السلام عليكم و رحمه الله و بركاته يا قمرات عاملين ايه كلكم

جزاكم الله خيرا على كل من دعا ليا و سال عليا ربنا يبارك فيكم و فى صحتك و اولادكم و كل من تحبو آمين بجد انتم خير الصحبة

و طبعا مش هاقدر اقول حاجة لعروستى خير ان ربنا يجعل الدعاء اللى دعتهملك امبارح بعد ما كلمتينى من نصيب و اكتر كمان يارب
بجد اتاثرت قوى لما حسيتى انى مضايقة و كلمتينى و بجد على راسى من فوق يا قمر و ربنا يسسر احوالكم و يشفى والدتك و يجعل مرضها فى ميزان حسناتها آمين

و امانى .............. انتى نعم الأخت يا قمر ور بنا يبارك فيكى و فى اولادك و يبعد عنك اى ه او حزن و يبارك فى صحتك و يزدك من فضله فى الدنيا و الأخرة يارب و انتى عافرة الباقى بقى مش بالكلام


بجد انتو لما كلمتونى كنت حابسة دموعى بالعافية عشان كنت بره البيت بس ربنا يخليكم ليا

انا مش هتدعى و اقول انا ليا ناس تانية و بسالوا عليا و مش برتاح لهم لأ انا بقول و بعترف اهوه ان مليش حد غيركم فعلا سبحان الله ربنا مدنيش اخوات بالدم الحمد لله و طول عمرى كنت مضتيقة جدا من النقطة ديه و كمان مكنش عندى اقارب درجة اولى زى اولاد العم او الخال او العمة او الخال كلهم اقرب من بعيد بس كان فى كل مرحلة ربنا بيدين اصحاب ساعات كويسيين و ساعات مش قوى و مع الوقت اتعلمت انى معتمدتش على حد و طالما ان لوحدى ده يبقى دافع اكون احسن عشان اثبت انى مش ناقصنى حاجة

يعنى مثلا فى بيتنا كان فى 3 شقق فيهم اولاد من اعمار متقاربة كان فيهم منهم بيت فيه اربع بنات اخوات و بيت تانى فى 3 اخوات ولدين و بنت و بيتنا اللى هو فيه انا بس

فى بيت البنات كان فيه واحدة فى نفس سنى بالضبط و البيت التانى كان فيه واحدة برده فى نفس السن كنا 3 بنات فى نفس الدور فى نفس السن و السنة الدراسية و فى بعض المراحل كنا مع بعض فى المدرسة و طبعا كان المنافسة شديدة
و كانت البنتين التانين امهاهتهم اصحاب فكانوا هما بالتابعية اصحاب اكتر منى و بمرور الوقت كانت انواع المشاكل بنا بتكتبر و بتتفرع المهم وصلنا لثانوى و للنصيب كنا احنا التلاتة فى ادبى بس انا كنت طول عمرى اشطرهم من فضل الله و لكن فى اعتقادهم انا اقلهم ادبا مش عشان انا كده الحمد لله بس عشان نوع من انواع الأحباط و الغيرة و لكن الأيام و المواقف كانت بتثبت العكس

و كنا بناخد دورس مع بعض و وصلنا للأمتحانات و النتيجة و من فضل الله تعالى كنت اللأولى عليهم و اكثرهم مجموعا و دخلت من نعمة ربنا عليا السن ( الكلية اللى كانت واحدة منهم نفسها تتدخلها ) و واحدة دخلت اداب انجليزة و التالتة تجارة عربى
و انا فاكرة ان يوم النتيجة كان كان يوم صعب اوى عليهم مش عشان المجموع مش عاجب اهلهم و لكن عشان ازاى منى تكون احسن منكم ....................
و مع الوقت البنت بتاعت تجارة ديه كانت بدءت تعرفنى بجد و تحسن علاقتى معاها و الأمور تبقى حلوة و من فضل الله وصلت الأمور لدرجة ان انا اللى نزلت معاها اخترتلها الطقم اللى لبستة فى خطوبتها و كانت متاخرة فى الحمل و كمان منسيتش ادعلها فى كل وقت بالذرية الصالحة و حتى و انا بولد و الحمد لله ربنا كرمها بالذرية و لكن النفوس ساعات بتعمل حاجات غريبة يعنى بالغرم من كده لما كانت حامل مش عرفت انها حامل الا لما كانت فى الشهر الخامس او السادس و كمان لما كنت اسالها هتجيبى ولد و لا بنت مكنتش بترضى تجاوب و بعدها جابت ولد يلا كله عند الله


بس بجد اقدر اوقل ان عندى اخت فى الله يشهد الله انى بحبها فى جلالة و من بعدها انتو فبجد انتو بعمة ربنا يديمها عليا و يحفظها من الزوال آمين

و المشكلة ان عندى حالة من عدم الرضا عن النفس و الظروف اللى حواليا يمكن يكون العيب فيا انا متعجلة حاجات لسة ربنا مكتبهاش ربنا يعينى على سوء نفسى بجد
و كمان عندى مشكلة ان الناس اللى حوليا كتير بيدونى شحنات سلبية بقاومها و بعمل نفسى مش سمعاها بس للأسف لما بتتزامن الشحنات ديه مع حالة عدم تصالح مع النفس بتؤدى الى منحدر ربنا وحده هو اللى يخلصنا منه على خير
معلش رغيت كتير بس مش عايزة اسبب لأى حد اى مشاكل نفسية

و عشان ادى
دفعة للتفاءل بقى امبارح عشان اطلع من المود رحت النادى و لعبت مع روان بالرغم من انها سخنة و تعبانة ربنا يشفيها و يشفى مرضى المسلمين اجمعين


و يوياتى فى الويك اند نضفت تنضيف متوسط للغرف و مسح و كنس و غسل السجاد بالديتول و الكمفورت و فرشة السجاد و تغير الملايات و تعطير للبيت و الحمام و ترتيب عام
و الأكل عملت اكله هندى شفتها فى التليفزيون

صدور فراخ الكمية حسب الرغبة

الطريقة بنطحن بصلة كبيرة + 3 فص توم + فلفل حامى ( حسب الرغبة)فى الكبة
و نحطة على النار لغاية لما يصفر فى الزيت و بعدين نضيف 150 جرام عدس اصفر مغسول و معلقة كبيرة كمون و معلقة كبيرة كسبرة ناشفة مطحونة و نضبط الملح و نضيف مية عشان العدس يستوى

نقطع الدجاج قطع و نشوحة فى الزويت فى طسة خارجية لغاية لما يبقى نص سوا و بعدين نضيفة على الخليط و نقلب و نغطية يغلى شوية و بعجين نضيف كوب كريمة و لو استوى يبقى بالهنا و الشفا

انا عملت شوية تغييرات عملتة بعدس اسود حوالى 4 معالق بس و كمان مش عندى كريمة دوبت معلقى دقيق مليانة فى كوب و نص لبن
و جنبهم رز ابيض عادى مفلفل بس مضاف اليه معلقة صغيرة كمون و معلقة صغيرة كسبرة ناشفة

و يوم السبت عملت مكرونة بالصوصو الأبيض و الماشروم و بفتيك و عملت جنبهم جارلك بريد ( عيش بالثوم ) و طلع بجد زى بتاع لاكازيتا

سيحت معلقة زبدة و خطيت عليها كمية صغيرة توم مهروس
و معلقة صغيرة زعتر صغيرة بس ضفت التوم و الزعتر بعد ما شلت الزبدة من على النار
و قطعت العيش و دهنتة بالخليط ده و رصيته فى صينية و ضفت على وشة جبنة شيدر مبشورة و خلته تحت الشواية و بالهنا و الشفا حلى جارلك بريد بالجبنة

معلش طولت عليكم بس بعد الكلام معاكم من فضل الله بقيت احسن هاشتغل شوية و ارجع ارغى تانى معاكم بامر الله

بحبكم جميعا فى الله

احبكــــــــــــم في اللـــــــــــــــه

السلام عليكم ورحمة الله وبركاته
والله كلكم وحشنى
بس مشغولة جدا فى تجهيزات السفر
بدخل بس مش بلحق أقرا
ان شاء الله مسافرة السبت الجاى
فانتو عارفين لأزم الم حجاتى كلها
واسيب كمان البيت نظيف
ربنا يقوينا

توتة البطوطة......
يارب يفك كربك و يعين زوجك فى العمل
ويكتبله الخير و يرجع ان شاء الله بالف سلامة
وازى ايمان ويمنى ايه أخبار الثنائى مع بعض

أم عبدالله...
وحشتينا ووحشنا كلامك الجميل
ويا رب ييسرك أمورك وتستقرى على خير

حبيبة أوسو...
تروحى وتيجى بالسلامة يا جميل
وربنا يتقبل ان شاء الله
وقبل ما تسافرى قولى اللهم أنى أستودعك أولادى التى لا تضيع ودائعك
وربنا يحفظهم
ولا تنسينا بصالح الدعاء

مرمر...
ان شاء الله تولدى بالسلامة
وربنا يرزقك بطفل معافاه
ماشاء الله اسم زبيدة جميل قوى


أم سوسو....
ماشاء الله على المجهود الرائع اللى انتى عملاه
والصراحة انا بحفظ كل اللى بتقولى
بس والله من الشغلة مش عارفة أطبق حاجة خالص
فان شاء الله افضى وأطبق باذن الله
سمعت فى الأخبار أمس ان عندكم غبار وأتربة
الله يعينكم ويصبركم ويجعله فى موازين حسناتكم

توتا....
يا رب يرزقك بالحمل ويقر عينك بمولود معافاه

السلام عليكم يا حلوات ،، يا حبيبات قلبي

اللهم اعينا على انفسنا اللهم اعوذ بك من الهم والحزن العجز والكسل والجبن والبخل وغلبه الدين وقهر الرجال


اخباركم ايه ، مع التهيئة النفسية ... ماشين ولا في تكاسل ... هي اشياء سهلة خالص بس الحلو فيها اننا نستمر واللي فاتوا الايام الي راحت ، خلي يعوضها وربنا يعين إن شاء الله.

واجب اليوم السادس: حتى تستقيم

الحمد لله والصلاة والسلام على رسول الله صلى الله عليه وسلم .

إخواتي الكرام ...

لا تهتموا بصورة العمل ، المهم الأثر ، أريد أن تسجلوا ملاحظاتكم على أحوالكم ، كيف يلين قلبك ؟ بالاستغفار ... بتجديد التوبة .. باستنزال الرحمة ... بالشكر والحمد ... بالخلوة والتبتل ؟؟؟؟ هل وصلت للحل ؟؟ نريد أن نفهم أنفسنا وأحوال قلوبنا حتى تستقيم على درب الله تعالى .


شعارنا لهذااليوم : امسك عليك لسانك


قال النبي صلى الله عليه وسلم : " وهل يكب الناس في النار على وجوههم إلا حصائد ألسنتهم "

الهدف :

نريد أن تستقيم قلوبنا فلا تحيد ولا تنحرف ولا تزيغ عن ربها .



قال النبي صلى الله عليه وسلم : " لا يستقيم إيمان عبد حتى يستقيم قلبه ، ولا يستقيم قلبه حتى يستقيم لسانه "

الواجب العملي اليوم :



اصمت ساعة كنت تتكلم كثيرا فيها ، قلل من مكالماتك ، عد كلماتك ، هل تستطيع أن تصمت في ساعة كنت كثير الكلام فيها ليستقيم قلبك ؟


أنشدكم الله أن تستجيبوا إذا دعيتم لما يحييكم .

صباح الخير يابنات
ميرسى لكل البنات اللى باركولى بجدبحس انكو اخواتى بتفرحو لفرحى وبتزعلو لزعلى ربنا يخليكو ليا
منمونه حبيبة قلبى كل الكلام الجيل ده ليا كتير عليا والله ربنا يباركلك وينولك اللى فى بالك ويخليكى ليا
رونى ازيك وازى عموره نويتى امتى العمليه طمنينا ؟؟
ام البنات ميرسى علىاقتراحاتك للتفريز افكار جميله اوى وعجبتنى بتاعة البطاطس لان الولاد انتى عارفه بيموتو فى البطاطس المحمره ياريت لو عندك افكار تانيه مش تبخلى عليا ربنا يكرمك وييسرلك امورك
رانيا حبيبتى جزاكى الله كل خير
حبيبة اوسو عمره مباركه ان شاء الله ومش تنسينا من دعواتك الحلوه ربنا يباركلك يارب
توتا ربنا يزقك بالذريه الصالحه عاجلا وليس اجلا
توته وميرو ونرمو وميميسى ربنا ييسرلكم اموركم
تسلم ايديكم حلوه اوى التمارين الرياضيه بس صعبه شويه هاربها باذن الله لانى بحب اعمل رياضه جزاكى الله كل خير
يومياتى النهارده ولله الحمد اصبحت صايمه ربنا يقدرنى ويتقبل منا ومنكم طبعا الجو حر بس المشكله تحسى ان اليوم طويل استغله فى الاذكار والاستغفار ونزلت الشغل وبعدين الطلبات ورجعت البيت لقيت ياسمينا بنتى الله يبرك فيها موضبه البيت وغسله طباق الفطار ومرتبه المطبخ بحاول على اد ماقدر اعودها تساعدنى فى شغل البيت ومنه برضه تتعلم و كنت جايبه صدور فراخ تبلتها وشيلتها فى التلاجه وناويه اعمل كنافة رونى اللى فى ملفها جميله اوى وبتتاكل فى ثانيه مش بيفضل منها حاجه اما امبارح فكان الغدا كوكتيل جمبرى وسلطات وبس كده كفايه رغى
كل البنات بسلم عليكم ومش هانساكم فى الدعوات ساعة الفطار ربنا يكرمكم يا رب بحبكم كلكم فى الله