يا بنات الموقع ده حلو اوى .

www.starfall.com

تكسبوا ثواب فى اختكوا الغلابانة:44:لو لقيتو موقع مشابه ليه بس فرنساوى

السلام عليكم ورحمه الله وبركاته

مادو وحشتنينى موت موت موت وكل مشاركتين لازم اسال عليكى وفى القلب دايما الواحد فاكرك وعروس سالت اكثر من مرة عليكى كثير ومحدش يرد على التيلفون وانا بعتذر انى المفروض كنت اخدت اليلفون وجربت بس والله فاكركى على طول بالدعاء ولو سمحتى اكتبيلى التيلفون على الخاص لو مفيش مانع
كنزى بدخل على الماسنجر مخصوص علشان اشوفك مش بلاقيكى الحاله النفسيه ايه دلوقتى يارب تكونى احسن وياريت برضه التيلفون دعوة عامه للجميع ياريت كلكم تبعتولى التيلفونات بتعاتكم معاكم بهرب من المشاكل والالام وبحس بجمال الحياة فى عالم تانى
مى ميميس انا بتخيلك او بحلم بكى طويله رشيقه شعرك اسود ووشك جميل ياريت تبعتيلى التيلفون على الخاص انا ببقى سعيدة لما بكلم حد منكم وبحس براحه
ايجبتى عامله ايه وايه الافكار الحلوة والحاجات الجميله دى مبروك عليكى وعقبال باقى البيت وفعلا الواحد حتى لو اشترى حاجه من 2.5تعمل تغيرفى الشكل وبتحسن الحاله النفسيه
لميا فى شامبو لانتريه يوفر عليكى الشطف بمياة ورحته حلوة عامله ايه واخبار العد ايه زى ما اتفقنا
شيماء انتى سكرة الملف بخفه الدم ربنا يفرحك بسجى يارب مقولتيش طريقه المشمش بتاعتك
بيبى ايمى عامله ايه وعماتى عيد ميلاد الاولاد ولا لسه
علشان ابله الريسه ماتضربنيش عاوزة اقول حاجه مفيدة بس فواتيلى ياست الريسه انا تعبانه نفسيا مع نفسى معرفش عندى ميل للبكاء جامد
يومى ابدتى بصلاة الفجر اللهم لك الحمد بس فى اخر الوقت واللهم لك الحمد بدات قيام الليل من امبارح لانى وعدت ام سوسو انى اكون اول من يمشى على منهاج بيت الحب والايمان صليت وكانت جودى صحيت قعدت على البوتى وفطرت ونمت تانى واخذت شاور لاحياء سنه الاستحمام يوم الجمعه وذهبت الى المسجد بقالى كثير مرحتش وفكرت وانا هناك فى شىءمعين مع الله وبعديها على طول عرفت هعمل ايه رجعت عملت الفطار فول وطعميه بيتى وجبنه وخضراوات
رتبت المطبخ ونشرت غسيل وحطيت الابيض مع الخل وهطلعه كمان شويه واحط الوان نظفت الثلاجه وفضيت تربو البصل ومسحتوا من التراب وشيلت القشر وفرزت السليم البطاطس والبصل ورجعتهم تانى وغسلت الصفايه الى على الحوض بتاعته الاطباق كويس حاجات على قدى لان رجلى رجعت توجعنى الحمد لله على كل حال نورهان اتغيريت معايا بدون سبب وبفت مقطاعنى ومعندانى ربنا الهادى يمكن انا الى حسدتها ربنا الهادى

السلام عليكم
baby_emy
الدولاب عندي عرض تقريبا 45وطول تقريبا مترين وشكرا على اهتمامك
لميا الله يخليكي ويسعدنا جميعا
ام البنات المصريه ربنا يهديلك نورهان وتيبتي يارب على صلاة الفجر وقيام الليل بس ماقولتيش ايه الحاجه اللي قررتي تعمليها

ام البنات... انا عايزة اسميكى ام الاميرات الثلاثه ربنا يباركلك فيهم و يحميهم و سلامة رجلك الف سلامة...بالنسبة لنورهان و اللى فهمته كده انها الوسطى بين بناتك يمكن تكون حاسه بنوع من الغيرة ساعات الطفل اللى فى النص كده بيحس انه وحيد وسط اخواته .....الكبير بيكون البكرى لاهله .........و الصغير بيكون اخر العنقود....و يمكن علشان الفترة اللى فاتت كانت ايه تعبانه و كنتى مركزة معاها و كمان جودى العادى انها تاخد منك اهتمام زايد بحكم صغر السن ...فحاولى انك تخليها تشركك فى اى حاجة فى البيت كنوع من التقارب و ربنا يهدى ان شاء الله

السلام عليكم ان شاء الله تكونوا بخير

ايجيبتي مشاركتك جميله اوي وان شاء الله تخلصي كل الحاجات اللي نفسك تجيبيها

مادو اتبسط اوي انك ظهرتي وهاغلس عليكي علي راي ام سوسو واعتبر اني من اللي نسيتيهم وياريت دايما تشاركي لان كلنا فعلا بنفتقد بعض اوي في وسط الدنيا ديه اللي مبقيتش فاهمه فيها اي حاجه خالص وتعبت منها اوي

مي لو ده الاسلوب المعتاد للتعامل من الانسان ده فغالبا مش هيتغير لو انت عاملتيه بنفس اسلوبه ده لو فرضنا اصلا انك عرفتي تعملي كده وده متهيالي صعب لان التجربه اثبتتلي ان صعب اوي الانسان يغير اسلوبه مهما شاف

ام البنات ربنا يهديلك نورهان يا حبيبتي بس معلش هي فتره كده لسه خارجه من الامتحانات وعايزه تحس بحريتها وان شاء الله ترجع زي الاول واحسن

روشانا الكنافه فعلا شكلها حلو اوي جزاكي الله خير

كل البنات اللي حطوا الروابط كلها مفيده وجميله وحفظتها عندي للولاد وجزاكم الله خير

يا ريت تدعولي ربنا يسهلي في حجز السفر وكمان النت ميفصلش عندي تاني ولو حصل وقطع متقلقوش عليه وانتوا في بالي علي طول وباذن الله يرجع بسرع وتصبحوا علي خير