كتبت رد طويل واتمسح بس قلت امسي واكتب تاني

زوجة مصرية

فكرة جميلة ومحتاجينها جدا عشان نتشجع

اليومين اللى فاتوا كان ويك اند والبيت كله مدمر ان شاء الله بكرة حملة تنظيف وحمام زيت لشعرى وماسك اثناء الشغل

اما ابنى هو دة اللى مش بعرف اعمل معاه ايه
ربنا يهديه
وهاكتب بالتفصيل لما اعمل حاجة

الفجر بستنى لما اصليه وانام او بظبط المنبه وانام واصحى اصلى وانام تانى

وفي حاجة لاحظتها لما بنام على وضوء بصحى على طول اما لو نايمة من غير وضوء مش بصحى

يوكى

طريقتك حلوة مع ابنك انا بعمل كدة مع ابنى
لما نلعب اى حاجة اعد لغاية 3 مثلا وبعدين نبدأ

لكن يلم لعبه دى رافض بتاتا انه يعملها او يشيل واحدة وخلاص

التنظيف برده مش اوى

في حاجة بعملها معاه في شغل البيت

عندى غسيل بقوله تعالى يا زيزو
واديله الغسيل يحطه في الغسالة ويحط المسحوق واوريه يدوس فين الزراير
ونقفل الباب وخلاص

التلميع بيحب يمسك البخاخ ويبخ ونفضل نتخانق لانه بيرش على وشه

اقوله تعالى رش هنا في المكان اللى عايزة امسحه مراية او ترابيزة او اى حاجة
وانا امسح بالقماشة

ونلف على البيت كله هو يرش وانا امسح وبيبقى مبسوط:o

المواعين بيقف جنبي واديله طبق بلاستيك ومعلقة ويملا مية ويقعد يقلب جنبي

ايه كمان

اديله ورق او اى حاجة تترمي في الباسكت

حتى لو هامسح بيحب يمسك الموب اخليه يلعب بيها لغاية ما انا ارتب الاوضة مثلا وامسح في الاخر

حتى ترتيب الدولاب ممكن اطبق الهدوم واقوله تعالى حطهم هنا واجيب الكرسي يطلع عليه


حتى في السوبر ماركت بجيب الحاجة واقوله يا زيزو حطها في العربية طبعا بيروح يجيب لى حاجات مش عايزاها:angry2: بس مش مشكلة :D بشيلهم في الاخر


في الاول كنت بزعق واتنرفز لانه مش مخليني اشتغل الطريقة دى بقى حلوة بتخليه يلعب ويساعدنى في نفس الوقت

وبقيت اقول لباباه على الحاجات الحلوة مش الوحشة عشان لما نمدح السلوك الكويس يستمر عليه اما لو قلنا على السلوك السئ هيعرف انه دة اللى بيلفت الانتباه ويكرره

طبعا الحكاية دى قراتها في كتاب انا مش فالحة للدرجة دى بس بحاول اطبق اللى بقراه:06:

ازيكوا كلكوا يا رب تكونوا بخير

ارجو عفو ربي جزاكي الله خير علي الروابط لكن مطمنتيناش عن احوالك بس ان شاء الله تكوني بخير

تسلم ايدك اضافتك حلوه اوي ربنا يجازيكي خير

ميمسي ان شاء الله انت والاولاد تكونوا كويسين والالعاب اللي حطاها تحفه بحب لعب الاطفال اوي احمد دايما يقوللي بتجيبي البازل عشان تلعبي بيه

كنزي مستنيينك تكتبي تاني بكره ان شاء الله

يوكي ازيك يا جميل ان شاء الله ربنا يهدي يوسف بتاعك وبتاعي

روني القصص حلوه اوي جزاكي الله خير

زوجه مصريه ماشاء الله يومياتك جميله بس عايزه حاجه لانها تعباني نفسيا بحس ان الوقت اللي بقضيه في الطبخ والتنضيق وشوية شغل عالكومبيوتر كتير وبحس ان الوقت اللي بتكلم فيه مع الاولاد او العب معاهم فيه قليل اوي

اما يومياتي النهارده صحيت عملت لوبيا وفاصوليا بيضا كنت ناقعاهم من بالليل وكنت سالقه اللحمه وعملت الارز وكده اكون مرتاحه من الغدا بكره ان شاء الله ونانو كانت عايزه تلعب معايا فقولتها طيب قعدت تستخبي كده وانا ادور عليها يمكن 5 دقايق كده وبعدين تعبت وقولتلها كفايه بس هي اتبسطت اوي وعلي فكره مواظبه علي التونيك اللي كنت كتبته قبل كده وحسه انه عاجني اوي بعمله قبل النوم ولو افتكرت مره كمان اثناء اليوم

عروس ربنا يشفيكي يا حبيبتي ويقويكي انا برضه ان شاء الله من الاسبوع ده هبدا لف ان شاء الله عشان اكمل باقي لوازم السفر يالا ربنا يجمعنا باهلنا علي خير

كل البنات الغائبات يالا كفايه راحه كده واظهروا وبانوا شكله الموقع تعبكوا زيي

السلام عليكم ورحمه الله وبركاته
كل البنات جزاكم الله خيرالجزاء علي كل كلمه او دعوه بجد فرقتو معايا كتير مع اني مشاطره زيكم في شغل البيت اليومين دول لأن حملي من اوله كان متعب ونوم فيالسرير وكده بس استفدت منكم حاجات كتير بقولها لماما او اختي او واحده مناصحابي
عايزه اقول كم حاجه للوقايه بجد من الصراصير والنمل والصيف اهو دخل الجاااااااااااااااااااز سبحان الله امهاتنا وجداتنا كانو بيستعملوه كل كم يوم حطي في بالوعات البيت شويه كده قبل ما تنامي ومره في الشهر امسحي بماء وشويه جاز صغيرين وهوي البيت علشان الريحه تروح بسرعه بجد مفعوله رهيب حتي لو فيه هيختفي ان شاء الله
وفي يا بنات مطهر بيتباع ريحته قريبه من ديتول ماما جابته امبارح ريحته قويه وهو مركز جداااااااا الزجاجه لتر ب6ونصف صناعه مصريه مكتوب عليه مطهر للحمامات والمطابخ والارضيات
حاجه كمان كان في حد سألأ علي كريم يحمي من التسلخات للاطفال فيه كريم مركب في الصيدليه ممتاز اكسيد زنك مع زيت زيتون برطمان مدور وب13 جنيه ده واحده صحبتي قالت لي عليه لأن بناتها جسمهم حساس جداااااااا فده خلاصه تجاربها بتستعمله مع كل غيار للحفاض
ايه كمان اللي حواجبها خفيفه وقصيره زي كده هههههههههههههههه تجرب تحط في علبه الماسكرا الفاضيه زيت خروع وتمشي عليهم كل يوم قبل ما تنام كأنها بترسمهم لمده شهر كده وهتشوف نتيجه رائعه انا اختي لما جيت استغربت من حواجبها تقلت كده ازاي وكانهم مرسومين فافتكرت انها رجعت تعملهم قالت لي علي السر وانا بجرب اهو وكمان بحط علي رموشي زي ما زوجه مصريه قالت
بس ده اللي عندي النهارده
وطبعا كالعاده معملتش حاجه تذكر في البيت ترويق خفيف وساعدت ماما شويه في المطبخ بعد الغدا وعملت عرقسوس اصلي بحبه قوي بس اللي بيتباع جاهز بيحطو عليه لون وطلع حلو الحمد لله وبسسسسسسسسسسسس
يلا بقه انا رغيت كتير علي غير العاده تصبحو علي خير
سبحانك اللهم وبحمدك اشهد ان لا اله الا انت استغفرك واتوب اليك

عروس ورواني وميمسي مساء الحب عليكم