استغفر الله العظيم

ام البنات
ان شاء الله تطمنى على ايه وتفرحى وتفرحينا معاكى
يومياتى امارح
جبت سمك ونظفته وشيلته ومسحت البوتجاز والمطبخ على السريع وعملت بقسماط وغسلت وطبقت الغسيل وبعدين بالليل خرجت اجيب لبس لان انا ضربت خالص عد الولادة ومفيش حاجة بتيجى على مقاسى س طعا انا عايشة فى مدينة مفيهاش محلات ملابس كتير وخرجت ولفيت وملقتش حاجة خالص يبقى لازم مشوار للقاهرة او اسكندرية عن قريب ان شاء الله حتى اجى اقول افصل معندناش خياطين كويسين وكلهم رجالة ربنا يسهلهل يارب والاقى لبس من ىغير سفر لان السفر بالاولاد واواللف بيهم بيبقى صعب

السلام عليكم ورحمة الله وبركاته

بمناسبة الكلام عن النقاب انا مامتى لبسته من كم يوم وكانت نفسها تلبسه من زمان لانها كانت بتلبسه في السعودية وبابا مكانش راضي

لكن جت وفجأة لبسته وهى خارجة ومبسوطة بيه وسبحان الله محدش اعترض

وعماتى كلهم منقبات

الهداية من الله واللى مكتوب انها تلبس النقاب هتلبسه في الوقت المناسب ربنا يهدينا جميعا للخير


ام البنات

ربنا يطمنا على اية اول ما تعرفي قولى لنا

ايجيبتى

ربنا يعينك على بنتك واعتقد سن ال 4 سنين دة بيزيد فيه العناد عشان عايزة تستقل بشخصيتها فانتى اتكلمى معاها بالراحة عامليها انها واحدة كبيرة وكمان المقصات والحاجات الخطر زى المنظفات والاداوت الحادة دى لازم تشيليها في مكان ما تعرفش اصلا توصله
ربنا يهديها وكل ولادنا

جنة مصر

واضح ان انتى والوالدة واخدين موقف جامد من زوجة اخوك يعني انتى بتقولى انك بتكرهيها طيب لما تكرهيها بالشكل دة هى المفروض تحبك؟؟؟؟
ماهى هتبادلك نفس الشعور وهتكون مش عايزة اى احتكاك بك او بمامتك اديها فرصة حاولى تقربي منها بالراحة كدة واخوك ملوش ذنب انكم تقولوا له في وشه انكم بتكرهوا مراته بلاش تخليه في النص بينكم لو عايزة توصلى حاجة وجهيه كدة بالراحة من غير عصبية

فيميل

ربنا معاك في شغل البيت واخبار الولاد ايه؟؟

نيرمو

انا ما فهمتش على فكرة مش هى صدقة جماعية كلنا مع بعض ولا ايه ولا كل واحد يختار مع نفسه ويتبرع من الموقع او يبعت على الحساب
وبعدين جمعية رسالة جمعية كبيرة وبيجي لها تبرعات كتير مش احسن لو شفنا مكان تانى مش بيوصلوا تبرعات كتير دار ايتام مثلا ونبعت له بانتظام دة اقتراح يعني

او ممكن نتفق نتصدق كلنا في يوم معين

عملت امبارح حاجة حلوة اوى

قررت اعمل بهارات في البيت ومن مدة اشتريت كزبرة حب وفلفل اسود حب

امبارح جبت جزء من الكزبرة نقيته وغسلته وبالمصفة شلته من على وش المية وغيرت المية وغسلته تانى وصفيته بنفس الطريقة
وبعدين ولعت الفرن لغاية ما بقى حامى جدا ودخلت الصينية عليها الكزبرة المبلولة وخليت الفرن بقى على اوطى حاجة

يعني الخطوة دى عشان تنشف الكزبرة على صهد الفرن اسرع من انى اسيبها تنشف كدة عادي والطريقة دى جبتها من المنتدى هنا

بعد ما نشفت جبت طاسة وسخنتها على النار وحطيت فيها الكزبرة تتحمص شوية اول ما ريحتها تطلع شلتها

وسبتها تبرد و طحنتها

والفلفل الاسود بنفس الطريقة برده

بس الريحة تحفة و وتحسي انها فريش كدة وريحة قوية دة غير انى متاكدة من تنقيتها ونظافتها ومختلفة جدا عن اللى كنت بجيبها مطحونة جاهزة مكانتش بتبقى نفس الريحة القوية واقتصادية كمان لان الحب ارخص من المطحونة الجاهزة وكمية اكتر يعني الربع كيلو يعمل كذا برطمان

طريقتك حلوة يا مى انا كمان بقيت بعمل الفلفل الاسود والكمون فى البيت وبخلط وورق لورا وحبهان وزنجبيل مع بعض للشوربة بس بصراحة كنت كسل احمصهم بس انتى شجعتينى