبيت فيها الروز العادي وحطتهم على الرخامه اه والحامل الاستنلس حطيت تحت الزجاجات بتاعت الزيت تول الاحمر بتاع الهدايا
ونضفت اوضة النوم قبل ماجوزي ما يجي وخاليته غمض عينه وفتحت نور الابجورات ودخل الاوضه:arb:اتفاجئ بالتغير جدا:icon28: والعيال خالتهم غمضوا عنيهم قبل ما يدخلوا اوضتهم اتفاجؤا وابني لما حاجه تعجبه بيقول كلمتين مش فهماهم لو حد يعرف يدور عليهم في القاموس يبقى كتر خيره حاجه مفجعه حاجه مهمنه بس والحمد لله ياريت ماتكونوش زهقتوا مني انا بقالي كتير مداخلتش فاباخود حقي من المشاركات يعني المفروض الصراحه اكتب اكتر من كدا بس ايدي وجعتني اه باءه وماما كانت جيبالي بسبوسه بالقشطه وفطير محشي باءه بس مش قصدي اغيظكم يعني ولا حاجه :26:السلام عليكم