السلام عليكم ورحمة الله وبركاته

اللهم انا توبنا اليك فتقبل توبتنا يارب العالمين
ماتنسوش ده دعائنا النهارده كلنا ان شاء الله بلسان واحد وان شاء الله ربنا يتقبل توبتنا جميعا

طبعا مش عارفه ابدأ منين ولا ابتدي كلامي لمين كلكم احب الناس لقلبي وخصوصا اني شوفت الحب في كلام كل الي كتبولي سواء علي العام او الخاص وعرفت الي في قلبكم لية مع اني كنت عارفاه بس ماكنتش متخيله كده

هيدأ الاول بخبر حلو ...................
ان شاء الله رايحه اعمل عمره الاسبوع الي جاي والمفاجأه أني هشوف ماما هناك
تخيلو كنت زعلانه من جوايا اني مش هسافر مصر لقيت ربنا عوضني بعمره وكمان اشوف ماما
بس ادعولنا في مشكله في الورق بتاعنا بس ان شاء الله ربنا ييسر الحال
ربنا كرمه كبيييييييييييييييييير اكتر من الي بنحلم بيه

ماما زوزو
القلب الحنون وعين العقل الي بتحرسنا وتخاف علينا من اي رياح قويه تهز العش بتاعنا
مش عارفه اقول لحضرتك ايه لو كلمه واحده بتكتبيها بتعبر عن كلام كتير بنحسه ونفهمه

عروس
يا احلي انسانه عرفتها في حياتي والله مش بجامل مكانتك في قلبي وقلبنا كلنا ويارب يجزاكي عنا كل الخير في الدنيا والاخره ويباركلك في جوزك وولادك ويرزقك برهم وتنولي كل الي تتمنيه
برغم مشاغلك ووقتك الضيق حسيت اني شغلك الشاغل وكل رساله كنت بقراها وخصوصا اخر واحده حسيت قد ايه انتي جميله وحنينه وياريتني عرفتك من زمان

ام البنات
يا خبرررررررررررر ايه الكلام ده ان كان فيه حد فهم غلط هو انا يا حبيبتي فهمت مشاركتك غلط بس والله ما زعلتش انا صعبت علية نفسي اوي منك ساعتها لكن انتي عارفه مكانتك عندي مش عايزه اقولك لما شوفت رقمك قولت يعني هي شحنت عشاني وكمان انا مش رديت عشان كنت ناسيه الموبايل وقعدت اتخانق مع جوزي ان كسل ينزل يجيبلي كارت واضطريت افتح النت مع اني كنت نفسيا لسه بس سبحان الله بعد ما قريت قولت عيب اوي لو مالميتش الموضوع
الي زعلني كلامك الاخير هو مين ده الي يمشي اصلا ماحدش مننا يمشي ايمان قالتلنا احنا اصحاب بيت لكن طبعا انتي اكبر مني قدرا ومكانه ولما جيت معاكم في الاول كنت اتمني حتي تذكري اسمي بس في مشاركتك
يارب ما يحرمني منك ولا من صوتك الجميل ويرزقك كل الي تتمنيه يارب

ام عبد الله
يا حبيبتي غلط ايه الي امسحه فيكي انتي اكبر من كده بكتير ربنا يثبتنا يارب علي الحق بحبك اوي يا هدي والله

ام سوسو
انتي اسم علي مسمي انا اي نعم توأمك بس طبعا انتي ملاك وانا لأ ماهو في توائم واحد ابيض والتاني اسمر عادي يعني لازم اختلاف كلامك لية قلقني عليكي عشان عارفه قد ايه انتي رقيقه وبتتأثري بسرعه ووالله لو كان معايا رصيد كنت كلمتك بس دخلت علي المسينجر الصبح مش لقيتك
معلش يا حبيبتي هو لازم الشيطان يدخل في كل حاجه حلوه بس ان شاء الله احنا اقوي منه
والقصه يا ملاك تجننن قد ايه انا بعد ما بعدت عن ماما مش بفتكر غير كل حاجه كنت بزعلها فيها ونفسي اوي اعوضها عن كل ده

الرمال الناعمه
ده انتي الي جميله يا حبيبة قلبي الموقف ده خلاني شوفت الي في قلبكم من ناحيتي ربنا يكرمك يارب
والقصيده اكتر من رائعه ومعبره عن حالنا يارب ارزقنا حسن القول والعمل

نرمو
يالا احنا معاكي في موضوع الصدقه وان شاء الله انهارده وبكره نجمع كل الاراء لأن في ناس انهارده اجازه
وانا قولت ناخد رقم حساب للدار وعنوان عشان نسهل الموضوع علينا كلنا ولو 50 جنيه نعمل تحويل من اي بنك او ايداع
وخلو بالكم (( ما نقص مالا من صدقه )) (( وربنا قال الحسنه بعشر امثالها وازيد ))

اسماء
انتي احساسك مرهف اوي كل مشاركه ليكي احلي من التانيه وقصة الصديقين حلوه اوي بس خلي بالك ده للاصدقاء وطبعا العفو والتسامح بيبقي بدرجات والي يقدر يتغلب علي نفسه في الموضوع ده يبقي وصل لمرحلة من النقاء يارب كلنا نوصلها بدل ما النفس البشريه متحكمه فينا اوي

ايجيبتي
بحبك في الله بموت في الي تبقي واثقه من نفسها لأن ده بينعكس علي الي قدامك

شيمو الشقيه
انا رجعت اهو تصدقي انتي فعلا بتفكريني بانجي نفس الطريقه وخفة الدم اتمني اشوفك يا شيماء
لما بتتكلمي عن المقاس فكرتيني بنفسي بعد ما ولدت يوسف انا اصلا طول عمري رفيعه وعاجبه نفسي وهاريه اخواتي المتجوزين تريقه علي التخن حتي وانا حامل في الشهر التامن ماكانش باين اصلا وبعد ما ولدت قولت اروح اشتري لبس جديد وانا كنت طول عمري اشتري من غير اسأل علي المقاس المهم
اختك بتموت في البس المحزق والمكسم طبعا كان زمان دلوقتي بيتلبس تحت العبايه المهم كل ما ادخل محل واختار حاجه البنت تقولي مش هيدخل مقاسك اتخنق مها واخرج وانا اصلا مش مقتنعه والحمد لله كان جوزي مسافر وكنت لوحدي وفي الاخر دخلت محل وعجبتني اوي بلوزه عيني كانت هتطلع لو ما اخدتهاش راحت البنت قالتلي مش هاتيجي مقاسك وده اكبر مقاس ليها قولتلها لا طبعا مقاسي انا ادرا منك ودخلت علي البروفه وعشان البلوزه تعدي من رقبتي ما فيش يا اختي الكتاف اعرضت ما تعرفيش ازاي قعدت انده علي البنت وقولتلها ساعدني يا انسه اقلعها طبعا وانا كنت اتمني الارض تنشق وتبلعني ههههههههههه وهي كأنها كان نفسها تسيبني مزنوقه طبعا روحت زي الشطار اشتريت حاجه كده شبه القميص طويله وفضفاضه
وعرفت ساعتها قدر نفسي كويس

انووووووووووووووووووج
وحشتيني ومعلش قصرت معاكي بس اعمل ايه جوزي بيقولي انتي بقي كل همك التيليفونات وبجد كنت هتجنن واطمن عليكي يا حبيبتي يارب تكوني اتحسنتي والف سلامه علي حماكي شفاه الله وعافاه

مرمر
حبيبتي انا كلمتك بعد ما خرجتي من العمليات ومامتك طمنتيني الف حمد لله علي السلامه ومبروك وصول زبيده يارب يرزقكم برها ويبركلكم فيها ان شاء الله اشحن او يرجعلي تيليفون البيت اختك ناويه تزن وطبعا انتي عارفه زني ههههههههههههههه

مني
يا حبيبتي الف سلامه علي مامتك يارب تكون اتحسنت دلوقتي مستنياكي بكره وياريت تدخلي علي المسينجر

في ناس مختفيه قلقيني عليهم مش هقول اسامي عشان مانساش حد
بس طبعا لميا لازم ادور عليها هي فين لو بتقري يا لميا ادخلي طمنينا

سبحانك اللهم وبحمد اشهد ان لا اله الا انت استغفرك واتوب اليك

هديتي ليكم شريط اناشيد ليه معايا قصه اسمحولي اقولكم عنها

كنت بمووووووووووت في الاغاني وكل فلوسي رايحه علي الشرايط واعشق اي فيديو كليب طبعا زمان ماكانش في كمية القنوات دي وكنت انام وسماعات الووكمان في ودني
ماما اصلا كانت طول عمرها ملتزمه وقريبه من ربنا وكانت مانعه الشرايط واحنا كنا بنجيبها من وراها عشان كده اول ما دخلت اعدادي اول حاجه جبتها الووكمان
المهم بعد ما خلصت دراسه عرفت ناس جيران لقوني بحب الاغاني جداااااااااا وكانوا ملتزمين راحو ادوني الشريط ده
اول ما سمعته دخلت دنيا تاني خالص هو في شرايط اناشيد دينيه كتير لكن صدقوني ده حاجه تانيه
بسببه دخلت في طريق تاني وقولت لازم اقرا كتير وقريت في وقت قصير عدد من الكتب الاسلاميه
وطبعا وانا بسمع شريطي المحبب الي قلبي
وبعد كده التزمت اوي اكتر من دلوقتي ووالله انا كنت بشوف ايات ربنا في حاجات كتير
عارفين الي يبقي ماشي وحاسس بمعية الله
انا طبعا بكتب الكلام دلوقتي وانا بفتكره وبحاولارجع لاحلي ايام حياتي
دلوقتي الواحد وقته كله البيت والاولاد والزوج والعبادات والتقرب الي الله بقت حاجه تكميليه
ده طبعا غير النفس الاماره بالسوء والهوي والصحبه
يارب اعنا علي ذكرك وشكرك وحسن عبادتك

امبارح لما كنت مضايقه افتكرته مش عارفه ليه دورت علي النت وحملته سبحان الله رجعني 12 سنه ورا رجعني لأيام صافيه نقيه وصافيه وجميله
انا هحط لكم لينك لتحميل الشريط انشوده انشوده وعشان خاطري اسمعوه وقولولي رأيكم

http://www.anashed.net/anashed/ashretah/ya_3abed_al_7rmen.html


في اتنين انا قصدتين منهم بحبهم اوي (( رباه و قل للطبيب ))

اسمحولي هكتبهالكم لأن الي مش هيعرف ينزله يقراهم بس طبعا بصوت المنشد حاجه تانيه خالص

رباه
رباه يا صاحب الافضال والنعم .. اقبل لديك مسئ جاء بالندم
اقبل لديك عصيا عاف مضجعه .. من كثرة الشجو والاوجاع والسقم
قد اثقلته ذنوب ليس يحملها .. فالتع منها هزيل العزم والهمم
قد جاء يطرق بابا لست توصده .. في وجه عبدا ذليل آمل الكرم
جاز الشباب بلهو غير منقطع .. والجهل يحزوه حزو الطائش الحطم
كنت الرغيب بطول لا حدود له .. علي اضاهي طول غاية القمم
والان ارجع ولا حظ يلازمني .. خل وفاضي اشكو شدة العدم
هل لي بعفو يزيح الهم يبعثني.. من فضل جودك يقصيني عن الوهم
أني غدوت قعيدا لا رجاء له .. الا رجاءك فأنقذني من السأم
قلبي بحبك مشغوف متي وردت .. آيات ذكرك تتلي زاد في ضرمي
ابصرت حالي وهمي كاد يقتلني .. من لوم نفسي كأني ناكس الذمم
يارب عفوك قلبي ذاب من كمد .. فأرفق بحالي فأني موثق القدم
لا استطيع حراك جلب منفعة .. او دفع مفسدة او جبر منقسم
من غير رفدك انا لا معين لنا .. الاك يا دافع الضراء والنقم
عاهدتك الله ربي ان اكون سواء .. نهجي صواب سليم القصد والشيم
عاهدتك الله ربي ان اكون سواء ..نهجي صواب سليم القصد والشيم

اللهم انا توبنا اليك فتقبل توبتنا يارب العالمين


صباح معطر بفل و ياسمين على احلى حمامات بالدنيااااا
الحمد لله مها اختلفنا بنرجع تانى احسن من الاول و دا يا بنات عشان احنا بنحب بعض حب صادق خالى من النفاق
و كمان عشان الحمد لله بنعين بعض فربنا مبارك فى التجمع دا
بجد قريت الصفحات و بكيت لانى حسيت ان الشيطان ابتدا يحس ان التجمع دا فية خطر علييييييية بس ايمانا و تماسكنا هزمة الحمد لله
اللهم لك الحمد يا رب

معلش الايام اللى فاتت كان عندى شغل و كمان جت عزومة امبارح من حيث لا ادرى ههههه بس الحمد لله عدت على خير
انهاردة قايمة متكسرة 00 و حاسة انى تعبانة قوى 00 هقوم اخد شاور و اعيش فى دور ليلى شوية لحسن لو سبت نفسى للاحساس دا هيطول معايا

ربنا يبارك فى التجمع يا رب و يهدينا الى الطريق المستقيم
بجد ان بحبكم قوىىىىى

السلام عليكم ورحمة الله وبركاته
وحشتونى جدا جدا
معلش انتو عارفين مشاغل السفر وان شاء الله
طيارتى فجر الأحد
يعتى هنروح المطار اليوم بالليل
وان شاء الله أبقى اتواصل معاكم من مصر

مرمر.... حمدلله على سلامتك يا جميل
وربنا يباركلك فى البنوتة ( زبيدة )



ماشاءالله لا قوة إلا بالله
امبارح كنت عند أم عبدالله
إنسانة حبوبة جدا وتلقائية وطيبة
وماشاء الله وجهها بشوش
ربنا يبارك لها فى أولادها ويحفظهم
وينولها ما تتمناه أمين يا رب