اللهم ادخلها الجنة برحمتك وكرمك يا أرحم الراحمين"

"اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار ."

ربنا يصبر جوزها ويتولى ابنها برحمته

انا كنت سالت على المشايه قبل كدا هى جودى بتمشى بيها كويس الحمد لله بس بشوفها بتمشى بيها باطراف اصابعها هو دا عادى و لا ايه؟
حبيبتى انا جودى ماجبتش ليها مشايه هى ابتدت تسند الكنب والحوائط ومشيت لوحدها لو انتى شايف انها بتقف فيها مش مرتاحه بلاش علشان رجليها متتعبش ويارب البنات يفدوكى
زوجه مصريه حمد على السلامه نورتى بيتك بس انا زعلانه


صباح الفل ياماما زوزو نورتى الملف وياريت مشاركه كل يوم حفاظا على مبدا ماقل ودل بس المثل العامى بيقول الى ملوش كبير انتى كبيرتنا مش سننا مقاما واحتراما وبحكم ان دخولك عامل زى الفاكهه لما تبقى بشاير الكل بيحب يقرا مشاركتك وميفوتهاش اتمنى من حضرتك تستثمرى النقطه دى ويبقى صباحا او مساء ماقل ودل من ماما زوزو صدقينى هتفرق مع الكل كثير

السلام عليكم
تسمحولي انضم لسرب الحمامات بتاعكم و ابقى حمامة منه و نعين بعض على طاعة الله سبحانه و تعالى

صباحو نادي لبن زبادي
صباح مخصوص معطر وملفوف بالحرير واللولي والورد الجوري



مش ليكو ده صباح مخصوص لماما زوزو بس ههههههههههه علشان مبتكلش الزبادي






انا مودي مش تمام
ومع ذلك هدخل اغير معاكوا يا افرفشكم يا تفرفشوني
عاوزة اتكلم على حاجة
كان جوزي مرة قالي اللي عايز يعمل حاجة بيعملها
لما كنت بقوله اني مش بلحق اهتم بيه او بنفسي او بحاجة معينه في البيت قالي كده وفعلا
اكتشفت ان اللي عايز يعمل حاجة بيعملها

يعني لما حد يحط حاجة في دماغة فعلا بيلاقيلها وقت
سيبك بقى من البيت والشغل والعيال واللي واللي
يعني لازم كل واحدة تحدد اهدافها
وتنظم وقتها وده عن طريق نوته صغيرة انا بعمل كده من زمان في الفلوس وساعات في الحاجات اللي عايزة اعملها وفعلا بتنظملي دماغي قبل وقتي
وكانت بيليكان كمان قالت على كده
يعني ايه المانع ان كل يوم بالليل نكتب احنا عايزين نعمل ايه تاني يوم وبكده هنظم وقتنا ونشوف حجم الانجاز
كمان لو كل يوم حاجة اتعملت لنفسنا هتفرق كتير
ابسط الماسكات او حتى رشه برفيوم بتفرق والله
عارفين اللي بتكسل عن الشاور اليومي بتخسر كتيييييييييييييييييير نفسيا قبل ماديا
اللي مش لاحق يعمل ماسكات طبيعيه ممكن تشتروا الماسكات اللي من افون او اورفيلام وتكون باسعار حلوة وبتقعد كتير يعني مفيش حجة
اكتشفت ان معاملة الزوج ممكن تكون احسن لو اعدنا ترتيب الجمل الصادرة منا وبالتالي الجمل الواردة بتتعدل تلقائيا ههههههههه

يعني بدل انت عمرك ما جبت حاجة معينه ممكن تبقى بقالك كتير مجبتش كذا ولا مش واخد بالك ونعملها بهزار

وفعلا من لا يشكر الناس لا يشكر الله
كلمة الشكر ليها مفعول السحر مع الزوج خصوصا
نشكره لو قام من مكانه غير هدومه هههههههههههههه
لاحظت فرق في المعامله حتى مع اصحابي اللي طبقوا الحيلة دي

وسط منا بعمل الاكل ممكن كيكة تتعمل
او جيلي او كريم كراميل جاهز
يعني لازم البيت يبقى فيه حاجة حلوة للولاد ولاي ضيف مفاجئ

بحشر العبادات حشر في يومي للاسف
بحاول الاقيلها وقت
طبعا مش بتكلم على الفروض
انا بتكلم عن قراءة القران او النوافل
يعني ممكن قبل ما ننام وعلى السرير قراءة صفحتين بس من المصحف ويا بخت من قلل الندر ووفى بيه


صلاة الفجر حلوة اوي بس يا ريت نواظب انا للاسف ماشية على سطر وبسيب اتنين
ادعولي ربنا يثبتني


الولاد
ممكن وانا بطبخ اقعد اراجع قران للولاد او احكيلهم قصة من قصص الانبياء او ممكن حديث جديد يحفظوة


يعني باختصار اللي بيقول ان مفيش وقت بيكون بيكذب على نفسه علشان يريحها


الوقت موجود ربنا بيدهولي انا وانت وعروس وماما زوزو وروشانا وانجي الجبانه وشيمو وميمسي وام سوسو وفيميل وايجيبتي وام عبدالله وام يوسف ومادو وزوجة مصرية واسماء وكلنا كلنا

شوفوا الفرق بين واحدة مقصرة زيي وواحدة ماشاء الله ولا حول ولا قوة الا بالله زي ام سوسو (لكونها اكثرنا نشاطا)


يلا شدوا الهمة وكل واحدة تجيب نوتة روشه وشكلها كيوت كده تدلع نفسها بيها
وتبتدي تعيد ترتيب اهدافها واولوياتها تاني

كل يوم لازم يعدي واحنا عاملين حاجة من كل حاجة يعني لا نطلب الكمال لكن منسيبش حاجة خالص



بحبكوا والله

على فكرة انا كنت داخلة اقول حاجة تانيه خالص لكن ربنا هو اللي خلاني اكتب الكلمتين دول
افكركوا بيها وانا معاكوا
بجد ربنا بيسخرنا لخدمة بعض
وربنا يخلينا لبعض في الخير دايما


وعلى فكرة انا دايما بحط روابط مش بنقل الموضوع لو كان ينفع طبعا
لسببين
اول سبب ان ممكن صاحبته تكون قايلة انها مش محللة اي حد ينقل اوينسخ مواضيعا ومكنش خدت بالي فببعد عن الشبهات
تاني سبب اختصار للمساحة اللي بيحب يدخل اوكي واللي ميحبش يبقى ممليناش الصفحة وخلاص