المحبة للرسول مساء الفل عليكى اخبارك ايه

ملف لتجيد الخضراوات والفواكه

http://forum.hawaaworld.com/showthread.php?t=673220#Scene_1

السلام عليكم
تسلم اديكم الفديو جميل جدا ولو اني لسا ماتفرجتش عليه بوضوح عاملتله تحميل وجايه افتح الملف بعد كدا مش عايز يفتح معايا وانا خايفه العب في حاجه اصل انا بكلمكم على اللا توب بتاع جوزي عليه كل شغله بس كلمات الناشيد جميله جدا ومؤثره تقشر البدن تسلم اديكي
محبة الرسول
انا عملت الاكل والحمد لله النتيجه جات كويسه
ام البنات المصريه هما عاملين يقولوا هدى وانا اقول ياربي هما بيكلموا على مين اتاري انت هدى طب عرافوني انا نفسي اتقرب منكم اكتر واتعرف عليكم اكتر وكلام رانيا ماشاء الله
رانيا كلامك جه في الصميم ليه انا اول ما التزمت ولبست النقاب ما كنش عندي اصحاب ملتزمين برغم ان اختي لبسه النقاب قبلي بس متجوزه وكانت بتسافر لجوزها فين لما ربنا كرمني ودخلت معهد الدعاه واتصحبت على كل البنات اللي في المعهد ماتتصوريش فرحتي كانت اد ايه بالصحبه الصالحه وكان كل ما ادرس حاجه اروح لما اقولهالها وعلى فكره ماما لبست النقاب قبلي باربع ايام لسا اختي الصغيره باءه وبعد كدا جه العريس اللي قعدني من المعهد بعد دراستي فيه 3 اشهر فقط بس لكن اصحابي هما هما واتجوزت وبعدت عن بلدي لكن ربنا رزقني بعائلة زوجي ماشاء الله قمه من الالتزام وطبعا لازم اقول لا ازكيهم عن الله ولكن احسبهم كذلك بس افتقد الاصحاب اللي تذكرني دايما وكمان انت خادتي ثواب قعدتي تتكلمي عن حفظ القران دورت عالموقع ودخلت عليه
بس انا نفسي في الملف بتاعنا نشجع بعض عالحفظ ياريت بجد يابنات نحدد سوره معينه بس ياريت تكون من اول جزء عم عشان حتى اولادنا يحفظوا معانا يعني انا وصلت مع يوسف ابني لحد سورة المطففين لسا 10 ايات ونخلصها هوه طالع اولى ابتدائي ازهري بس انا مش ناويه اكمله ازهري لان منهجهم صعب اوي اعصابه بتتعب من الحفظ القران والحديث والازكار والدعاء والعربي والنجليزي والحساب دى غير البقيه لما يطلع الابتدائي
جوزي قالي نواديه حضانه هوه واخته حيبه على ما المدارس تبداء بس انا خايفه عليهم ماضمنش الحضانه دي هايخدوا بالهم منهم ولا لا انتم ايه رايكم ياريت تتجاوبوا معايا لحسن انا بجد مش بلاقي حد اتكلم معاه براحتي غيركم
وسلا للجميع لحسن انا نسيت نفسي اوي في الكلام

السلام عليكم و رحمة الله و بركاته
مش عارفه اقولكم ايه على التفاعل الجبار ده
الله يعزكم ادخلتم انتم السرور على قلبى
الحمد لله حمدا كثيراااا
مش عارفه اقولكم ايه .. وانا بعمله كنت ابكى منه ...بس اقول يمكن علشان انا عملاه
ههههههههههههههههههههه
بس كنت حابه تفرحوا مش تبكوا ....انتم اللى عملتم الحالة الجميله دى
الله يحفظكم و يديم حبكم لبعض




الله يبارك فيكى يا شيماء ....انت قلبك ابيض اوىىىىى
الف سلامه عليكى ...ربنا يحفظك و يشفيكى و يخليلك الكتكوته و ابوها يارب




ههههههههههههههههههههههههههههه
رانيا .......انا اللى بغبط نفسى و الله
انتم قدوة كبيره ليا جدااااااا....وما شاء الله على مشاركاتك و الفوائد اللى بتيجى منك .....الله يعزك و يرزقك ختم القران انتى و اولادك جميعا
و مشاركتك عن حفظ القران حلوة اوىىىىىىىىىى
ياريت يا بنات اللى عنده قصص حلوة عن ناس ناجحه كده فى الدين ميبخلش علينا فعلا بتاثر فى الواحد




الله يعزك يا لميا .....انا اللى مبسوطه اكتر ان الله عز و جل طلعنى من وحدتى للسرب الجميل ده
واهم حاجة ......الاحساس فوق دايما ان شاء الله



اللهم امييييييييين يا رب العالمين
الله يبارك فيكى يا عروس و يعزك وكل اللى تحبيهم يارب
و العفو ده حاجة بسيطه يعلم الله





انووووووووووووووووج
ميرسى يا حبيبتى ....كلك زوق
الله يبارك فى عمرك
و يجعله طاعه و عبادة ان شاء الله
ويارب نتجمع فى الجنه ان شاء الله
و يارب يقويكى و يوفقك فى الامر بتاعك ......و يخليلك يوسف ...و تخاويه قريبا ان شاء الله





الفخر ليا يا نرمو و الله
الله يبارك فيكى و فى اولادك
و ان شاء الله يديم الحب على السرب و يصلح حال الجميع فيه





جزانا و اياكم يا رانيا..........شكرا حبيبتى .......الف الف سلامه على عمرو ان شاء الله يقوم بالف سلامه و تطمينى عليه .........الله يخفف عنه و عنكم ان شاء الله .......بسيطه ان شاء الله....و تخاويه قريبا ان شاء الله
يارب يسعد ايامك......وشكراااااا على المعلومات فعلاااااا حلوة اوىىىىىى






و فيكى يا فيميل.....الله يعزك و يبارك فى اولادك
و عجبنىىى اوىىى اوىىى النقد الفنى ده
انت موهوبه هههههههههههههههههههههه ما شاء الله ....برافوا عليكى




ما شاء الله فرحت اوىىىىىىىى انك بخير و عادت روحك الجميله.....بجد يا ماما انت فيكى خير الكل بيحس بيه .......ان شاء الله تصلى للدرجة اللى ترضيكى ......و بعد فترة قريبه جدااااااا .....تفرحينا كده
و اسفه خلصت رصيد و انا بكلمك :44:

و بناتك يكونوا احسن ناس
وان شاء الله لما اعمل الدورة هاتى ايه و نورهان يتعلموا
ده سهل اوى
و يستفيدوا فى الصيف
و لو عايزه جودى كمان
نعمل مونتاج جونيور
هنتصرف :hahaha:

يا ذا الجلال و الاكرام ........يا ارحم الراحمين فك كرب اختنا المبتلاه
و اخلف الظنون...و اتم شفاها برحمتك يا رب العالمين




حبيبتى الله يعزك ......انت اروع و الله.و التجمع منور و مبارك بأهله الاصليين ....و نوركم مالى المنتدى و بيشع و بيجذب الكل


كلمة لاى حد متابع و مش بيشارك
يعلم الله المشاركة شئ مختلف تماما
تعالى و شاركى معانا حياتك و قلبك و عقلك هيتغير للافضل
بشهادة الكل..و شهادتى انا

احبكم فى الله
اثلجتم صدى.....يارب اثلج صدورهم ...و سرهم جميعا ...كما اسرونى يا ذا الجلال و الاكرام

ايجبتى

ازيك يا قمر

ده ملف اسماء محتاجة للدعاء ربنا يكرمها

حفظ جزء عم الحمد لله وده تبارك

http://forum.hawaaworld.com/showthread.php?t=1575930

والحمد لله احنا فى سورة المدثر حاليا
ولو تحبوا نفتح نحفظ من تانى معكم ياريت

فيميل تسلمى يا قمر كله الغلبه دلوقتى فى النوم

الاكل اللي عملته في العزومه كان سبيط محشي ودي طريقته
اسلق السبيط وهوه عباره عن قراطيس واصفيه من المايه واكون فارمه جمبري وسبيط مع بصل وحاطه بهارات وكاري وثوم واحشي بيها السبيط القراطيس وارصهم في صينيه واكون مسبكه طماطم واضعها عليه واروش بهارات وملح والف الصينيه بالقصدير وادخلها الفرن
وعملت شوربة فواكه البحر بصله وشوحتها المفروض في زبده بس عملت بالسمنه وبعد كدا حطيت الجمبري والسبيط المتقطع قطع صغيره وصوابع الكابوريا اللي بتتباع جاهزه اكيد عارفنها وترشي برش ليمون وريحان ماكنش عندي حطيت زعتر وكاري وبهارات وفلفل اسود وكنت غاليه مايه حطتها عليهم وحطيت الكريمه اللباني وسبتهم شويه عالنار وطفيت بس كانت روعه
والبرياني بصل وفلفل اخضر شوحتهم في سمنه وزيت كتير لان من اسرار نجاح الروز البسمتي نقعه ووضع زيت وسمنه كتير ووضع ملح كتير مش اوي يعني وبع البصل والفلفل حطيت ثوم والجمبري والسبيط المتقطع وسبتهم عالنار شويه وبعد كدا حطيت بهارات البرياني الجاهزه وحطيت الروز وكنت غاليه المايه ضفتها عليهم وقفلت الغطاء لحد ماغلي والمايه لسا فيه شويه وطيت النار
وكان فاضا شويه من الجمبري والسبيط المفرومين في البصل ضفت عليهم روز مسلوق وكور كور في البيض والبقسماط وعلي الزيت كانت روعه
لما طلعت السبيط قطعته حلقات بس براحه عشان اللي فيه مايطلعش وحطيت حواليه الكفته وخلاص
ياللهوي هاضرب معلش انا قصدي افيد اصلي مش بدخل بمشاركات مفيده دايما