السلام عليكم ورحمة الله وبركاته
رب اغفر لى خطيئتى يوم الدين وتب على انك انت التواب الرحيم
يبدو ان كل ارؤساء عندهم مشاكل مع النظر والنظارات مش عارفه اقرا ما فات
ولا القادم من المشاركات فانا فى عالم آخر بعيد عن الرعيه والشعب
هو ده الرئيس الصح النظاره مكسوره والجديده لسه بعد ثلاث ايام
فتحملونى مش عارفع اتابعكم لكن حا اشارك فقط
يعنى الرئيس يتكلم والكل لازم يسمع
سمعت فى قناة الرساله دكتور بيتحدث انه سافر المانيا لان فيها ظاهره غريبه
كل الالمان ال دخلوا فى الاسلام بعد عودتهم من الحج يرتدوا عن الاسلام
فكانت ظاهره تستحق الدراسه لمعرفة السبب
فكان السبب انهم قالو حبينا الاسلام وحبينا تعاليمه ودخلنا فيه عن حب لتعاليمه
وبعد ما ذهبنا للحج لم نجد تعاليم الاسلام
لا نظام ولا نظافه وناس تتسول وناس تبكى لسرقة ممتلكاتها
فكان الحل انهم قسموهم على مجموعات للذهاب للحرم فى غير اوقات الحج
ليعرفوهم المكان وكيف انه نظيف ومنظم ثم يبدأوا فى تأهيلهلم بالتدريج
للحج وانه مع الزحام وكثرة الاعدادا لازم يكون فى اخطاء
بجد الموضوع كان صاعقه ومرعب وتذكرت كلمة دكتور عمر ان الاسلام فى الغرب
الغرب وهم غير مسلمين يتعاملوا باخلاق الاسلام ونحن المسلمين نسينا اخلاق الاسلام
عندى موقفين حا احكيهم كنا فى مطعم وجالسين فى انتظار الغدا ولفت نظرى طاوله مجاوره
فيها اثنين رجال اجانب تصرفهم بعد الاكل نظف الطاوله تماما وجمع كل بواقى الاكل على الصينيه
وقام بنفسه رماها فى سلة الزباله وترك الطاوله نظيفه تماما فكان تصرف ملفت جدا للنظر
والتصرف التانى من جارنا غير عربى الساعه خمسه صباحا فى برد الكويت كان بيغسل سيارته
وسيارتنا بجوار سيارته فطبيعى السياره اتسخت من اثر غسيله لسيارته بعد ما انهى سيارته
غسل سيارتنا كمان لانه هو السبب فى الضرر
بما اننا متفقين اننا نكون ايجابيين ونتغير لازم نرجع لاخلاق الاسلام ويبقى الاسلام داخلى وخارجى
طيب ازاى هو احنا حا نصلح الكون ونربى مليار مسلم
طبعا مستحيل لكن انا رئيس ه للملكتى ال هو بيتى يبقى ابدأ من هنا
لازم التغيير بيدأ من البيت نغير نفسنا وولادنا فلو حققنا ده يبقى نجاح عظيم
دينا دين النظافه النظافه من الايمان وعمرو خالد قال ما ينفعش الملائكه تدخل بيت
غير منظم وغير نظيف وكله رائحة دخان للسجائر مش هو ده بيت المسلم
بيت المسلم نظيف ومنظم لان النظافه من تعاليم دينا ولازم نغرس الامر ده فى ابنائنا
للاسف احنا بنعتبر ان ده من العز والتدليل انى اهنن ولادى وما يعملوش اى حاجه فى البيت
وده غلط لازم نغير طريقتنا مع ولادنا لنا اقارب فى كندا نزلت الاجازه فكانت معزومه
عند اهلها بعد الاكل طفلتها الصغيره نظفت طبقها من بواقى الاكل وسحبت كرسى
لانها طفله تقف عليه عشان تغسل طبقها فطبعا بما اننا طريقتنا غيرال كل يقسم عيب دى ضيفه
ازاى تغسل طبقها فردت الام مش معنى انها ضيفه انها تغير طباعها وعادتها انا عودتها على كده
لازم بعد ما تاكل تنظف وتغسل مكانها فلو الطفل اتربا من صغره على النظام والنظافه
حا يكون كده فى البيت وبره البيت ونغرس فيه حب النظام والنظافه لانها تعاليم دينا
مين الاولى بأخلاق الاسلام نحن ام الغرب
ليه لما بنحب نبقى استايل يبقى كلامنا كله انجليزى
لييه نقلد اللغه فقط وللاسف عاداتهم السيئه مش قصدى اننا نقلد الغرب
بس نشوف اخلاق الاسلام ال الغرب بيتعامل بيها ونقلدها
طبعا طولت عليكو
عايزن خطه لنا كلنا احنا الاول عشان نكون قدوه لازم النظام
يعنى لو حا تصلى يبقى نظمى المكان ال حا تصلى فيه قبل الصلاه
وعودى ولادك على كده لانك بين يدى رب العالمين وتحفك الملائكه
فيكون النظام طبع وسمه فينا وبرا البيت تكون اخلاقنا هى اخلاق الاسلام
وخليها فى مشاركه تانيه عشان نركز
يبقى نركزعلى النظام ثم النظام والتنظيف اول بأول
ظروفك الصحيه تعيقك عن التنظيف العميق ممكن تقسمى الشغل
او تستعينى بشغاله اسبوعيا والنظام مش محتاج صحه قويه
يعنى ما لناش حجه لازم نتغير ونغير ولادنا لطباع المسلم الصح
البرفان حرام خارج البيت بس ده مش سبب ان رائحة العرق تكون هى البديل
فى وسائل طبيعيه لمنع العرق وبدون رائحه يعنى قصدى بالمثل ده
ان لو فى نهى عن شىء وانا عشان ملتزم وزاهد يكون العكس
استايل لبسك مهم جدا مكوى ونظيف مش معنى التدين انى خلاص زهدت فى الدنيا
وذهدت كمان فى اللبس لا دينا دين الجمال والنظافه
ولازم الجمال والنظافه يكون منطبع على كل حياتنا
يالا حا نعمل خطه لولادنا وانا اولكم لان لما بيكبروا ربنا يهدى بيكونو متعبين جدا
كل ما زرعته بيتهد من الصداقت والمجتمع فالموضوع محتاج جهاد
عايزين افكار وخطط لولادنا عملنا ايه عشان يساعدوا فى البيت
وايه افكارنا عشان نغرس فيهم حب النظام والنظافه
عشان المسلمين الجدد ما يشعروش ان فى فجوه كبيره بينا وبين تعاليم الاسلام
والمشاركه القادمه ان شاء الله نتكلم عن سلوكيات ولادنا فى النظافه خارج المنزل
سبحانك اللهم وبحمدك أشهد ان لااله الا انت سبحانك انى كنت من الظالمين

ِ

السلام عليكم
ام سوسو رجعت لكي بمنهاجي اللي احاول امشي عليه قدر الامكان فان اصبت فمن الله وان اخطأت فمن نفسي والشيطان
الاهداف الدينيه
باذن الله ساحاول احفظ لو 5 ايات يوميا
قراة جزء من القران كل ليله تحت اي ظرف وان لم استطع اقراه غدا
صلاة الوتر كل ليله قبل النوم واحاول ان تكون بعد الساعه الواحده
الاكثار من الاستغفار واذكار اليوم والليله ودعاء الخروج وركوب السياره
صيام الخميس و الايام البيض ان امكن
صحيا احاول التقليل من الغازيات والوجبات الخارجيه وشرب الزنجبيل بالنعناع والسواك قدر المستطاع واخذ 7 حبات من حبة البركه على الريق
اجتماعيا
احاول ايجاد العذر لمن اساء وان لاانام وفي قلبي غل على احد
الاسريه
بحكم ان اولادي كبار فلابد لنا من جلسه كل يوم نشرب القهوه ونحكي لبعض الاحداث اليوميه واحاول علاقتنا تكون صداقه واخوه وازرع في الصغير حب الرسول والصحابه واخلاق المسلمين وتذكيرهم بالاذكار اليوميه وان الله يراني في كل حال واهمية احترام الكبير وان يزوروا جدهم وجدتهم ولو بالهاتف والسؤال عنهم
واحاول جاهده ان ابتعد عن الصراخ وان كنت افشل كثيرا
التزام الصمت التام عند غضب الزوج
الماليه
اجاهد نفسي للصدقه والتوفير استحاله ولكن احاول جاهده ان اجعل الصادر على قد الوارد رغم الفشل الذريع لازم اخر الشهر زنقه بس شوي شوي والله يسهلها
الجماليه
انا ابعد وحده زي ماقلت لكم هو الاستحمام والعنايه بكعب القدم لانه اول حاجه تلفت انتباهي في المراه واكيد بمشط شعري وومكن انكشه لو زعلت منهم
الاهداف المنزليه
فعلا الجدول مريح واهم شئ لاتتركي شئ مرمي على الارض لان الترتيب يسهل التنظيف
والمطبخ اهم مكان بالبيت فلابد من عدم الذهاب لنوم الا بعد ترتيب المكان وعدم ترك بقايا اكل او نفايه
احاول تطوير شخصيتي بالقراه والاطلاع وسماع اراء الاكبر سنا والاستفاده من الاخطاء السابقه
واهم نقطه الرضا عن النفس والقناعه بما قسم الله لي في كل حياتي

السلام عليكم

عروستي الحلوه اخبارك والف مبروك نجاح اللاولاد والله يرزقنا نجاح الاخره
وشفتي رحمة الله بينا انا كانت نفسيتي في الحضيض ولكن الله اكرمني وفرحني بتخرج بنتي من الكليه
وانا باتفق معاك مليون بالميه في موضوع الاخلاق الاسلاميه لي صاحبه زوجها اتلخبطت اموره الماليه وديون وكان من اللي ساعده يتجاوز الازمه صاحبه مسيحي وهو مش ملتزم مره فيقول لزوجته شفتي الاخلاق فلت لها قولي له هذا اخلاقا لمسلمين ووصايا الرسول لكن احنا اللي تخلينا عتها

انا عن نفسي لازم اي خروج سواء للبر او اي مكان لازم معاي كيس للنفايه مع ان للاسف يجي احد يقولك انتي مو مسئوله بس ولا يهمني
وعودت اولادي نفس الحكايه الا النظافه ولو في مكان عام لازم اللي بعدي اضعه في الحاويه
دائما اخاصمهم لو واحد مر من جنب حاجه مرميه وماشالها ولو مو لك معليش ارفعها عن الارض
وماشاء الله مره حضرت محاضره لداعيه معروفه عندنا وكانت عن اللباس الشرعي وقالت مافيه اي تعارض بين الشياكه والاهتمام وبين الالتزام بالعكس المفروض نكون قدوه وفعلا كانت قدوه اللبس منتهى الشياكه وساتر جدا والشعر تحفه والاكسسوار الله يحفظها
اما حكاية التخلي عن اللغه فهي حارقه دمي رغم اني امشي نفسي بالانجليزي بس لو كلمت مطعم مثلا ورد بالانجليزي فهم علي بالعربي بركه ولا اقوله اعطيني احد يتكلم عربي واكره اللي يطعم كلامه بمفردات اجنبيه

دوشتكم بالكلام لاني الى الان احاول التزم الراحه والجو عندنا عفى الله عنا من امس غبار فظيع

http://www.sarah-aslmi.com/arosh.htm

السلام عليكم ورحمة الله وبركاته

عروس

كلامك كله صح والله

انا هنا وفي مصر بلاحظ الاختلاف بس هنا اكتر لان في اجانب كتير

في المطاعم الناس بتجيب الاكل لنفسها طيب ليه لما اخلص مش بشيل وانظف المكان اللى قعدت فيه لااااااا

محدش بيعمل كدة

بشوف مثلا معاملتهم لاولادهم على طول مبتسمة و بتعاملها زى واحدة كبيرة يعني بتحترمها
بتسالها عايزة ايه عايزة تلعبي فين وتلعب معاها طبعا

ووراها في كل مكان وتقولها العبي مع البنت دى يعني بتشجعها على المشاركة حتى تلاقي ولادهم هاديين كدة ولعبهم هادى ومنظمين
لكن احنا بحس ان اولادنا غير ولادهم عفاريت دة غير التكشيرة وبيحبوا يضربوا بعض او ياخدوا اللعب من بعض او يغلسوا بس لمجرد الغلاسة هههههههههههه

والله مرة ولد جه وقف قدام زيزو ابنى ومش راضي يمشي هههههههه غلاسة مش عايزه يمشي

وابنى الحساس جه يعيط لى والتانى قعد يضحك

ولما تتكلمى معاهم تلاقيهم بيفهموا كدة يعنى مش عارفة بحس بفرق بصراحة في التعامل

حتى الفلبيننن والهنود لما ندخل محل لبس مثلا البياعة تفضل واقفة مكانها لما انتى تندهى لها او تطلبي منها حاجة وعلى طول مبتسمة

انما في مصر تفضل ماشية وراكى هههههههه انتى عايزة حاجة معينة ؟؟ طيب لون معين؟ طيب قولى لى عايزة ايه وانا اجيبلك هههههه

او بقى تقول انتى هتتفرجي بس ولا هتشتري ههههههههههه ا!!!!!!!!11

يعني تزهقك وتكرهك في اليوم اللى جيتي عندهم فيه افرضي انى اتفرجت ومالقتش اللى انا عايزاه ايه المشكلة !!!!!!!!

دلوقتى اتحسنوا شوية يعني

حاسة انى بعدت عن الموضوع بس مش مشكلة

انا بعود ابنى لو كل حاجة او عصير يدور على الباسكت ويرمى فيها الورق

وفي البيت نفس الحكاية

بحاول اعلمه يلم لعبه بعد اللعب بس لسة مش بيعملها اوى بس انا وراااه هههههههه

لما اكون بجيب الاكل ساعات بخليه يودى حاجة خفيفة عليه على السفرة

لما اجى المع حاجة بخليه يرش وانا امسح

بخليه يجيب الكوبايات اللى مش نظيفة على المطبخ

لو افتكرت حاجة هاقول