كوبونات الراقية تسجيل الدخول

هايا
هايا •
السلام عليكم ورحمة الله وبركاته

ازيكم يا بنات وحشتوني جدا انا موجودة بس مقلله المشاركات عشان الملف وميبئاش كلها سلامات بس مقاومتي خلصت بصراحة

عروس الف سلامة على عمر ربنا يطمنك عليه اديلوه شوربة خفيفة بليمون وشاي خفيف بليمون وربنا يتمله الشفا على خير

مرمر محدش يعرف الخير فين انتي بس سيبيها على ربنا وادعي ان ربنا يقومك بالسلامة طبيعي - قيصري مش مهم المهم انك انتي والبيبي تقوموا بالسلامة ان شاء الله

هدى ربنا يشفيها ويعفو عنها وجودي ربنا يهديهالها يارب يا جماعة ممكن حد يبعتلي رقمها عشان اطمن عليها

ارجو عفو ربي مبروك لابنك يا جميل عقبال الكلية ان شاء الله

يوكي ما شاء الله عليكي انا بعمل زيك بس بصراحة مش يوميا ربنا يقدرني واواظب معاها اكتر من كدة

هبهوبة ام يوسف انا كمان رأيي زي عروس انتي شوفي كدة الاعلانات او حد من اهلك في مصر يدورلكم على حاجة مناسبة وتؤليله تاني بس لما يكون في حاجة في ارض الواقع وربنا يهيدكم لبعض يارب

ميرو ميرو
معلش كنت عايزة اسألك على حاجة يعني انتي بتقولي ازاي ميبئاش ليكي رأي في البيت
يعني حاجات مصيرية ولا الاحداث اليومية الاكل والشرب والحاجات دي لو الحاجات دي خلاص مشي رأيه هو مش مشكلة مكرونة بدل الارز ولا ملوخية او بامية مدام ده هيرحيه او لو حاجات متكررة تتفقوا ان كل واحد يختار مرة

وبالنسبة للحاجات المصيرية كان عندنا دكتور في الكلية ما شاء الله عليه ربنا يخليه وهو مراته لبعض دايما يؤلنا يعني ايه الراجل يمشي كلمته مدام مش متفقين يبى نختار حل وسط وكدة محدش يزعل مدام معرفناش نقنع بعض يعني ايه المشكلة لو اتكلمتي معاه بالعقل وبالتفاصيل مش كلام عام انتي وانتي بصفة عامة لا خليه يقول المواقف عشان تعرفي تتصرفي في الحاجات اللي شبهها
مش عارفة ليه حاسة ان انتو الاتنين برده متشبثين برأيكم كمان كنت عايزة اؤلك متجبيش سيرة الانفصال تاني لا قدر الله عشان مش عايزة ده يترسب في عقله الباطن ويبئى شايف انه ده المخرج من المشاكل والدنيا هتبئى جنة من غير وجع الدماغ والنقاش في كل صغيرة وكبيرة بالعكس دي هتبئى الطامة الكبري ولو حد فيكم بيعمل للتاني خاطر حتى لو مش مبين في حالة الطلاق لا قدر الله ربنا ما يكتبه على اي حد هتبئى المواضيع عند للعند

ربنا يهيدلك الحال ويصلحهولك يارب

كل البنات صباحكم فل وورد وياسمين
ام البنات المصرية
ام البنات المصرية •
السلام عليكم ورحمه الله وبركاته
اللهم يارحمن يارحيم اسالك باسمائك الحسنى وذاتك العلا ونور وجهك الذى اضاءت لها السموات والارض انا تجعل تجمعنا تجمعا مرحوما وتحشرنا مجتمعين الى الجنه زمرا يارحم الراحمين

الحمد لله على كل حال واعوذ بالله من حال اهل النار
انا عظمى كله بيوجنى بس والله اول سبب انى اجى الشغل انتم لان عارفه انتم قلقنين عليا والله لما قراءت كلامكم كانى اخذت بنج راجيه عفو ربى ايه الكلام الحلو دة
سبحان الله انا كنت فى ضائقه ماليه كبيرة والى زود الموضوع دى مش اول مرة كنت نازله من فترة من عند بابا وكنت راكبه مع منى العربيه نست الموبايل رجعت اجيبه سبتنى ومشيت فتحت الشنطه ملفتش معايا الى يرجعنى بيتى انا الحمد عمرى ما بتاخر عن حاجه ضرورى لماما بابا اخواتى بناتى دة الموقف يامنمن الى مكنتش عاوزة اقوله ربنا سترها انا كنت ناسيه المواصلات العامه وركبت مينى باص وكلمت السيارة الى بركب معاها يوميا وقلته ان الكيس بتاعى وقع واستنونى وفعلا رجعت معاهم الموقف دة قلب الحاله النفسيه وصلها الى الزيرو فى اخت حبيبه اعطتنى مبلغ ارجعه وقت ربنا مايسر المبلغ كان غالى انه منها وغالى لانى مش باخد سلف غير من شغلى كنت فكرة المبلغ هيكفى مع المرتب انى اخلص الالتزامات كله اتصرف ولسه فية حاجات باقيه عمرى ماحزنت على فلوس او عملت ليها قيمه قد المبلغ دة وابتديت اتغير مع جوزى غصب عنى وعندى شعور بالضيق والاحباط والالم بيسرى فى جسمى زى الابر ان الزعل بيهدنى لحد مالقيت رجلى مش شيالنى مش قادرة اقف من غير مبالغه ربنا بعثالى رساله انتى مش حمدنى على نعمى عليكى صحيت زى كل يوم 4 ونصف صباحا جودى بقالها اسبوعين تنام واحد صباحا اتنين ثالثه واخد دواء الحساسيه علشان تهدى ومفيش فايدة نفس الميعادة فتحت الثلاجه وتسلقت الارفف واخذت الفيتامين وكانت هتشرب تافجيل بس الحمد الله ادلق حمدت ربنا انه سترها وحاولت انيمها مفيش فايدة قلت انا فى البيت ومفيش نوم اعمل ايه حاجه دمست فول وعصجت لحمه وعملت مسقعه وكل دة وهى جانبى سمعنا صوت صريخ فتحت نور الشباك تشوف فى ايه الصريخ منين ودخلت المطبخ وانا بجمع الغسيل سمعت صوت دبه جامدة لقيت نور بتشدها من الشارع رجليها تحت وايدها وراسها الى على حيطه تحت الشباك وجسمها نزل وده لطف ربنا عليا وانذاره ليه انى مبقاش عميا عن كل النعم الى اعطانى فى حاجات ربنا بيوزعها ويقدرها الحمد فى جرج فى وشها وجلطات فى رجليها نتيجه الشدة بس ماشاء الله العمر غالى كانت مش بتكلم وساندة علشان ماتقعش فكرت فى رحمه ربنا وان فى حاجات الانسان ممكن يتحمالها فكرت لو رنا استرد ودعته فيها كنت هعمل ايه وصليت شكر ليه ان رحمته خففت عنى على فكرة انا سالت عن دعاء الرسول اللهم لا اسالك ردا لقضائك ولاكن اسالك اللطف فية وموجود فعلا الحمد لله انا مرتبى كويس بس التزامتى اكثر منه
كنت هموت من الرعب والمنظر جانى تيلفون من منى ربنا يارب يزيدها عقل هدتنى وعلى الساعه 5ونصف نامت ونمت جنبها والله حلمت بعروس وصحيت على تيلفونها فى ترابط روحى اكثر من كدة ربنا يارب يرزقك حبه وحب نبيه وقبل ماشوف ملف ايمان برضه حلمت بيها وانها فتحت ملف جديد يارب اجمع اروحنا فى الجنه دوشتكم وحكيت كثير بس دى رساله كلنا ياريت لا نتوقف عند مشكله مهما كبرت واحنا بنحل المشكله انا مش بقول نتواكل بس ملا نياس كل الحاجات الجميله الى ربنا رزفنا بيها
رانيا المنصورة يارب يرزقك ماتتمنى وماتحرمش من سوالك
هبه كل سنه ومريم طيبه ويارب يرزقك بشقه جميله بس فى زايد علشان تبقى جارتى
ارجو عفو ربى الف مبروك لابنك
ايناس ربنا يرزقك ولادة سهله انتى ومادو وتوته ومرمر ورحاب وكهرمانه وام مريم وكل البنات
مى ربنا يهدى ابنك وبنتى وكل ابنائنا يارب
نيرمو وتسلم ايديكم جميل اى وكلامك عن سرب الحمامات وام سوسو القلب الحانى الكلام الجديد دة جزء من مقاله تانيه ولا كان فى الاولى وانا ماختش بالى
فيميل ربنا يصلح دايما حالك انتى وميرو ربنا يارب يهدى جوزك وييم المحبه بينكم ريهام اخبارك ايه ان شاء الله احسن واحسن
يوكى ماشاء الله نظامك جميل
مرمر البتول ba emy HEBA
اهلا وسهلا معانا
انجى انا الى زعلانه قوى هههههههههههههههههههههه
حبيبه والمحبه للرسول وهايا والرمال الناعمه وكنزى متحرمش من سوالكم كل البنات صباح الفل عليكم
زوجه مصريه الغائبه الحاضرة مكلمتكيش لانى اخبارى كانت مش حلوة محبتش اشغلك عليا
زوجة مصرية
زوجة مصرية •
راجيه عفو ربي راجيه عفو ربي :
مكتبة الفتاوى : فتاوى نور على الدرب (نصية) : متفرقه </B> السؤال: هذه مستمعة أم عبيد من جمهورية مصر العربية محافظة الشرقية تقول في بلدنا بعض العادات التي خرجن وجدناها في بعض المناسبات يعني في عيد الفطر يعملون الكعك والبسكويت وأيضاً في السابع والعشرين من رجب يحضرون اللحوم والفاكهة والخبز كذلك في النصف من شعبان وفي مولد النبي صلى الله عليه وسلم يحضرون الحلوى والعرائس وغيرها في شم النسيم يحضرون البيض والبرتقال والبلح وكذلك في عاشوراء يحضرون اللحم والخبز و الخضروات و غيرها ما حكم الشرع يا شيخ محمد في هذا العمل في نظركم الجواب الشيخ: نعم أما ظهور الفرح و السرور في أيام العيد عيد الفطر أو عيد الأضحى فإنه لا بأس به إذا كانت من حدود الشرعية ومن ذلك أن يأتي الناس بالأكل والشرب وما أشبه هذا وقد ثبت عن النبي صلى الله عليه وسلم أنه قال (أيام التشريق أيام اكل وشرب وذكر لله عز وجل) يعني بذلك الثلاثة الأيام التي بعد عيد الأضحى وكذلك في العيد أيضاً الناس يضحون ويأكلون من ضحاياهم ويتمتعون بنعم الله عليهم وكذلك في عيد الفطر لا بأس بإظهار الفرح و السرور ما لم يتجاوز الحد الشرعي أما إظهار الفرح في ليلة السابع والعشرين من رجب أو في ليلة النصف من شعبان أو في يوم عاشوراء فإنه لا أصل له وينهى عنه ولا يحضر إذا دعي الإنسان إليه لقول النبي صلى الله عليه وسلم إياكم ومحدثات الأمور فإن كل بدعة ضلالة فأما ليلة السابع والعشرين من رجب فإن الناس يدعون إنها ليلة المعراج التي عرج بالرسول صلى الله عليه وسلم فيها إلى الله عز وجل وهذا لم يثبت من الناحية التاريخية وكل شيء لم يثبت فهو باطل والبناء على الباطل باطل أو و المبني على الباطل باطل ثم على تقدير ثبوت أن تلك الليلة ليلة السابع والعشرين فإنه لا يجوز أن يحدث فيها شيئاً من شعائر الأعياد أو شيئاً من العبادات لأن ذلك لم يثبت عن النبي صلى الله عليه وسلم فإذا كان لم يثبت عن من عرج به ولم يثبت عن أصحابه الذين هم أولى الناس به وهم أشد الناس حرصاً على سنته واتباع شريعته فكيف يجوز لنا أن نحدث ما لم يكن على عهد النبي صلى الله عليه وسلم وأصحابه وأما ليلة النصف من شعبان فإنه لم يثبت عن النبي صلى الله عليه وسلم في تعظيمها شيء ولا في أحياءها وإنما أحياءها بعض التابعين بالصلاة والذكر لا بالأكل والفرح وشعائر الأعياد وأما يوم عاشوراء فإن النبي صلى الله عليه وسلم سئل عن صومه فقال يكفر السنة الماضية التي قبله وليس في هذا اليوم شيء من شعائر الأعياد وكما أنه ليس فيه شيء من شعائر الأعياد فليس فيه شيء من شعائر الأحزان أيضاً فإظهار الحزن وإظهار الفرح في هذا اليوم كلاهما خلاف السنة ولم يكن ولم يرد عن النبي صلى الله عليه وسلم إلا صومه مع أنه عليه الصلاة والسلام أمر أن نصوم يوم قبله أو يوم بعده حتى نخالف اليهود الذين كانوا يصومونه وحده نعم
مكتبة الفتاوى : فتاوى نور على الدرب (نصية) : متفرقه </B> السؤال: هذه مستمعة أم عبيد من...
السلام عليكم ورحمة الله وبركاته
مبروك الملف الجديد
فاتحة خير ان شاء الله على كل المشاركات والقارئات
أنا داخلة مخصوص عشان أشكر عروس
كلمتنى امبارح مخصوص تطمئن عليا...ومن بره بيتها....
بافضفض واقول كلام يمكن حتى مش مترابط ولا مفهوم ...يمكن فضفضة وخلاص وهى بتصبر عليا وترد وكأنها طبيبى النفسى الخاص..
جزاكى الله عنى كل خير...ويا رب كل خطوة تخطيها يا عروس ف دنيتك تكون فى ميزان حسناتك
ربنا ييسر لك جميع أمورك بما ترضيه ويشفى لك ابنك ويقر عينك به هو واخواته
وما اقدرش انسى هدى وسؤالها اليومى عليا رغم اللى شايلاه من احمال تنوء بها الجبال زى ما بيقولوا
ومنى دموع اللى دعت لى بظهر الغيب وحسيت بدعوتها ودعواتكم كلكم
نفسى اقول كتير...بس خايفة يتفهم كلامى غلط.......ربنا يفك كرب كل مسلم....
ما بقاش فيه شك ...قلة من الرجال فى جيل ازواجنا هى اللى بتسمح لزوجاتها انها تقترب منه فى قوة الشخصية..قلة منهم اللى ممكن يقدر لزوجته وقوفها جنبه فى ظروف فاتت وعدت عليهم وكانت اسود من السواد...قلة منهم اللى ممكن يفرح لما يلاقى مراته سادة كل الخانات الفارغة ف حياتهم..جميلة مثقفة شايفة البيت والاولاد ف افضل واحسن صورة...فاضلة ومصلية ومهذبة نهارا وغانية له فقط ليلا...قلة منهم اللى ما عندهمش عقدة نقص بتحركهم لأذية اقرب ناس لهم..قلة منهم اللى بيقدروا معنى كلمة اسرة....وحياة مشتركة..ودستور حياة اسمه ديننا بيقول نعمل ايه ف الموقف ده....البيوت مليانة...الزواج اللى بتشذ قواعده عن منهج الدين..الزواج اللى دستوره متقلب ومتلون بتقلب أحوال الدنيا ...قد يستمر فقط لعقل الزوجة...قد يستمر فقط عشان اولاد..واللى ف القلوب ف القلوب..
قد يكون ابتلاء واحتمال سوء اختيار..لكن دايما النتائج بتتحملها الست وبس..الام وبس
قد يكون فى اختلاف الجنسين رحمة...ويمكن من فضل ربنا علينا اننا مش بنفهمهم الا بالعشرة....والا كانت كل البنات بطلت تتجوز...يبدو فعلا انه نصف الرجال استشهدوا ف الحرب والنص التانى اتجوز من 40 سنين...على رأى جيهان الغرباوى
نجحت الحرب الاعلامية علينا...أعداء ديننا اختاروا يهدموا الاسرة المسلمة من جوة فتفتونا حتة حتة.. فاكرين الدش لما بدأ كان بكام؟ ولوقتى بقى بكام؟ مش غريبة ان القنوات المتشفرة سايبة عادى الوصلات اللى ب20 و30 جنيه تدخل كل بيت حتى البيت اللى بقتص ربع ميزانيته مثلا عشان يتابع الفضائيات ومش اى فضائيات..اللى مشتركة ف الشو تايم والاوبت هتفهم قصدى اكتر......الرضا بقى حاجة صعبة بعد ما اتشف الافضل والاحلى و....لنا فى نور ومهند المثل الواضح والصريح ......خلاص الست لازم تكون زى الهايفة والننوسة وغيرهم والا انتى اللى غلطانة..وهو المظلوم الغلبان اللى قرون استشعاره جاهزة دايما لالتقاط أى أنثى...ما هو مظلوم يا ناس مش لاقيها ف بيته...وحتى مش لازم جواز ويتجوز ليه تانى ويشيل مسئولية وهم تانى خليها تخاطيف خفيفة ومدغدغة للمشاعر والاعصاب...وانتى لازم تكونى راجل لو احتاجها تسد مكانه!!!...لو ظروفه المادية متوسطة او ضعيفة فهو واجب عليكى تشاركى..امال تبقى أنانية يعنى؟؟؟؟؟؟وكمان عليكى مصاريف حضانة اولادك ومواصلاتك..مش انتى اللى عايزة تشتغلى؟ ولو مش بتشتغلى خلاص افضى بقى لكل الادوار وهو كفاية انه مطحون ف الشغل ...روحى مدارس وادفعى فواتير ورتبى شكل الحياة نفسها واعملى كووووووول حاجة..هو بيجيب الفلوس وده شئ خارق فى عالم البشر طبعا!!!!!!!!!!...حسى بالنعمة..ودايما هيتقال لك بصى لغيرك..اللى مش متجوزة واللى مطلقة واللى مش واللى مش....بقينا خلاص مجتمع علمانى..مجتمع بيرحب باقامة الاخت الهايفة وبيطرد واحد زى عمرو خالد عشان بس بيقول تعالوا نروح لربنا
يمكن كلامى يبان انه هجوم..ويمكن الاقى نفس الاخت الفاضلة اللى بعتت لى قبل كده ع الخاص تقولى انى معقدة باعتة لى وبتطلع لى لسانها وتقولى شفتى؟؟؟؟
اقولها اه شفت...بس الفرق انى لسه فى مكانى...ما استسلمتش...قرفانة وتعبانة لكن مرابطة ف مكانى...بمكن حلاوة روح ويمكن طبيعة شخصية ما بتحبش الفشل ، الاكيد انها شخصية واثقة وآملة ف الله وف عدله..والاكيد ان اجر الثبات وجهاد النفس اعلى وافضل من اى مردود دنيوى اتمنيته فى توقيت ما
يعنى....جهادنا ضد مشاكلنا مع ازواجنا بقى جهاد اكبر...دفاع عن بنية مجتمع مسلم السوس بينخر فيه...يمكن ثمار الجهاد مش لجيلنا..يمكن بناتنا واولادنا هينعموا بحياة زوجية افضل...يمكن لو ربينا أولادنا بوعى للى بيحصل هيطلعوا اقوى وأكثر قدرة على الصمود للتيارات العالية...بس الاكيد ان لنا الاجر.........يكن لو اتعاملنا بفهم للى بيحصل يمكن لو كبرنا على اللى بيحصل...يمكن لو خلينا هدفنا بعييييييييييييييييد عن مجرد انى اكون مبسوطة فى حياتى الزوجية هنرتاح...عكس ما قالوا لو بطلنا نحلم هنعيش احسن ...مش هنموت
مكتوب على عرش الرحمن ...لاااااااا راااااااحة ف الدنيا....لكن فيه عمل..وله اجر
ميرو....فيه سؤال اسأليه لنفسك ويمكن تنهى به حيرتك" بأسأل السؤال ده لنفسى كل يوم وبادعى ربنا اثبت على إجابة"
بتحبى جوزك لحد فين؟...استعدادك انك تتغيرى عشانه لحد فين يعنى؟
حياتك من غيره افضل؟....ليكى انتى مش الولاد
ردى ع السؤال ورتبى حياتك على ردك
كلمة قالتهالى خالتى زمان قبل جوازى وبحاول افتكرها دايما لما تسود الدنيا ف وشى..قالت لى:
دافعى عن زوجك وبيتك وحياتك مهما حصل
مفيش ف حياة الست اجمل ولا احلى من الزواج الاول...حتى لو لا قدر الله انفصلتى ف يوم من الايام ..عمر الجواز التانى ما هيكون زى الاولانى.
..احنا غيرهم..حتى لو زوجك التانى الاوسم والاغنى وكل افعل التفضيل من الرجال..مش هيكون زى اول مرة.خلص كلام خالتى ...واكمل من عندى
يمكن لانه اول اقتراب حقيقى من رجل بكل تفاصيل الحياة.؟
 يمكن عشان اول واحد ساب بصمته عليا؟....
هم عاااادى...دى تروح تيجى غيرها...مفيش فرق
احنا اللى بنخسر...نفسنا مش هم...
القرار صعب والظروف صعبة....عشان كده لازم نفكر ونحسبها
والله يا ميرو الكلام ليا قبل ما هو ليكى...باكتبه عشان يكون قدامى واحاول احسبها صح
دعواتكم.............
ام البنات المصرية
ام البنات المصرية •
الدنيا ف وشى..قالت لى:
دافعى عن زوجك وبيتك وحياتك مهما حصل
مفيش ف حياة الست اجمل ولا احلى من الزواج الاول...حتى لو لا قدر الله انفصلتى ف يوم من الايام ..عمر الجواز التانى ما هيكون زى الاولانى.
..احنا غيرهم..حتى لو زوجك التانى الاوسم والاغنى وكل افعل التفضيل من الرجال..مش هيكون زى اول مرة.خلص كلام خالتى ...واكمل من عندى
صباح الفل ياحبيبه قلبى
انا اقتبست الجزء دة لانى فى تجربتين عشتهم فى اخواتى منى وهبه منى كانت ساكنه فى الشقه الى جانبى قبل منعزل من البيت انا وقفت فى كل مرة توصل للطلاق بالمرصاد لدرجه انها فى فترة كرهتنى وكانت فكرة انى ضد تقدمها فى الحياة للاسف الشديد فى بلادنا ومتهيالى فى العالم العربى كله مهما كانت السيدة او الفتاة على خلق ودين وادب جم محدش بيسبها فى حالها فى فترة من فترات منى عند بابا سمعت الجيران قبل مايحصل طلاق بيقولوا يمكن بتحب دكتور او العكس وعاوزة تطلق علشان تتجوزة من غير حتى ميعرفوا هى شغلها فين ومع مين وشغلها كان جيش مفيش فيه هزار ولا وقت للكلام الفراغ وكل حايتها كانت فيها مشاكل هى كانت عنايه مركزة وكانت فى حالات شبه ميته كل يوم مشكله مع دكتور انها بتصحيه من النوم يشوف الحاله وكان يقولها (دعى المريض يموت فى صمت) دى قاعدة طبيه دة الحقيقه والناس كانت بتقول ايه
هبهكانت بيعدة عننا كلنا انفصلت بعد 6 شهور جواز كانت محرومهبعد الطلاق تقف فى بالكونه لوجت زارتى يبقى تليفون لما تجى ولما تمشى حياتها زى المساجين والجوزاة التانيه نفس المشاكل كربون من الاولى مينفعش تطلق تانى برمجه حياتها واستمرت 10 سنين ليه لانها عارفه انها مش هينفع تتطلق بيتها احسن بيت فى النظام رغم ان جوزها وحماتها ربنا يعنها عليهم لايحتملوا ولو رجع الزمان والاختيار مكنتش هتطلب الطلاق طبعا الى حصل مشيئه واقدار بس ياريت اى واحد عندها مشكله تنسى الطلاق كحل د من قاموس حايتها وكفايه ان ربنا قال عليه ابغض الحلال انا محكتش تفاصيل علشان الرغى الكثير
المحبة للرسول
المحبة للرسول •
ارجو عفو ربى
ربنا يفرجها عليكى يا رب و ان شاء الله تستقر الامور بينك و بين زوجك و اعتبريها سحابة صيف يعنى هتعدى باذن الله

مى
ما شاء الله ابنك الظاهر انوا مكبر دماغة زى ولادى يعنى اقعد احكيلهم الحكاية و فى الاخر يقولولى اية دا يا ماما دى وحشة قوىىىىىىىى

ام نادين
اخبارك اية يا جميل

مرمر البتول
معلش يا جميل انتى بس اكيد عشان متحملة المسؤلية لوحدك حاسة بشد اعصاب
ان شاء الله تسافرى قريب لجوزك و الامور كلها تستقر
ام سوسو
ما شاء الله مقالة والدك اكثر من رائعة
اخبارك اية يا جميل انتى و بنوتاتك الحلوييييين
مرمر
اهلا يا حبيبتى 00 تخيلى حلمك حلمك اسعدنى و مبسوطة انا كمان بية يا رب يتحقق فى الجنة باذن الله
و ربنا يرززقك ولادة طبيعية سهلة باذن الله
ام يوسف
كل سنة و روما طيبة و عقبال المليون سنة يا رب و هى بالصحة و العافية
و ان شاء الله كل احوالك تبقا تمام يا جميلة
tutah
يا رب يرزقك بالذرية الصالحة عاجلا غير اجلا يا جميل
يوكى
ما شاء الله
ربنا يحفظلك ابنك يا رب