اما عن ادهم لغاية دلوقتي سبع دكاترة كبار واساتذة وكلهم اجمعوا على ان الوتر فعلا قصير لكن اختلفوا على العمليه اللي يقول ممكن علاج طبيعي واللي يقول العلاج الطبيعي هيجيب نتيجة لكن هيرد تاني ولازم عمليه
وموضوع ركبته لسه طالبين اشعة ورنين
يا رب فعلا يخرج من المحنة دي سليم معافي وركبته بالذات تكون سليمة ومفيهاش اللي شاكين فيه ده امين يا رب العالمين

النهاردة انا هاخد الصفحة لحسابي (حد عنده اعتراض؟)
ايوة كده انا بحسب هههههههههه
امبارح عملت افتكاسه من افتكاساتي
يلا يا بت يا شيمو هاتي الورقة والقلم وتعالي بحلقي في الشاشة
عملت رز بني بالتقليه وفراخ بالكاري ومكعبات بطاطس محمرة
وااااااااااااااااااااااااااااااااااو وهم والاكل مكملش عشر دقايق
الطريقة بقة
الارز عادي زي رز السمك بس وانا بحمر البصل كترته شوية وشلت منه شوية صفيتهم على جنب
وكملت الرز عادي وقلبته على البصل وزودت الميه والملح وسيبته يستوي
الفراخ بقى جبت صدور وقطعتها حتت نونو نونو
وبعدين قلبتهم مع جزرة مقطعة وفلفل اخضر مقطع (انا اصلا بشيل الفراخ البانيه متبله في الفريزر)
وحطيت عليهم الملح والفلفل وكاري
ولفتهم لما نشفوا واتحمروا خفيف وبعدين زودت ميه حسب منا عايزة
انا كترت شوية لان جوزي بيحب الصوص كتير
وسيبتها عشر دقايق كانت استوت والرز كان استوي وطفيت
وكنت مقطعة بطاطس مكعبات وحمرتهم
وساعة التقديم غرفت الرز في طبق مدور غويط وقلبته في طبق التقديم وعليه التقليه والبطاطس المحمرة المكعبات
وطبق تاني فيه الفراخ بالكاري
واوعى بقى ولا احسن رستوران
رستوران ميرو السرييييييييييييييييع
وعجب البيه خالد جدا وقالي بقالك كتير مفتكستيش في الاكل كده
لاني بقالي مده بعمل الاكل العادي واقلب هههههه
المهم انه اتبسط وبعدين زعل لانه لقى الفراخ خلصت وقالي المرة الجايه زودي شوية وبطلي بخل ههههههههههههههه
اطبخي يا جارية كلف يا سيدي ولا ايه
اصلها بجد كانت حلوة اوي يلا كلوا يجربها ويقولي على النتيجة
فعلا من اختراعي واي خدمة

طيب علشان اكمل باقي الصفحة لحسابي هكتب طرية الكيكة بتاعتي تاني لان لميا كانت عايزاها
4 بيضات + فانيليا بضربهم كويس في الخلاط لما ينفشوا ولونهم يبيض (خطوة مهمة)
وبحط عليهم من فتحة الخلاط كوبيتين سكر وشوية واضيف كوباية زيت وكوباية لبن واكون سايبه الخلاط مفتوح يدخل هوا وينفشها (سر الصنعة)
واكون محضرة بولة فيها 3 كوبايات دقيق وبيكنج بودر واقلب اللي في الخلاط على البولة واقلب في اتجاه واحد لغاية ما تتقلب كويس والدقيق يدوب في العجين واقلبها في القالب وعلى الفرن 190 درجة لمدة ساعة الا ربع واطلعها وبالهنا

بالنسبة للاضافات مرة بحط روح البرتقال ومرة باخد نص العجين مع الكاكاو واقلبوا وتبقى بالشيكولاته ومرة بالشربات ومرة كب كيك ومرة ادهن وشها بالمربى وارش عليها جوز هند ومرة اقلب معاها فواكة مسكرة ومرة مكسرات

كمان فكرة ورق الزبدة في القالب مريحة اوي الست روشانا جوجل هي اللي قالتلي عليها وفعلا تحفة والصينيه بتفضل نضيفة ولا زيت ولا رش دقيق

يعني هي طريقة واحدة لكن الكل فاكرها ميت طريقة هههههههههههههههههههه

اي خدعة

صباح الخير يابنات
امبارح اتشغلت رحت الشغل وبعديت عديت على السوق جبت طلبات ودخلت البيت على المطبخ طبعا ماخرجتش غير بعد الغدا بساعه واخر النهار كان ورايا مشوير ومجملات خلصت منها روحت بليلبجد ميته من التعب والنهارده الصبح يادوب لحقت صلاة الفجر وقعدت تسبيح واذكار وريحت شويه وبعدين فطرنا ولاول مره عملت ماسك الزبادى والعسل بتاع انوج ومن ساعة ماحطيته وانا هاتك يا عطس ما انتو عارفين اختكو عندها حساسية انف بس ما كنتش فاكره انه هيأثر لدرجه دى؟؟؟ دى الحكايه كلها زبادى وعسل اومال لو حطيت حاجه تانيه هيحصل ايه ؟؟؟بس بجد مبسوطه اوى وناويه اجرب المره اللى جايه ماسك النشا وماء الورد وهاقولكو النتيجه
طبعا من امبارح حاسه انه فاتنى كتير هاقرا اللى فات وارجعلكو بس اهم حاجه اطمنت على عمرو ابن رونى
يارونى الف سلامه على عمرو بسيطه ان شاء الله والعمليه تعمليهاوهو صغير احسن وربنا يتم شفاه ويحفظه ويباركلك فيه بتهيألى هو اللى رد عليا لما اتصلت بيكى ماشاء الله سكر ربنا يحفظه المهم انه كان مصر انى طنط سمر اقوله لأ يقولى لأانتى طنط سمر هههههههه ربنا يشفيه يارب ويطمنا عليه

صباح الخير على كل الموجودين
كل سنة وانتوا طيبين مين اللى صايم النهاردة اول رجب اللهم بلغنا رمضان

عايزنا نرجع زى زمان قول للزمان ارجع يا زمان من هذا المنطلق احكى لكم شوية ذكريا بس مرحلة اكبر شوية مرحلة الجامعة اجمل ايام حياتى مع اللى مجننى جوزى:icon33: كانت ايام زى الحلم فكراهاكانها امبارح كنا بنحب بعض عااارفة انه حرام ولو عرفت ان بنتى عملت كدة لما تكبر هكسر رقبتها ولا واللهى ما انا عارفو هعمل ايه؟ كنت فى كلية حقوق وهو فى تجارة؟؟؟ اوعوا تضحكوا دى كليات القمة واجدع ناس

مقولوكوش على الحب اللى كان بيطرطش من عينيه قال ايه مكنش يحب يشوفنى ايم المتحانات علشان ميفكرش فيا وهو بيمتحن يا سلام عل الرومنسية كنت حسة انى مالكة الدنيا كان متيم بيا وانا بقا بت تقيلة مكناش نزعل الالما هو اللى يصالحنىحتى لو انا اللى غلطانة يااااااه عايزنا نرجع زى زمان قول للزمان ارجع يازمان

وبعدين اتخطبنا:) ولما جم البيت عندنا طلعت مامته زميلة زوجة عمى وصحبتها وشافوا بعض فى بيتنا وقعدوا يضحكوا حسينا ان ان شاء الله الظروف بتقربنا واتخطبنا كانت ايااا م الخطوبة حلوة قوى وبعدين اتجوزنا:icon33: استمر الدلع شوية وبعدين:icon33: موش عايزة انكد عليكوا بس طبعا الحب لسة موجود ولكن !!!

بدرجات واللى كان مينيمنيش زعلانة منه ابدااا دلوقتى يا سلام على النقار اللى شغال ضغوط الحياة عليه وعليا برضوة الله يعينه وبس بحبه وبموت فيه وهوموش عارفة الله اعلم كان كل شوية يقول لى بحبك دلوقتى انا اللى بسئله تخيلوا يرد يقول لى ايه؟بتسالى لسة ؟؟؟ رخم لاء وايه انا اللى علشلن المايكة متلعنيش بروح واصالحه علشان مينمش زعلان طبعا استحلى الحكاية وبقا يسوق فيها بس الواحد بيعامل ربنا يلا تصدقوا لما اقول له انت اتغيرت مبقتش زى زمان يقوللى عايزنا نرجع زى زمان قول للزمان ارجع يا زمان:44: