يومياتي
عملت كيكه عادية بسرعه و رشيت ع الوش جوز هند قبل ما ادخلها الفرن
و طلع طعمها حلو و لطبف و جزء سقيته بشربات فاضل م المشمش
دي نتيجه افتكاسات ميرووووووووووووووووووو
مهروشه في دماغي اليومين دول و نفسي اتعلم التطريز بالخيط و نزلت الملف على الجهاز و نفسي اشتري
خيط و قماش و اتعلم الغرز هههههههههههههه عبيطة صح
امتى ؟؟؟؟؟؟؟ مش عارفه

اه اختكوا انجي في التمرين هي و اللاسع و مقطع نفسه عياط و عمال يقوللها باحبك يا مامي و مش باحب البيسين
لئييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييم
ههههههههههههههههههههههههههههههههههه
يالله سلامات

يا رب يخليكي يا اختي و يجعل بيت المحسنين عمار ههههههههههههههه
:42:
ربنا يخليكي يا جميلة
جدعة زي ما انجي بتقول عليكي

لميا
لا بطلي تحطي انتي السلك و تتشعلقي لازم تحسسيه انك انثي

مادو
حبيبتي كلنا كده عاوزين اللي يطبطب علينا و يدلعنا علشان نتشحن و نقدر نكمل بس تقولي لمين بقي بس احنا موجودين مع بعض علشان نهونها علي بعض
روني
سلامه عمر الف سلامه عليه طمنينا لو سمحتي ربنا يشفيه ان شاء الله

ميوي
سلامه جوزك و ابنك الف سلامه روحت ادور علي اللعب لاستاذ محمد مش لقيت اللي بيطلعوا نور دول بس جبتله شوخشيخه بيحبها قوي و عجباه و جبتله عضاضه كمان و كوره صغيره بس مش عارفه اجيب ايه تاني

ام البنات
مالك يا هدي يا حبيبتي طمنيني عليكي يا رب تكوني احسن استغفري كتير و ان شاء الله خير

شيمو
البت اخت جوزي كانت بتعمل حركات من دي معايا و كنت بتغاظ و بطق من جنابي كمان و جوزي يقولي عيله مش فاهمه اقوله يبقي تحترم الكبير بصي انا بقي عملت ايه
مره عملت كده و انا و هي لوحدنا لان الموضوع كل مدي بيزيد و محدش هيوقف معاكي قمت اديتهوملها و قولتلها محبش تتكلمي معايا بالطريقه دي مره تانيه و الا متتكلميش و مره ف مره و الحمد لله الي حد ما اتعدلت



يومياتي
صحيت الصبح عملت تفاح مسلوق و ضربته لمحمد و حضرت الفطار لجوزي و اكل محمد و رتبت السراير و غيرت للاستاذ محمد و غسلت مواعين الفطار و نزلت و بعدين رجعت اخدت شور ف السريع و عملت مكرونه بالتونه و سلطه و طلعت لحمه مفرومه و تبلتها و حطيتلها البصل و الفلفل و البقدونس علشان تاني يوم اتغدي حواوشي و استاذ محمد شغال عييط و صريخ كنت ناويه اعمل كيكه بس مش لحق و بعدين غسلت المواعين و اتغدينا و غسلت الكام طبق و بعدين محمد بيه مش عاوز ينام و شغال زن و بعدين حضرت العشا و نمت علي 1 و نص كده من 7 الصبح صاحيه بس

كنت عاوزه اسال عن حاجه مهمه لما فتح مثلا علبه الماشروم و استخدم جزء الباقي احطه ف التلاجه و لا اعمل ايه بليييييييز رود عليا

أنا بحطه في التلاجة تاني وعلي وشه شوية زيت
بيحفظه وميخليهوش يبوظ بس يستحسن تستعمليه علي طول
أتمني أكون أفدنك

ازيكم يا بنوتات ايه رايكم نهاردة نتكلم على العناية بالقدم

اوقات كتير نهنتم بالبشرة والجسم وبجد ننسى القدم اخرها معانا ماء وخلاص وبعد فترة نفتكرها نلاقى القدم مش حلوة ونقول ليه حصل كدا
ونطلع نجرى على كوافير نعمل باديكير وتواظبى مرة وتانى مرة تكسلى وترجعى تانى تنسى رجلك وهكذا وهكذا
بس فعلا لو تلاحظوا ان لو رجلك شكلها حلو بتحلى منظر عام شكله حلو يعنى بتخلى احساسك انك كلك انوثة عشان كدا لازم نهتم بيها

خلينا واضحين اننا لو روحنا مرة نعمل باديكير تانى مرة حنكسل صح ؟؟؟ عشان كدا خلينا نهتم برجلنا فى بيوتنا ونخليها جزء من اساسيات اهتمامنا بنقسنا
والطريقة بسيطة اوى وسهلة مش محتاجة تحسى ان موضوع كبير بس محتاج تعود مش اكتر ؟؟؟ تعالوا نبتدى ؟؟؟؟

الاول اول مشكلة ممكن تبقى موجودة اسمرار الاصابع واحيانا لون الاظافر بيبقى مش فاتح وده بسبب حاجتين

اسمرار الاصابع يبقى بسبب الماء انك مش تنشفى رجلك كويس بالتالى كتر الماء بيخلى فى سواد فى الاصابع
يبقى اول حاجة لازم تهتمى جدا بتنشيف الرجل كلها وخاصة عند الاصابع وبين الاصابع لان اوقات الماء بتعمل التهاب بين الاصابع نتيجة بكتريا ولو حصل كدا يبقى انتى محتاجة مرهم مضاد حيوى وطبعا ده دكتورة جلدية اللى تقولك عليه

اوقات يبقى لون الاظافر مش فاتح يبقى لونه غامق وده بردو بسبب عدم الاهتمام وكمان اوقات بيبقى تحت الظفر فيه فطريات وبكتريا بتخلى شكل اللون غامق وده بردو محتاج دكتور جلدية عشان تاخدى مرهم مناسب يخلصك من الفطريات ديه

طيب اسهل حاجة عشان ترجع لون الاصابع والاظافر للونها بعد ما عالجتيها من اى فطريات او لو مكنش عندك التهاب او فطريات بس السواد نتيجة الماء وعدم الاهتمام يبقى
الليمووووووون

كل يوم امسكى ليمونة وامسحى بيها على صوابعك كلها وتسبيها تنشف وبعد كدا اغسليها بماء عاجية ونشفيها كويس بعد اسبوع حتشوفى الفرق وعلى فكرة ديه وصفة سهلى تاخد منك دقيقة واحدة يعنى مفهاش كسل اوك ؟؟؟

نيجى لمشكلة تانية انك كعب الرجل فيه تشققات وانه خشن واواقات فيه كالو ده حله مش حيبقى بمرة واحدة ده محتاح انك تلتزمى بطريقة فى الاهتمام برجللك مرة كل اسبوع او مرتين


الطريقة هى طريقة باديكير بس بشكل بيتى سهل


الاول اعملى ده مرتين فى الاسبوع لغاية مارجلك تبقى كلها انوثة وبعد كدا خليها مرة ماشى ؟؟

الاول حنجيب طبق كبير بلغة مصريين كروانة بلاستيك ونحط فيه ماء بملح وتكون ماء دافية مش باردة عشان الدافية بتهدى وتريح الجلد اكتر بتطريه والملح بيطرى بشرة الرجل عشان تقدرى بعد كدا تكملى الباديكير كمان الملح منظف للبشرة يعنى بيخلصك من بكنريا كانه غسول .. تسيبى رجلك لمدة ربع ساعة

نشفى يالالا رجلك كويس زى ما اتعودنى وتجيبى الحجر الاسود او المبرد بتاع الرجل او الحجر الخفيف بس فعلا الافضل الحجر الاسود حتلاقيه فى محلات التجميل والعطارة ورخيص جدا

وحتبتدى بالحجر تفركى كعب رجلك وكل رجلك من تحت وتركزى على الكعب لغاية ما تحسى ان لون رجلك بقى وردى وتحسى ان ملمس كعبك بقى انعم .. طبعا هو فايدة الحجر ايه ؟؟؟
اولا بيشيل كل خلايا ميتة اللى بتعمل خشونة فى الكعب وبالتالى حتخلصى من طبقة الخشنة وتلاقى طبقة ناعمة تطلع
ثانيا بتنشطى دورة دموية وبكدا الدم حيتجدد وتلاقى لون الكعب وردى
ثالثا لو عندك كالو او اى حاجات صغيرة بارزة فى باطن الرجل الحجر مع ماء وملح حيذوبها مرة بعد مرة ..كدا خلاص من الحجر

حتبتدى تقصى اظافرك وتحاولى تقصيها الاول من نص الظفر وتكملى عشان يطلع شكله مستوى ميبقاش جزء من الظفر اطول من جزء ولو مش بتعرفى تعمليه كدا مرة بعد مرة حتتعودى

تجيبى مبرد بتاع الظوافر وتبردى صوابعك عشان تبقى متساوية ومتبقاش حادة فيه انواع من مبرد يبقى فيه جزء لتلميع الظوافر ودهخ موجود كتير فى محلات التجمبل ورخيص يبقى جزء مبرد للاظفر زجزء ملمع الاظافر ده اعملى بيه اظافرك عشان يشيل بردو طبقة الخشنة الغامقة من فوق


كدا انتى قصتى ظوافرك وعملتيها بالمبرد ولمعتى ظوافرك بعد كدا حتجيبى مبرد بيبقى مخصص لتنظيف الجلد اللى بين الاصابع لو مش عندك هاتى مبرد عادى اللى بيبقى فيه زى جزء حاد من قدام زى سن كدا وتنظفى بيه بين الاصابع حتلاقى كل جلد ميت بيطلع معاكى

بعد ما تخلصى كل ده نظفى رجلك بالفوطة عشان تشيلى اى بقايا من خلايا او الاظافر مكان القص وكدا

وتيجى بقى للترطيب لانه يعتبر نص مرحلة اللى فاتت انتى خلاص نظفتى لازم بقى ترطبى


زى ما اتفقنا لو انتى حتعملى مرتين فى الاسبوع خليها مرة ماسك طبيعى ومرة يبقى كريم جاهز

نيجى للماسكات ميزتها طبعا طبيعية وتنظف وتنعم وتغذى الجلد لان بطبيعة الرجل خشنة لازم نرطبها عندك
زيت اللوز لوحدة تهدنى بيه رجلك وتسبيه من غير غسيل
زيت اللوز + ماء ورد + ليمون ده بيرطب وبيفتح
جلسرين سائل + ليمون وده من وصفات اللى فعلا بتنعم وتفتح جدا

طيب تانى مرة حتجربى كريم جاهز عندك انواع كتير
كريمات مخصصة للقدم من ماركات كتيرة
فازلين روعة
كريم جليوسليد او ممكن يتضاف عليه زيت اللوز او الليمون

سواء كانت ماسكات او كريمات تسبيها على رجلك من غير غسيل يعنى بعد رجلك ما تمتصه البسى شراب عشان يقفل ومسام تتفتح وتستفاد البشرة اكتر بس ممكن تكونى مش بتحبى الشراب زى حالتى خلاص مش لازم تلبسيه بس خلى رجلك شوية تتشرب الكريم او الماسك قبل ما تتحركى

كدا النتيجة بجد حتبقى حلوة وحتعجبك ةبعد كام اسبوع انتى بنفسك حتشوفى الفرق


كمان وانتى لما تحطى كريم او الماسك طبعا بيتحط على كل الرجل والاصابع وكله حاولى تعملى تدليك بسيط زى مساج للرجل بمجرد حركات بسيطة بايدك على الكعب وعلى الاصابع عشان تحركى دورة دموية ويمتص اكتر كريمات

لو بتخرجى وتلبسى صندل مفتوح يبقى لازم تحطى صن بلوك على رجلك قبل ما تطلعى فى الشمس عشان الشمس حتخلى لون رجلك جزء فيه غامق وجزء افتح ويبقى مفيش لون موحد للرجل

لما ترجعى من اى مشوار وحاسة ان رجلك مرهقة حطى رجلك فى ماء دافيه واو شاور حطيه فيه وخلي رجلك فيه ربع ساعة تريح الجلد ويشيل التعب كمان الاحلى من الشاور انك تحطى زيوت اللى بتهدى وتريح القدم زى النعناع او البابانوج هاتيهم من العطار وحطى منهم كام نقطة على ماء دافية وسيبى رجلك فيها وكل ما تحسى ان رجلك ناشفة حطى كريم عليها عشان تبقى رطبة اكتر لان الحر والصيف بزود الخشونة