السلام عليكم
جمعه مباركه ان شاء الله انا النهارده عازمه حمايا واخوات جوزي الولاد عشان حماتي مسافره عند بتها وهاعملهم شوربة فواكه البحر وبرياني بالسبيط والجمبري وهاحشي السبيط واعمله صنيه وادخله الفرن لما اعملهم ان شاء الله هابقى اقولكم على النتائج

السلام عليكم

المشاركه دي لهدي بس

ايه يا هدهود في ايه

اولا عندي كذا حاجه في كلامك عايزه اعلق عليها من زماااااااااااااان
اولا حكايه السن
ايه يا قمر في ايه ؟سن ايه؟ هتجنيني:hahaha: انتي عندك 40 سنه هما 40 قرن؟
انا عندي ناس في عيله جوزي اتجوزوا لسه و هما عندهم 39 سنه و بنات بكر
و ناس عندها 36 و مش اتجوزت لسه و ناس اتطلقت و هما 27 سنه و اصغر
و اكيد انتي شايفه الحكايه دي كتير قدامك
موضوع اني ضيعت عمري و مش عارف ايه ؟؟؟؟؟و هاجي في اخره و اتوب هو ربنا حدد وقت للتويه؟
ربنا قال نتوب قبل ما تيجي سكره الموت يعني قبل ما تبلغ الروح الحلقوم
مقالش بقي اللي عندهم 40 سنه خلاص راحت عليهم
بطلي الاستسلام ده للشيطان
اقعدي كده و شفي ايه الحاجات اللي انتي عايزاها تتغير و غيري بالراحه بالراحه حاجه حاجه
و انتي اصلا قلتي انك اتغيرتي فعلا و قلتي ان لبسك حتي اتغير لو انا فاكره صح
الاهم الاول النيه
انك تنوي التويه و الاخلاص و القرب من الله
المحاضره اللي حطتها ملاك امبار ح حلوه جداااااااااااااا
قال فيها الشيخ علي واخد فاشل خااالص بس فجاءه قرر انه يتوب لدرجه انه كان بيدعي و هو بيزعق يارب توب عليا بقي يارب و فضل اسبوع يصلي في الجامع و مات بعدها
باب الله مفتووووووووح و مش عليه تحديد لسن
بالعكس انا دايما راءي اللي بيلتزم و هو كبير بيبقي اثبت و اثبت من الصغير
الصغير صح بيكون عنده اسس فعلا انه مهما حاد عنها يرجع لها لكن الكبير بيكون تعب و ضاقت بيه الدنيا و هو اللي قرر انه يطهر نفسه فبيبقي التوبه و الالتزام ليهم معني تاني خالص
انا باقولك كده عن تجربه لاني مكنتش ملتزمه خالص للاسف و انا صغيره و لما اتعرف علي بنات دلوءتي و الاقيهم كانوا من صغرهم بيحفظوا القراءن و بيدرسوا تجويد اتحسر علي نفسي بس بصراحه بطريقه ايجابيه
يعني انا اصريت اني اتعلم التجويد مثلا كمثال لاني كنت باقرا القراءن زي الجرايد استغفر الله العظيم بقيت ادور في النت زي المجانين و اشترك في دورات و مواعيدها كانت عجيبه اللي 4 الفجر علشان فرق التوقيت :hahaha: لحد الحمد لله ربنا كرمني اوي اوي لانه كرييييم اوي اوي
بطلي الاستسلام للشيطان
حاجه مش عاجباكي غيريها
احمدي ربنا اووووووووووووي علي نعمه عليكي
صحتك الحمد لله اولادك الحمد لله معانا واحد هنا ابنه حبيبي عنده لوكيميا و سنه 5 سنين و مفيش اي حاجه ناجحه مهاه للاسف ربنا يتولاه برحمته
باباكي حتي لو هو تعبان انتي جنبه تقدري تبريه في غيرك كتير و انا منهم ماما تعبت في يوم تاني يوم توفت و انا ملحقتش اساسا اشوفها و لا ابرها و لا اقعد جنبها و هي تعبانه و الي الااااان الموضوع قاتل عندي
حبيبتي و كل بنات الملف ارجوكم لما الدنيا تضيق بيكم هو ربنا قال و من اعرض عن ذكري فان له معيشه ضنكا
قومي استغفري 100 مره
اقري صفحه حتي من القراءن
شغلي سوره البقره
هاتي اولادك بوسيهم شمي ريحه شعرهم و حسي النعمه اللي ربنا ادهالك و الله في ناس بتبكي بالدموع علي طفل
في درس حضرته ان من اسباب الوحشه في القلب كثره الذنوب و الابتعاد عن الله
و الطريق اصلا قدامنا اهوه و الحل اهوه افردي سجادتك و صلي و عيطي و الله اضمنلك انك هتبقي زي الفل
هتوصلي للرضا ان الحمد لله انا احسن من غيري
يارب يكون الابتلاء ده ابتلاء علشان اطهر من ذنوبي مش علشان انت غضبان عليا
انا اسفه يا ستو اذا قلت علي المشاركات من غير فاءده هامسحها اهوه لان زعلت ناس كتير:hahaha:
انا عارفه ان انا منفعله حبتين:hahaha: بس يارب يارب تطمينيا عليكي

السلام عليكم
ازيكم جميعا؟
وحشتووووووووووونى
ماشاء الله كل ما اقول ادخل اقرا صفحتين على ما اخلصهم اكون نسيت كل حاجه
وبقالى فترة فعلا مبدخلش

فاكرنى ولا نسيتونى

السلام عليكم ورحمة الله وبركاته

اللهم أني اسألك موجبات رحمتك
اللهم صلي وسلم وبارك عليك يا حبيبي يا رسول الله


ازيكم يا قمرات وحشتوني كتييييييييير امبارح خرجت مع صحابي الي هنا في الرياض روحنا البر واليوم كان علية كنت جايبه سمك من باليل وتبلته وشوينا هناك الحمد لله اتبسطنا اوي وكمان سلمنا علي ام لينا لأنها مسافره مصر اجازه ربنا يجيبها بالسلامه

بس كنت عايزه اقولكم حاجه ليه في ناس ما تحبش تشوف ناس مبسوطه
ليه دايما نلاقي نماذج جواها وحش اوي غيره او كره لحد معين اه والله مش لاقيه تفسير تاني
يعني ممكن يكون الناس دي ما اذتش حد في حاجه وعمرها ما اخدت من حد موقف وتلاقي الي قدامهم بيتفننوا ازاي يضايقوهم ويجرحوهم
ويقولوا اي كلام من غير ما يراعوا مشاعر حد ولا يقدروا انهم في غربه ولما صدقوا اتلموا علي بعض
امبارح قلت ربنا مطلع علي القلوب ومابرضاش ان حد يتظلم
وطبعا الايذاء بالكلام او التلميح او ان واحده تقوم حد علي حد وتتسبب في مشاكل كل ده اكيد ربنا هايحاسب عليه
نفسي كل الناس تتعامل بما يرضي الله وبسسسسسسسسسس
طبيعي وعادي ان الانسان يحس بنفسه لكن انك تشعر بالاخرين نعمه لا يهبها الله الا لمن يستحق ان يثاب عليها

عروس وام سوسو وانوج معلش يا حبايبي امبارح راجعين البيت الساعه 2 باليل وطبعا علي ما لميت الحاجه وكده كنت خلاص والله كنت هبعت لكم ماسيجات امبارح لما لقيت اني هتأخر بس اتكسفت لأن الوقت كان 12 تقريبا وقولت مش عارفه ظروفكم ايه فبلاش احراج احسن يارب تكونو ما زعلتوش مني

ام سوسو توأمي الجميل انا معاكي يا قمر بس امبارح كان استغفار وتجديد التوبه لأني قريت الجدول قبل الفجر والنهارده ان شاء الله الدعاء بطلب الرحمه من الله والصلاة علي سيدنا محمد صلي الله عليه وسلم

هدي ام البنات قلقتيني مووووووووووووت

هدي ام عبدالله وحشتيني اوي ربنا يقومك بالسلامه ويقدر لك الخير

شيمو الف سلامه يا قمر وما تقلقيش المقشه جاهزه تحت الطلب بس انتي شاوري هههههههه شغل ماري منيب بقي
توته الجزائريه
بصي يا جميل انا قطعت بصل مع فص توم مع جنزبيل وزيت وعلي النار ولما البصل دبل ضيفت جزر وبطاطس مقطعين وطبعا كنت سلقت اللحمه وضيفتها مع الشوربه عليهم ولما استووا طفيت
وجبت الكسكسي وقلبته الاول بمغرفة شوربه وبعدين حطيته في مصفاه علي النار تحتها شوربه وغطيته وكل 5 دقايق اقلبه بمغرفة شوربه واغطيه تاني لحد ما استوي وبقي مفلفل وبعدين ضيفت معلقة زبده وغرفته في سرفيس وعليه الخضار واللحمه بس بجد كان طعمه تحفه
هاه قوليلي كده صح ولا فيه طريقه تانيه

ام سهيله وشهيده الي غايبه كتير حمدلله علي السلامه وحشتونا

رشا عمره مقبوله يا جميل كلمتك امبارح ومش رديتي

اسماء تسلم ايديكم يالا يا جميل مستنينك وتسلم ايدك مقدما وجزاكي الله خير

باقي البنات بحبكم في الله وان شاء الله جمعه مباركه علينا اللهم اجعلها رحمة ومغفرة وقرب اليك اكتر ياالله

صباح الخير
جمعة مباركة ان شا ءالله



اليوم يوم الجمعة يوم خلق فية ابونا ادم وادخل الجنة واخرج فية من الجنة وانزل فية الى الدنيا ويوم فية اوقات معلومه لاستجابة الدعوات ويوم تقام فية الساعة ومن مات فية دليل على حسن الخاتمة*نسأل الله ان نكون من اهلها*الله اكبر*في هذا اليوم فضائل كثيرة ولاأحد يشعر بقيمتها
فية تسطيع ان تفعل: الاستحمام"والنظافة"والاقبال على الله بوجه وقلب نظيف"
وصلاة بخشوع وسنة بعدها"
وقراة سور:
الكهف
والجمعة
والدخان
يس
والصافات
واخر سورة البقرة
وكذلك الحشر
وكثرة الاستغفار
وتحري ساعة الاجابة
بين الاذان والاقامة دعوة لاترد وفي اخر العصر ساعة استجابة بأذن الله
ولاتنسى ان تدعي بدعوة كثييرة الاجر:اللهم اغفر للمسلمين والمسلمات المؤمنين والمؤمنات الاحياء منهم والاموات*فتكسب على اعدادهم حسنات*
وقل دئما:اللهم اني ظلمت نفسي فإن لم تغفرلي وترحمني لاكونن من الخاسرين..
لا إله إلا انت سبحانك اني كنت من الظالمين..
فهي من اعظم المقالات..