الهارده عملت عمايل مش طبيعيه حاسه انى دخت من التعب البلكونه الكبيره وركزو على كلمه كبيره كلها كتب البيه بتاعى من اولى ابتدائي لحد الماجستير كراتين كراتين قمت الصبح بدري وفرزتهم ولسه مخلصه من شويه طلعت كميه كراتين وكتب وتراب وربنا والله قوانى وسهلها وهدى محمد وقعد يتفرج على الكرتون وسابنى اخلص البلكون اتغيرت بقت حاجه تانيه خالص
خلصت ومس حت الصاله وناديت البواب شال الكراكيب
وبعدين عملت الغدا عملت فراخ محمره وشوربه لسان عصفور حطيت عليها كل انواع الخضار كوسا وبطاطس وجزر وفاصوليا وبسله وكترت البصل وبس اى عك علشان الريجيم وعملت صنيه فاصوليا في الفرن وسلطه خضرا


امبارح بقى قمت لقيت المطبخ فيه كميه صراصير غير طبيعيه وقفت في النص وجالتى حاله صدمه وربنا وقفت مذهوله قعدت انادى على البيه بتاعى طبعا كان نايم علشان يجيب ريد او فليت المهم مرضيش يقوم قمت سميت ربنا وبدات اضف حته حته عملت خلطه جبت ديتول وكلوركس وحبه جاز صغيرين وميه دافيه كله على بعض ورشيت لما قلت بس ونضف المطبخ وقلت الصراصير مع انى بنضف المطبخ يوميا وبخليه فله بس مش عارفه اعمل ايه مع الصراصير الصغيره اوى دى والنمل الكبير اوى ده هاجم على البيت بطريقه غريبه ومافيش حاجه نافعه معاهم لارش ولا بودرة ولاطباشير ولاعجينه لوحد عنده خبره في الموضوع ده يدلنى

تنظيف وتنظيم
http://forum.hawaaworld.com/showthread.php?t=1671597

السلام عليكم ورحمة الله وبركاته
فين الدعاء يا كسلانين
اللهم إنى أعوذ بك من ضيق الدنيا وضيق يوم القيامه
جزاكم الله خيرا على دعواتكم لعمر الحمد لله اخد حقنه
خففت الترجيع والدكتور كتب له ادويه وقالى ممكن من الجو
مش شرط الاكل
نظفت البيت تنظيف عميق وغسلت الحمام سريع لان امس
نظفته سريع غيرت نظام الصاله تماما وغيرت السجاد بيفرق
جدا فى النفسيه رتبت المطبخ سريع لكن مش عميق
ارتاح معاكو شويه وبعدين اكمل
ام يوسف عقبال مية سنه لروما وان شاء الله تشوفيها عروسه جميله
وكلنا نساعدك فى فرحها استمرى على شعارك الجميل لا للنكد
موضوع الشقه رزق ولها يوم معلوم عند الله هونى على نفسك ورزقك حا يأتى
فى ميعاده بلاش تفتحى الموضوع مع زوجك حاليا وابدأى اعرفى الاسعار
ونظام التقسيط واستقرى على حاجه وبعدين افتحى معاه الموضوع
وحطيه امام الامر الواقع الشقه موجوده ونظامها كذا اسهل ما كل اسبوع خناق
على حاجه مش موجوده يعنى لو شاف شقه قدامه جاهزه واقساطها ناسبه حا يغير رأيه
مى الولد طبيعته غير البنت بيحب يستقل بشخصيته شجعيه على كده
يعنى دايما خلى الامر عنده اختيارى تحب تلبس ده ولا ده
تاكل ده ولاده الموضوع ده حا يسعده وانه بيعمل ال على مزاجه
وانه له حرية الاختيار لكن طبعا هو اختيارك فى الاساس
يعنى حا تعملى ال انتى عيزاه لكن باختياره
موضوع الحدوته خليها مين يحكى لماما حدوته وخليه هو يحكى
مره تانيه خلى كلامك موجه للدبدوب تعالى احكى لك حدوته
وتوجهى كل كلامك للدبدوب
تعالى نحفظ او نقول الاذكار طبعا مش حا يستجيب
خليها برده بطريقة الاختيار غيرى فى اسلوبك معاه دايما
ميرو ممكن زوجك فعلا عنده ضغط فى العمل
خدى الولاد وروحى لمامتك يومين على سبيل التغيير لك وله
وحصنى بيتك دايما بالقرآن والرقيه الشرعيه وخلى له مساحه انه يكون بحريته
اكتر يعنى بلاش تكررى عليه دايما انت متغير فى ايه ليه بتنام لوحدك
ممكن يكون بيعمل كده بدون قصد او حاجه غير مقصوده كلامك
يشعره دايما ان فى خلل فى علاقتكو وانه دايما مقصر
وتصدقى كثير واكثرى من الاستغفار
وسامحينى فى الكلمه دى انا عارفه انك ماشاء الله قريبه لربنا
لكن فتشى فى النفس يكون فى غلط او ذنب بيتكرر
وده بسبب هذا الذنب
انا بعتذر لك بشده والله ليس قدح فيكى لكن كلنا بشر واكيد بنغلط
زاحيانا بيكون عقاب ربنا لنا لانه بيحبنا ونغير فى نفسنا بسرعه
رشا انا معاكى طبعا ياريت يكون من ضمن يومياتنا برنامجنا مع اولادنا
او نتفق على عمل او حدوته او قيمه نوصلها لولادنا ونعملها كلنا كل على حسب سن ابنه
وكلنا نحكى ردة فعلل ولادنا ونستفيد من بعض
منى قلقتينى على هدى ورعبتينى على جودى
ربنا يحمى بناتها ويشفيها وسلامى للجزره مش ناويه تخليهم اتنين
الرمال تسلم ايدك على الفطاير
ارجو عفو ربى مبروك نجاح ابنك وعقبال الجامعه
هبه ومرمر منورين معانا
بيبى ايمى شروط الاشتراك السن والحاله الاجتماعيه والحب فى الله
ننصح بعض ونواسى بعض ونفرح لبعض لو الشروط عجبتك تنورينا
ام شهاب علاج الصراصير
بشترى من الصيدليه بوريك اسيد بودره
واقشر بطاطسايه واسلقها واهرهسا وعليها ربع علبة البودره وتشكل كور
وتوزيعها فى كل البيت وان شاء الله لن تجدى صرصار
عطر عايزه برنامج للتنظيف العميق
خلى يوم للجدران امسحيها من فوق والسقف من التراب
ومسح الاماكن المتسخه بخلطتنا السحريه بفوطه او الممسحه السحريه
يوم تنظيف كل الشبابيك
يوم مسح كل زجاج البيت
يوم مسح الاخشاب والابواب
ومسح الارضيه كل يوم غرفه
طبعا مع الاعمال اليوميه حا يكون البيت دايما نظيف ومرتب وشغل قليل
كل البنات سلامى للكل تعبت من الكتابه
سبحانك اللهم وبحمدك اشهد ان لااله الا انت سبحانك انى كنت من الظالمين

مساء الخير عل كل الحلوين الموجودين
عايزة اعرف واسالكم ايه الممسحة السحرية اللي بتتكلموا عنها؟؟؟؟؟

انا ما اختدش بالى من الجملة دى وافتكرت ان واحدة تانية واخدة كلامك بالظبط ونقلته ومش كاتبة انه منقول :)