ام البنات حبيبتي انا عملت ايه ، والله دي نورهان عسل ، انا حبيبتها بجد ، ربنا يباركلك فيها ويحنن قلبها ويرزقك بر بناتك يارب.

صباح الخير يا بنات
قلت لازم اصبح عليكم فى السريع كده ورايا محشى عايز يتعمل وغسيل وتوضيب البيت مع بوادر الم فى زورى ربنا يستر دعواتكم يا بنات
عطر الف شكر ليكى حبيبتلى بس شكلى هاتعبك معايا كتيرفاصل وارجعلك ماشى اوعى تزهقى منى انا بقولك اهو انتى اللى جبتيه لنفسك ههههههه
مادو بنت حلال والله لسه كنت عايزه اسأل البنات عنك افتقدتك كتير يارب تكونى بخير
ميمى حمدلله على سلامة جوزك انا فهمت كلامك بس هارجعلك بعد ما اخلص ارد على رواق
روشانا ورانيا جزاكم الله كل خير على اللينكات
كل البنات بدون ذكر اسماء نظرا لضيق وقتى راجعلكم تانى و بسلم عليكم كلكم وبحبكم فى الله

صباح الخير ان شاء الله تكونوا بخير الحمد لله لحد دلوقتي لسه النت عندي قلت اسلم واطمن عليكوا لكن اكتب مش قادره خالص حالص ربنا يفرج همنا جميعا ان شاء الله
اللهم يا مقلب القلوب ثبت قلوبنا على دينك ، اللهم يا مصرف القلوب صرف قلوبنا على طاعتك

صباح الخير ياحمامات

انا قلت اصبح علي السريع علي شان ورايا مليون حاجة وقلت اطمكو ان الحمد لله بقيت احسن

و نعم بالله ربنا يسهل ان شاء الله و يخليكي يا اماني

ان شاء الله خير انا قررت ما تكلمش ف الموضوع غير لو هو فتحه تاني يا رب ينسي و يشيل الافكار السودا دي من دماغي
و بالمناسبه الدارك شوكلت روحت امبارح السوبر ماركت و مش لقيت اي نوع مكتوب عليه النسبه غير نوع اسمه ليندت
75% و باقي الانواع مكتوب دارك بس مش مكتوب النسبه ممكن تكتبيلي اسم النوع اللي 85% يا انوجي
فكره الخل جديديه و غريبه هجربها علي ضمانتك

عروس
سبحان الله فعلا قصه غريبه اوووووووووي



ام البنات ربنا يشفي ابوكي و الحمد لله ان ربنا نصرك و ربنا يهدي بنوتك ان شاء الله ممكن تكون هرمونات اقعدي اكلمي معاها السن ده عاوز الاحتواء
[


حمد لله علي سلامه زوجك

مي احسن حاجه لو الشخص عزيز علي قلبك تتكلمي بهدوء و تقولي ان الطريقه مش عاجباكي لان ممكن يكون مش واخد باله و ربنا يصلح الحال


مادو لازم تاخدي بالك من الاكل كويس لان كده غلط عليكي كلي بنجر و خس موف و عسل اسود و اكثري من السلطات و الفاكهه
و لازم تروحي تشوفي ايه حكايه الكحه دي غلط خالص الاهمال ده ممكن لقدر الله الحاله تسوء الحقي نفسك من اولها و ان شاء الله تكون حاجه بسيطه

مني
ربنا ييسر لكي كل عسير و يرزقك من حيث لا تحتسبي

زوجه مصريه
وحشانا اوووووووووووووي و واحشنا كلامك يلا تعالي

باقي البنات
لميا و بيبي ايمي و ام سوسو و هايا و شيمو ميرو
صباحكم فل

يومياتي
صحيت من النوم لميت الغسيل و تنيته و عنته و بعدين فضيت الدولاب بتاع محمد بيه و عنت الهدوم الشتوي و روقت الدرفه الصيفي و فرز الحاجات اللي علي مقاسه و اللي لسه عليها ان شاء الله شويه و بعدين حضرت الفطار ليا و لزوجي بيض مقلي و فول و باذنجان و فلفل صعيدي و روقت البيت و السراير و غسلت المواعين و عملت الغدا صينيه بطاطس باللحمه الضاني و رز و اخدت شاور و غسلت مواعين تاني و جبت الدرفه بتاعتي اللي فيها هدوم البيت و البلوزات و البديهات بتاعت البيت نزلتها كان منظرها مرعب و روقت كل حاجه و درفه الفوط بردوه و بعدين اتغدينا و غسلت مواعين الغدا و بعدين نزلت انا و جوزي اتمشينا و محمد الحمد لله كان مبسوط انه خارج و رجعت حطيت السيروم علي وشي و نمت