memsi :

ام سوسو خضيتنى على مينا الحمدلله ربنا لطف فعلا الدنيا مش مستاهلة ام عبدالله العسل كلمتنى امبارح وكنت فرحانة بالمكالمة لانى كنت قاعدة زهقانة ههههههه واتكلمنا كتير وهى ما شاء الله شخصية حبوبة طريقة الفطاير سهلة نبقى نجرب مرة تسلم ايدك مرمر البتول مفيش حظر للسلامات سلمى براحتك ولو عندك معلومة حلوة اكتبيها اخبار بنوتاتك ايه ؟؟ لميا ماشاء الله شطورة بس الفول المدمس عملته مرة وفشل فشل ذريع لا ومن الشطارة عملت الكيس كله كيلو تقريبا على اساس انه هينجح ونفش اوى وكان هيطلع من الحلة وكمان اسود جدا ودى كانت اول واخر مرة اعمله ام البنات مستنية صور الملايات نفسي اشوفهم

ام سوسو خضيتنى على مينا الحمدلله ربنا لطف فعلا الدنيا مش مستاهلة ام عبدالله العسل كلمتنى...

um susu :

السلام عليكم ورحمة الله وبركاته: الحمد لله الالوان الزاهية بدات ترجع شوية شوية لبيتنا الجميل بس لسة الملف مفتقد للكثير... انجي : يلا قمر ، بلاش تطولي علينا انت تعرفي غلاوتك عندنا وروحك الحلوة في الملف. يلا مستنيك.. زوجة مصرية : يعني انا حاعمل واسطة لسيادة الرئيس عشان نسحب منك الوزرارة ، لا بجد تعالي بقى ، والله وجودك بيدينا جرعة إيجابية جامدة اوي. كل الحبايب الحلوين يارب تكونوا بخير وترجعوا لنا سالمين. مي: حبيبتي ، انت وجودك كمان كتير مهم ويبث الراحة والهدوء في النفس وكنزي كمان انا اول ما اشترك معاكم كنت بلخبط بينك وبين كنزي، يلا خلينا نشجع بعض زي زمان ونتفق على شغل البيت ما شي يا قمر؟ عروس: ان شاء الله كلنا حانكون عند حسن ظنك وحاتسبي الدولة في ايادي امينة ، وانا شاء الله الغايبين يرجعوا وتوصلي بالسلامة يارب. ام البنات : اخبارك يا قمر ، يلا مستنين الملايات. ام عبد الله : انت وعروس حاتعملوا تنافس على المعجنات انا باقترح نجرب الطريقتين ونعمل تصويت . ماشي؟ يومياتي: امبارح قبل ما انام عملت حملة على كعوب رجلي دعكتها ب مش عارفة اسمها ايه (المحكة ) ودهنتها بدهن سحر والله ، شريته من الاردن من سنة اسمه اوزون من منتجات البحر الميت وعلى فكرة رخيص جدا 1 ونص اردني ، يعني من اول استعمال حسيت بالنعومة ومسحت وجهي بقطنة وماء ورد. طبعا الكهرباء اليوم الثالث مافيش ولا دقيقة ومولدة المنطقة التي نسحب منها كمان عاطلة يعني اعتمادنا كله على مولدات البيت الثلاثة اليوم الفجر المولدتين عطلت بقت واحدة والحمد لله على كل حال، انا مش قصدي اكون سلبية وكئيبة لا بالعكس يمكن انتوا تحسوا بنعمة الكهرباء ، ويمكن واحدة تدعي لي بتيسير الحال بظهر الغيب. والله من ساعة 4 زوجي صاحي حاول يصلح المولدات وما زبطت معاه وباالاخر اخذها للمصلح. وربنا يستر ويكتب لنا اجر الصابرين يارب. صلاة الضحى من الصلوات الحلوة لو اتعودتي عليها مش حاتقدري تتركيها ولو تركتيها يوم حاتحسي بفرق ياريت تجربوها . ومع الركعتين ممكن وانت لسة على السجادة تقري وردك اليومي حتى ولو صفحة والله مش تاخذ وقت. يلا البنات صحيوا اروح اشوفهم وارجع لكم تاني يا حبايب. في امان الله ورعايته سبحانك الله وبحمدك اشهد ان لا اله الا انت استغفرك واتوب اليك.

السلام عليكم ورحمة الله وبركاته: الحمد لله الالوان الزاهية بدات ترجع شوية شوية لبيتنا الجميل بس...