انتي فيننك مش ليه ان احبك في الله اتمني ان اكون ختا لكم ججمععا ايهاالصحبة الصالحة احبكن فيي الله

[

ازيكم يا بنات عاملين ايه انا شايفه ان الملف اصبح حزين مش عارفة ليه بس ربنا فرجه قريب و ما بتضيق الا لما بتفرج...و عايزة اقول لاى واحدة عندها مشكله او تعب نها تحاول تدور على اى حد عنده تعب اكبر و مشاكل اتقل هتلاقى نفسها بتحمد ربنا على اللى هيه فيه و ربنا يطمنا عليكم كلكم ان شاء الله

عروس........فينك يا جميل مش باينة امال لما هتنزلى مصر الملف هيكون شكله ايه...مطوليش علينا
ام البنات........ حبيبتى بجد لما بقرا الكلام بتاعك ساعات بحس انك بتكتبيه و انتى بتعيطى مش عارف ليه ..ربنا ييسر لك امورك ان شاء الله و يباركلك فى الاميرات التلاتة
ام مريم و سارة.........موضوعك شيق جدا و خطواته سهلة اوى بارك الله فيكى
ام سوسو.........اخبارك ايه يا جميل
ميمسى.......الموقع جميل اوى جزاكى الله كل خير
لميا........انا مش هقولك متضربيش الولاد بس هقولك فكرى كده لما بتكونى رايقة شويه و تبصى فى عيون ولادك و تشوفى ابتسامتهم اد ايه حلوة و شوفى دمعتهم بتتعبك اد ايه يمكن ساعتها هتفكرى قبل ما تضربيهم
رونى ........الف سلامة على عمرو ابقى طمنينا
ام يوسف........مختفيه ليه مش باينة
عطر الشموع انوج ....... انتى منين من اسكندرية
كنزى..........الف سلامة عليكى و ربنا يطمنا عليكى ان شاء الله
ام ياسين.......برنامج رمضان حلو اوى ربنا يبارك فيكى
ايناس يوكى .... انتى فين
امانى 61......حبيبتى سجلى فى الموقع هتعجبك البرامج اللى فيه
مرمر البتول , ماما زوزو ,رانيا سبانش , الرمال الناعمة , وردة مفتحه سلام كبير علشانكو

ا
يومياتى
بجد انا زهقت من الاكل فقررت اعمل باذنجان مقلى و سلطة خضرا و قليته بالدقيق و طلع تحفة و لميت الغسيل و نظفت الحمام و غسلت البلكونة علشان الولاد بيقعدوا فيها و رحت عند بابا غسلت برده و نشرت و روقت كده على السريع علشان عمر كان جعان و مكنتش مجهزة حاجة معايا فروحت بسرعه و حميت الولاد و اكلت عمر و نام و بعدين صحى الساعة 3 عايز يلعب و يعيش حياته و بس خلاص

السلام عليكم و رحمه الله و بركاته

ازيكم يا بنات

انا حاسه الملف مكتءب خالص بقاله فتره و سبحان الله انا بقالي كتير عايزه افكركم بموضوع حفظ القراءن

كنا اتكلمنا زمان و حطينا لينكات كتير لمنتديات فيها تحفيظ و حلقات كتير

عايزه احكيلكم علي قصه واحده معانا هنا في جروب المسلمات في اليابان حفظت القراءن في شهرين!!!! كاملا ما شاء الله في دوره اسمها دوره الحفظ المكثف

و كانت في مره بتحكي معانا علي الموضوع ده و اقترحت اننا نعمل جروب اسمه عاليات الهمه في اليابان علشان نحفظ فيه القراءن و نسمع لبعض كل يوم اي كميه احنا نقدر عليها

و عملنا مجموعات بمواعيد مختلفه

الفكره ان مفيش حاجه اسمها معندييش وقت احفظ و الدليل ان البنت دي كانت بتحضر الماجستير بتاعها هنا و عندها 3 اولاد ما اشء الله اكبر عليها

و كل فتره نعمل حفله علي الياهو للخاتمات

و الله حياتنا كلنا و انا اول واحده اتغيرت و اصبح فعلا المصحف لا يفارق ايدنا يعني في المطبخ في العربيه عند الكمبيوتر في الشنطه في المواصلات ميبقاش لاء لما اطبخ الاكل ابقي احفظ او لما اعمل مش عارف ايه للولاد ابقي احفظ لاء بقي الحفظ هو الاساس و سبحان الله من غير تعقيد خالص و لا اي حد في البيت من الازواج او الولاد حاسس باي تغيير

في ناس ماشاء الله ختموا و ناس في النص و ناس لسه في الخمس المهم الاستمرار

الفكره تاني و تالت و عاشر مره ان مفييش يوم يعدي من غير ما نحفظ و لو 5 ايات و ندخل نسمعهم في الحلقه

الدعوه مفتوحه للكل اللي عايزه تشارك اهلا و سهلا و تبعتلي ان شاء الله

جازاكم الله خيرااا

السلام عليكم ورحمة الله وبركاته

اختي الحبيبة رانيا سبانيش.

جزاك الله خيرا على كل كلام وما شاء الله على مشاركاتك معنا. انا كل ما احضر محاضرة الاحكام والحفظ ادعي لك لانك دليتيني على هذا الطريق ، كان دائما عندي نية احفظ شوية بس صراحة اتكاسل واترك ولكن مع المجموعة الحفظ غير .
وخاصة مجموعتي صحيح عددنا قليل احنا 4 فقط ولكن الحمد لله المعلمة اليوم قالت لنا اننا نعادل اربعين والفضل لله.
ادعوا الله ان يثبتنا ويعيننا على الحفظ.

المحاضرات التي باحضرها ليست فقط احكام ومادة علمية جافة بينما فيها كتير من الروحانيات والدعاء واحساس القرب من الله .

اللي ما انضمت من الاخوات لاي مجموعة ، ابحثي عما يناسبك ولن تندمي والله.
كل فترة هناك حلقات جديدة. سهل الله امورنا جميعا ويسر لنا حفظ القران ونور بالقران قلوبنا وصدورنا يارب.