امانى61 :

صباح الخير يا بنات قلت الاول اصبح عليكم وقولكم وحشتونى اليومين اللى فاتو وبعد كده اقرا اللى فات واشوف اخباركم وارجعلكم تانى هاقول لمين لشيمو ولروشانا وبنات كتير يمكن مش متذكره دلوقتى الاسماء بس اخير ا ولله الحمد جبت ديب فريزر طبعا هاقول التفاصيل سعره 2100واضح ان الاسعار عمال بتزيد وطبعا كريازى وخمسه درج طبعا فى الاول احتارنا مكانه فين لان المطبخ كل مساحه فيه مستغله غير انى حاطه ترابيزه وكراسى فيه علشان الاكل واستحاله استغنى عنهم فى المطبخ لانهم مريحنى خالص خصوصا فى النضافه المهم استقرينا على مكانه فى ركن كده جنب السفره فى الصاله وبداءت بقى ترتيب وتنضيف فى التلاجه والفريزر بتاعها بجد كان حالته يرثى لها دلوقتى شكله راق خالص وخلصت من الزحمه اللى كانت فيه ودلوقتى بقى عمال افكر ايه اللى ممكن الواحد يفرزفيه لرمضان ولله الحمد المهم فى بنات كتير ساعدونى فى اختيارى للفريزر ده ربنا يخليهم ليا خصوصا روشانا والمشاركه بتاعتها المشهوره جزاها الله كل خير بس دى اخر اخبارى وعملت امبارح طريقه منال العالم فى شوى الفراخ وطلعت جميله والنهارده عندى جمبرى ومش عارفه اعمله ايه لسه بفكر ؟؟يالا بسلم عليكم كلكم وبحبكم فى الله

صباح الخير يا بنات قلت الاول اصبح عليكم وقولكم وحشتونى اليومين اللى فاتو وبعد كده اقرا اللى فات...