السلام عليكم ورحمة الله وبركاته
اذيكم يا بنات وحشتونى كتير
متابعاكو ببطء ومكنتش عارفة اشارك
بس فرحت قوى بمشاركة مادو وحشتينا كتير
ويارب يا مادو تكونى معانا على طول وتطمنينا عليكى وعلى البيبى


يبى ايمى انا كمان محمد عنده 7 شهور وعنده اسهال يعنى بيعمل 5 مرات باليوم وبيكون سائل خالص ومتهيألى ربضه السنان
بس ياريت يا جماعة منحلفش بالنبى ويكون الحلف دايما بالله وكفارة الحلفان بالنبى
لا اله الا الله

ايجيبتى مبروك عليكى الحاجات اللى اشترتيها وبالنسبة للدولا انا عندى دولاب الاطفال تقريبا قده بس انا عمالاه 3 قطع واحدة زى اللى عندك وهى رفوف وبيها درجين تحت
واللى فى النص مكتبة تلفزيون والتالتة فيها رف وبعدين شماعة لتعليق الهدوم
وانا عملتهم منفصلين يعنى كل جزء بيتحرك لوحده علشان لما احب اغير ديكور الاوضة
شوفتو بقى العبقرية

البقسماط جميلة فكرتك يا مى بس انا كمان بعمل البقسماط من العبش الايض اللى يتبقى ومش هناكله وبحطله توابل وشوية دقيق بيبقى جميل

ودى تشبيه عجبنى قوى بيبين الفرق بين البنت المتبرجة والمحافظة على دينا ومحتشمة
223982

الرمال الناعمة... الف سلامة على محمد بص يا ستى انا عايزة اقولك ان الاسهال مش بالعدد بس لا بالكمية يعنى ساعات لما اجى اغير لابنى الاقيه محتاج يغير بس الكمية مش كتير خالص فالدكتورة قالتلى انه بنشوف الكميه اد ايه ونحدد عليها خطورة الاسهال يعنى ممكن يعمل خمس مرات بس على بعضهم كده ميجوش مرتين من الكمية اللى بيعملها فى الايام العادية..و ربنا يحفظهولك و يطمنا عليه

صباحو نادي لبن زبادي
ازيكوا يا بنات بجد مش عارفة اقول ايه
انتوا اخلص بنات في الدنيا
الحمد لله ادهم كويس
راحوا بالليل لدكتور تاني
كشف على الولد حته حته من اول العمود الفقري لغاية اصابع القدم
وسال هو الدكتور الاولاني كشف عليه قالوا لا
قال انه للوهلة الاولي بيكون الاشعة مبينه ان فعلا العضمة فيها خلايا مش سليمة لكن بعد الكشف الدقيق قال انه مجرد تكييس دموي او تجمع دموي من كتر الوقعات اللي بيقعها
وان المشكلة ان اوتار القدم هي اللي فيها مشكلة ومحتاجة عمليه لتطويلها
طبعا الحمد لله قضى اخف من قضا
دي حاجة وموضوع الخلايا دي حاجة تانية خالص
الحمد لله.............الحمد لله...............الحمد لله
ربنا يخليكوا ليا بجد انا بتفاءل بيكو
بعد كده اي حاجة هايفة هجري جري عليكوا واقولكوا ادعولي هو انتوا وراكوا غيري
ربنا يستر والموضوع يعدي على خير
هو الولد اصلا شقي خالص وعلطول جري وهبد ويقع
حتى بابا بيقله انت متعرفش تمشي كله جري جري ههههههههههههههههههههه
ربنا يديم عليه نعمة الجري ويكمله شفاه على خير وتكون عمليه بسيطة
على العموم بجد ربنا يجازي كل وواحدة فيكو خير على قد نيتكم
ويا رب يبعد عننا وعن ولادنا المرض الخبيث ده ويعافينا منه يا رب ويحمينا

الف سلامة يا جميل الحمد لله انك طمنتينا عليه ربنا يحميه ان شاء الله

المهم بقى اني بجد اعصابي بقت متوترة علطوول ومبقتش قادرة استحمل اي موقف يعدي عليا علطوول اعيط مش عارفة ليه مع اني كنت بعتبر نفسي قوية معرفش ايه اللي حصلي ولا ده من كتر الضغط والمشاكل اللي بمر بيها
امبارح طبعا مكنتش على بعضي وطول اليوم بلف في الشقة زي المجانين واصلي وادعي ربنا
لغاية بالليل لما جوزي خلص الكورس بتاعة قمت كلمته وقلتله تعالي انا على اخري ومش قاردة ومحتجاك جنبي
قام قالي بطلي خيابة مفيش حاجة انا هتفرج على الماتش واجي
طبعا انا سمعت كده وانهرت عياط
انت مش حاسس بيا مش قلقان على الولد
ماتش ايه دلوقتي بقولك انا اعصابي تعبانه ومش قادرة اقعد لوحدي في القلق ده اكتر من كده
واديها
من اللحظات الكتير اللي بقيت بضيع فيها كل المجهودات السابقة
لمجرد اني مبقتش قادرة اتحكم في نفسي
وقلبت بخناقة
وقلتله انا خارجة اطمن على ادهم
وفعلا فضلت الف بالعربيه لغاية ما كلموني طمنوني على الولد وبعدين روحت
واتخانقنا تاني
وفضل يوقلي انتي بتافوري ومعندكيش ثقة بالله
حد عنده وصفة لتهديئة الاعصاب انا فعلا مش طبيعية
وعلطوول بقيت متوترة وقلقانة
ومش عارفة اتصرف مع جوزي ازاي