ام مريم@سارة
ام مريم@سارة
حاقولكم على شوية معلومات سريعة وسهلة ومفيدة لنا منها حاجات احنا بنعملها بس اوقات مش عارفين فايدتها يالالا ::::

1 - شرب 8 كوب من ماء مهم جداااااااااا كتير بنقول نشرب ونكسل بس تعالوا شوفو فايدته اد ايه اولا بيرطب البشرة داخليا لان جسمك مش حيبقى جاف ثانيا بيدى نضارة للبشرة ومنطقة العين ثالثا بيقلل الوزن ده كلام دكتورة تغذية فى برنامج ان الماء بتقلل يوميا 100 سعرة حرارية وانه مش بيخلى الجسم يخزن الماء الموجودة فى الاكل وتتحول دهون كمان بيشد البشرة وينقى الجسم من السموم اللى تعمل حب الشباب والبقع والبثور كمان بيقلل من السليوليت ويمنع ظهوره كل ده 8 كوبيات ماء لو مكسلة تشربى حطى جنبك زجاجة مياه كمان لو انتى مش بتحبى تشربى الماء مجرد اسبوع حتتعودى انا كنت بقعد باليومين مشربس ماء لما عودت نفسى اشرب 8 كوبيات بقيت دلوقتى خلاص جزء من الروتين اليومى بتاعى كمان الماء مفيدة للكلى بتنظفها ومفيدة للقلب والشرايين ها ياترى حتشربوا ولا ؟؟؟؟؟

2- الحليب احلى حاجة اتنظيف الوجه يعنى لو مش عندك غسول امسحى وشك بقنطة فيها لبن وامسحى كل وشك بينظف المسام وبيشد البشرة كمان مرطب حلو جدا

3 - العسل ماسك تحفة للوجة بيرطب جدا وبيمنع تجاعيد يعنى لو مش عندك وقت للماسكات حطى عسل ربع ساعة مرتين فى الاسبوع كمان العسل للهالات بجد تحفة بس عايز مواظبة وكمان للشفايف تحطيه عليه وتسبيه ينشف بعدها حطى فازلين ونامى حتلاقى الشفايف ناعمة جدا

4 - حل سريع للمسام المفتوحة فى الوجه نشا + ماء ورد بيقفل المسام بالاضافة انه بينظفها

5 - اوقات بنحس ان بشرتنا مش مشدودة يعنى كانها مرتخية كدا اسرع حل ليها ماسك بياض البيضة حطيه لمدة ربع ساعة حتحسى ان وشك بيتشد وفعلا بعدها بيبقى وشك منور

6 - وشك لو بهتان او كنتى تعبانة ماسك الزبادى حلو اوى للبشرة ربع ساعة حتلاقى نظافة ونعومة وممكن طبعا تضيفى عليه عسل

7 - لو عينكى تحتها مورمة او لو رجعتى من برا وشك حاسة انه سخن حطى ثلجة ومرريها على وشك طبعا بيشد البشرة وبيخليها نضرة جدا وبيشيل الانتفاخات تحت العين

8 - لو رجلك او ايدك بتحسى انهم خشنين حطى زيت اللوز عليهم دايما بعد الوضوء بعد كذا مرة حتلاقى بشرتك انعم بكتير

ديه حاجات سريعة حبيبت ابتدي معاكوا بيها وكلها مجربة
ام مريم@سارة
ام مريم@سارة
اكل مكان فى الجسم مفروض نشوف ايه المناسب ليه عشان نشيلة مثلا زى :::

شعر الوجه :: افضل حاجة الفتلة لان السويت مممكن بعد التكرار تعمل ترهل للبشرة والشمع مناسب لبشرة وغير مناسب لبشرة تانية لانه اوقان بيعمل التهابات

شعر الابط :: السويت فعلا احسن حاجة لانها حتقتل وتشيل كل بكتريا موجودة فى المنطقة غير ان حديث سيدنا محمد اتكلم على النتف فى منطقة الابط

شعر البطن :: هو بيكون خفيف ممكن اما يتعمله تشقير او لو حابة تخلصى منه يبقى سويت وتانى مرة لما حيطلع حيبقى عادى مش كتير ولا حاجة بس انا عن نفسى احب انى اشيله احس انه شكله احلى

شعر الظهر ::: احسن حل ليه التشقير لانه بيكون خفيف جدا وقليل ولو مرة عملتى سويت فيه حيطلع فعلا اتقل وممكن يعمل حبوب كمان مين اللى حيفضل كل مرة يعملك ظهرك اما التشقير اسهل وممكن كمان لو مش باين مش محتاجة تعملى فيه خالص وده الافضل

شعر الايد والرجل :: طبعا عندك السويت وعندك سيلك ابيل والشمع

شعر المنطقة الحساسة ::: ديه اكتر حاجة فعلا متعبة وشاغلة كل تفكيرنا طبعا كتير بيقول الشفرة احسن حاجة عشان حديث سيدنا محمد وناس بتقول السويت عشان تنظف ايه بقى الاحسن ؟؟؟ تعالوا نجاوب عليه

احنا كدا اتكلمنا على انواع الشعر وطرق ازالته .. طيب نيجى بقى لكل حاجة من الطرق ونشوف هى مناسبة ولا وايه احسن طريقة وايه عيوبها

اوزل حاجة الفتلة للوجه معظم الحالات ملهاش اضرار غير ان تكون البشرة نوعها حساسة اوى لاى حاجة واللى حتبقى بشرتها من النوع الحساس اوى لدرجة انه مينفعش معاها ولا فتلة ولا شمع ولا حتى تشقير يبقى مفيش غير الليزر لانه ساعتها حيريحها عن وجع الدماغ ده
طيب لو الفتلة استخدميتها تعملى ايه بعدها ؟؟؟ اغسلى وشك بماء باردة وامسحى بعدها بماء ورد عشان تقفلى اى مسام مفتوحة وبعد كدا تحطى مرهم فيوسيدين ده مضاد حيوى للحبوب تحطية مرتين فى اليوم لمدة يومين حينشف ويشيل ويمنع ظهور اى حبوب بعد الفتلة كدا ان شاء الله مش حتلاقى اى مشكلة فى بشرتك ومع تكرار مش حيطلع حبوب ولا حاجة بس المهم تختارى الوقت الصح للفتلة يعنى متجيش ايام البريود ولا قبلها بكام يوم تعمنلى فتلة لان طبعا اصلا البشرة مجهدة ومطلعة حبوب لوحدها الفتلة ساعتها حتزودها جدا

سيلك ابيل "" سيلك ابيل مناسبة لكل الجسم لان فيها قطع كتير منها النتف ومنها الحق زى الشفينج ومنها كمان للوجه هى طبعا احلى ميزة فيها انها سريعة جدا يعنى جسمك مش حياخد اكتر من نص ساعة وطبعا غير النظافة يعنى ولا حاجة بتسيح ولا كلام ده كمان بتشيل الشعر القصير وتنفع اوى فى الزنقات وفى اول الجواز خاصة ان اول الجواز الشعر حيبقى قصير اوى ومفيش وقت للسويت وكلام ده
بس سيلك ابيل عيبها انها اوقات تخلى الشعر يطلع خشن او تعمل حبوب وده ممكن يكون عشان استخادمها غلط يعنى هى مفروض زى السويت تكون عكس نمو الشعر وتكون ماسكها بشكل واقف يعنى زواية 90 غير كدا بتقصف الشعر وطبعا حيطلع خشن وتقيل .. حكاية الحبوب اوقات تعمل حبوب بنية فى الايد وتخلى زى مسام الجلد وجذور واضحة وده شوفنه فى كتير من بنات انا عن نفسى جبتها من شهر استخدمتها مرة واحدة بصراحة حسيت انها مش اوى يعنى فعلا السويت احلى كمان عيب سيلك ابيل مش بتعنم الجلد لانها مش حتشيل خلايا ميتة بالتالى الشعر بيطلع مش ناعم بس طبعا فى ناس سيلك ابيل تحفة ماشاء الله معاهم عشان كدا بقولكم ده مش تعميم ده تجربة ناس بس مش كل الناس اللى ينفع معاكى ممكن مينفعش معايا وهكذا

طيب التشقير للبطن او الظهر بسيط ومفهوش مشكلة بس اختارى نوع نشقير حلو وجربى حنة صغيرة على ظهرك وشوفى مرتاحة ولا وعامة التشقير مش حتعمليه كل اسبوع يعنى لو مرة فى الشهر اذا كان الشعر خفيف حيبقى حلو ومناسب

الشمع او شرائح فيت هى بقى مختلفة من بنت لبنت بنات طلعت معاهم تحفة وبنات طلعت عادية يعنى مقدرش احكم عليها واوقول وحشة او حلوة

السويت بقى بجد هى انظف واحلى حاجة للايد والرجل والابط اولا بتنظف جدا وتشيل كل خرلايا ميتة الشعر بيقل ويطلع اخف والجسم يفضل ناعم بتدى بياض وتفتيح للجسم مع التكرار تخلى جذور الشعر اخف ومش تقيلة
مشاكلها الحبوب او اى التهاب بس ده مؤقت يعنى ساعة وتلاقى جسمك بيرجع طبيعى والحبوب حلها حنقوله كمان شوية بس عن تجربتى السويت تحفففففففة

الشفرة :: طبعا محدش بيفضلها عيوبها كتيرة عكس كل اللى قولناه فى السويت خشونة وشعر خشن وبشرة خشنة وشعر سريع وحكه وحبوب وسواد ميزتها وحيدة انها تشيل بسرعة بس لو على السرعة خلينا فى سيلك ابيل
طبعا فيه شفرات نسائية زى فينوس جيليت جبتها وجربتها فى منطقة حساسة ولا تفرق حاجة عن الشفرة رجالية نفس النظام خشونة وحكة وشعر خشن ومنطقة زى الذقن كدا

طيب المنطقة الحساسة ايه حلها ؟؟؟
للاسف مفيش غير السويت بقول للاسف لان بنات كتير تخاف وتعب اتها تعمل سويت فى منطقة ديه بس فعلا عن كل البنات اللى شوفتهم وعن تجربتهم طلع ان انظف حاجة السويت يعنى الكريم وحش ومسود وكمان ده حاجة كيميكل مينفعش نحطها على منطقة حساسة.. الشفرة وحشة جدا سواء رجالية او نسائية يعنى الشفرة بتخلى الشعر خشن وملمس البشرة زى ذقن الرجل غير السواد وحكة وانه يومين ويطلع بس ناس تقول ان سيدنا محمد قال حلق العانة وناس قالت حديث موجه للرجال والله اعلم وسيلك ابيل النتف بتوجع فى منطقة ديه اكتر من السويت يعنى السويت ارحم والشمع خطر لانه كله كيميكل مفيش غير السويت انها فعلا تنظف جامد وتشيل كل البكتريا وتقلل نموه ويطلع بعد فترة بس مشكلة فى حاجتين :::
الالم والوجع وخاصة لكل بنت تكون اول مرة تعمل
الترهل ناس قالت بيعمل ترهل وناس قالت لا عادى وامهاتنا عايشين مفيش ترهل ودكاترة قالوا بيقتل الاعصاب وبالتالى تعمل برود جنسى

انا نفسى محتارة بس ممكن يبقى الحل جامع بين السويت والشفرة فى نتطقة حساسة

وممكن الحل يجمع بين السويت وسيلك ابيل فى باقى الجسم

يعنى ممكن تعملى سويت فى منطقة حساسة من فوق عند الجبهة وكل منطقة البكينى ومن جوا بس تيجى على منطقة الشفرتين تعملى بالشفرة عشان متترهلش وعشان خلايا عصبية اللى فيها تفضل زى ماهى والشفرة فى جزء ده مش حتبقى ملحوظة اوى يعنى الشعر مش حيطلع خشن بمعنى الكلمة يبقى كدا انتى عملتى سويت وجيتى على منطقة ديه عملتى شفرة

طيب باقى الجسم لو انتى مستعجلة والشعر قصير او فى اول الجواز حقولك سيلك ابيل وخلصى نفسك بس لو ايام عادية او الشعر طلع طويل شوية وتقدرى تشليه بالسويت يبقى شيلى بالسويت كل جسمك وريحى نص ساعة وهاتى سيلك ابيل مشيها يسرعة على جسمك مرة واحدة عكس اتجاة الشعر عشان تشيلى الشعر القصير او اى باقى شعر موجود كدا حيبقى السويت نظفت وطلعت الشعر من جذورة وكمان سيلك ابيل خلصت الشعر القصير حتقولى ده ممكن يبعمل التهاب للبشرة حقولك جربى مرة على ايدك تعملى كدا وشوفى بس انتى كدا كدا مش حتمسكى سيلك ابيل وتمشيها كتير على جسمك مجرد تركزى على الشعر القصير كدا حتاخدى نعومة السويت وتخلصى من الشعر القصير اللى بسيلك ابيل

طيب نيجى بقى سواء حتشيلى الشعر باى طريقة اعملى قبلها حمام مغربى او سكراب ليه ؟؟
عشان تفتحى كل مسام وتخلى الشعر اللى تحت الجلد بيطلع وباالتالى لما تيجى تعملى سويت او غيره يبقى مفيش شعر يتقصف ولا يطلع تحت الجلد طبعا حمام مغربى يبقى قبلها بيوم عشان البشرة ترتاح شوية ولو سكراب قبلها بساعتين ولو مش عايزة تعملى ده ولا ده ابسطها خدى دش ماء دافى عشا ماء الدافية بتفتح المسام

بعد ما تخلصى ازالة الشعر عندك 3 حاجات تحطيهم يقللوا الشعر وكلهم عن تجربة
زيت الزيتون بيقلل الشعر ويضعف اليصيلة وكمان بينعم جدا الجلد وبيرطب ويدى لمعة بسيطة للبشرة

نبات السعد اما تجيبيه على شكل اعشاب شبه نعناع وتغليه فى ماء سخنة وتاخدى ماء بتاعته وتحطيها على كل جسمك لمدة 3 ايام وراء بعض او تجيبه كريم جاهز موجوزد فى منتجات العطارة وشركات حاجات الطبيعية زى اصالة فى مصر

او الترمس المطحون تحطى منه ملعقة على كوب ماء وتخليه يغلى وتصفيه وتاخدى ماء بتاعته تدهنى بيها كل الجسم بردو 3 ايام وراء بعض بس عيبه ريحته وحشة

انا جربت 3 انواع وكلهم بيقللوا الشعر بس ارتحت مع زيت الزيتون لانه فعلا بيرطب وينعم

بالنسبة الحبوب اللى بتطلع لو انتى عارفة ان جسمك حيطلع حبوب يبقى حطى مرهم فيوسيدين او اى مرهم زيه مضاد حيوى للحبوب حينشف الحبوب ديه او ممكن تحطى ماسك نشاء مع ماء الورد بردو بيقفل المسام

لو حافتكر حاجة تانى عن نفس الموضوع حاكتب عالطول لانى فيه حاجات تانية بس مركزة دلوقتى
um susu
um susu
السلام عليكم ورحمة الله وبركاته

حبايبي الحلوين

وحشتوني واليوم كان النت عندي فاصل من الصبح ، قرات اللي فاتني والحمد لله .

كنت عاوزة ارد عليكم واحدة واحدة بس المشكلة زوجي عنده شغل على النت.

بحبكم في الله .
memsi
memsi
وحشتونى جدااا وكل اللى اقدر اقوله لكم ادعولى لانى فى حالة نفسية سيئة وربنا يعلم بالى انا فية ...عارفه ان اكيد كثير من حبايبى زعلانيين منى بس بجد والله بتكسر من جوايا وربنا اللى عالم مش طالبه منك غير تدعولى ربنا يفرج همى ويعنى وادعولى بالاخلاص وبس فى امان الله ايمان
وحشتونى جدااا وكل اللى اقدر اقوله لكم ادعولى لانى فى حالة نفسية سيئة وربنا يعلم بالى انا فية...
مادووو

فرحت اوى برجوعك لينا وزعلت عشان سايبة نفسك كدة لازم تعالجى الكحة عشان متعبة في الحمل اشربي حليب بالزنجبيل طعمه حلو وكويس للكحة

واذا كان على الدلع احنا ندلعك هو في كم مادوو عندنا واخبار بنتك ايه وعاملة ايه معاكى في الحمل

ومعلش ما تزعليش من بابا

اعملى مصحف لك لوحدك ومصلية لك انتى بس حطيهم في اوضتك يعني شوفي اسباب الخلاف وتجنبيها وربنا يعيننك ويقويكي


ايجيبتى

مبروك اللوك الجديد للاوض وعقبالى اوضتى ههههههه


لميا

شكلى هاسحب اللقب عشان لسة بتضربي الولاد بجد لازم تمسكى نفسك

و فيميل كل يوم هتسالك خلاص


فيميل

عاملة ايه والولاد اخبارهم ايه معاك

ام يوسف

اخبارك ايه وازى الولاد وعاملين ايه في الحر؟

ام سوسو

ازيك واخبار يومياتك مع البنات ايه احكى لنا



امانى

انا مع رايك برده ونجرب مش هنخسر حاجة ما احنا على طول بنطنش



ايمان قلقتينا عليك

ربنا يفك كربك ويفرج همك ويجعل لك من كل ضيق مخرجا ويرزقك الاخلاص في القول والعمل
memsi
memsi
منى الرمال

ازيك كنت غايبة ليه ؟؟؟

رونى

الف سلامة على عمرو طمنينا